1 JOHANISI 1:2 - BIVHILI KHETHWA Mafhungo Madifha

² Vhutshilo honoho ro vhu dzumbululelwa ra vhu vhona; ri ṱhanzi dzazwo. Zwino riṋe fhano ri ni ḓivhadza zwa vhutshilo vhu sa gumi he ha vha vhu na Khotsi, ha vhuya ha dzumbululelwa riṋe.

1 JOHANISI 1:2 Iomraidhean Croise

JOHANISI 1:18

A hu na na muthihi o no vhuyaho a vhona Mudzimu; we a ita uri vhathu vha mu ḓivhe ndi Mubebwa-e-eṱhe, Mudzimu ngae, ane a vha tsini-tsini ha Khotsi.

JOHANISI 1:4

O vha e Ene vhutshilo, huno vhutshilo honoho tsho vha tshi tshone tshedza tshi vhonetshelaho vhathu.

JOHANISI 10:28

Ndi dzi ṋea vhutshilo vhu sa fheli, a dzi nga vhuyi dza fa, nahone a hu na ane a ḓo dzi thuba dzi na Nṋe.

JOHANISI 14:6

Yesu a mu fhindula a ri, “Nḓila ndi Nṋe; ndi Nṋe ngoho; ndi Nṋe vhutshilo; a hu na ane a nga swika ha Mudzimu Khotsi arali a songo dzhena nga Nṋe.

JOHANISI 15:27

Na inwi ni ḓo nṱanzilela ngauri no ḓi vha na Nṋe u tou bva henengei mathomoni.

JOHANISI 16:28

Nṋe ndi tshi ḓa fhano shangoni ndo vha ndi tshi bva ha Khotsi; zwino ndi khou ṱuwa shangoni, ndi vhuelela ha Ene Khotsi.”

JOHANISI 17:3

Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma.

JOHANISI 17:5

Khotsi anga, vhonadza vhugala hanga zwino henefha ndi na Iwe, vhugala honovhuḽa he nda vha ndi naho zwiḽa ndi na Iwe shango ḽi sa athu sikiwa.

JOHANISI 19:35

Ṱhanzi ya zwithu izwi ndi muthu we a tou zwi vhona nga maṱo. Zwino u khou zwi ṱanzilela uri na inwi ni tende. Zwe a amba ndi ngoho, nahone u tou zwi ḓivha uri u amba ngoho.

JOHANISI 21:14

Lwonolwo lwo vha lu lwa vhararu Yesu a tshi ḓisumbedza vhafunziwa vhawe u bva tshee a vuwa vhafuni.

JOHANISI 3:13

A hu na muthu o no gonyaho ṱaḓulu arali e si onoyo we a tou tsa a tshi bva hone, ndi amba Ene Mubebwa-nga-muthu.

JOHANISI 7:29

a no mu ḓivha ndi Nṋe, ngauri ndi bva khae nahone ndi Ene o nthumaho.”

JOHANISI 8:38

Nṋe ndi amba zwe Khotsi anga a tou ntsumbedza; inwi ni ita zwe na vhudzwa nga khotsi aṋu.”

MISHUMO 10:41

u ralo ndi sa ambi vhathu vhoṱhe – o vhonwa nga riṋe fhedzi ri re ṱhanzi dze Mudzimu a vha o dzula o dzi nanga, ra ita na u ḽa nae ra nwa nae musi o no vuwa vhafuni.

MISHUMO 2:32

“Onoyo Yesu Mudzimu o mu vusa vhafuni, huno riṋe roṱhe ri ṱhanzi dzazwo.

MISHUMO 3:15

na vhulaha Ene a ni isaho vhutshiloni. Mudzimu Ene o mu vusa vhafuni, nazwino riṋe ri dziṱhanzi dzazwo.

MISHUMO 5:32

Riṋe ri ṱhanzi dza hezwi zwithu khathihi na Muya Mukhethwa we Mudzimu a mu ruma kha vhane vha mu thetshelesa.”

VHAROMA 8:3

Mudzimu o ita tshe Mulayo wa kundwa u ita nge muthu nga tsiko yawe a shaya nungo. O haṱula vhutshinyi nga u ruma Murwa wawe, uri a ḓe nga tshivhumbeo tsha muthu a vhuswaho nga vhutshinyi, a vhe tshipfumelo tsha vhutshinyi.

VHAGALATA 4:4

Hone musi tshifhinga tsho tiwaho tsho swika Mudzimu a konou ruma Murwa wawe, a bebwa nga mme a re muthu wa ṋama, u bva hanani hawe a ḓi vhuswa nga Mulayo,

1 TIMOTI 3:16

Tshiphiri itshi tsha u ofha Mudzimu a hu na ane a nga kona u hanedza a ri a si tshihulu: O ḓa shangoni a vha muthu; Muya o sumbedza tshine a vha tshone, a vhonwa na nga vharuṅwa, a ḓivhadzwa tshakha dzoṱhe, shango ḽoṱhe ḽa mu ṱanganedza, a takulwa a ya vhugalani.

2 TIMOTI 1:10

Huno zwino vhuthu honoho ho no dzumbuluwa nga u ḓa ha Mutshidzi washu Khristo Yesu we a fhedza maanḓa a lufu a dzumbulula vhutshilo vhu sa tshinyali, a vhu dzumbulula nga mafhungo maḓifha.

TITOSI 1:2

na u lavhelela vhutshilo vhu sa fheli. Mudzimu, Ene a sa zwifhi, o dzula o ri fulufhedzisa vhutshilo honoho shango ḽi sa athu sikwa,

1 PITROSI 5:1

Inwi vhalisa, nṋe mulisa nga inwi ane nda vha ṱhanzi ya u tambudzwa ha Khristo, ane nda ḓo ita na u kovhekana nae vhugala hawe vhune ha pfi vhu ḓo dzumbuluwa, ndi a ni ṱuṱuwedza ndi ri:

1 JOHANISI 1:1

Ri ni ṅwalela nga Ipfi ḽi ri ṋeaho vhutshilo, ḽe ḽa vha ḽi hone u bva mathomoni. Ro zwi pfa nga dzashu nḓevhe, ra zwi vhona nga ashu maṱo, ra zwi sedza, ra zwi kwama nga zwanḓa zwashu.

1 JOHANISI 2:25

Tshe Murwa Ene muṋe a ri fulufhedzisa ndi vhutshilo vhu sa gumi.

1 JOHANISI 3:5

Hufha ni tshi ḓivha uri Khristo a tshi ḓa o ḓela u hwala vhutshinyi ha vhathu. Ene ha tshinyi.

1 JOHANISI 3:8

Ane a endela u tshinya ndi wa diabolo, ngauri diabolo ndi ene a no endela u tshinya tsha kale na kale. Hone Murwa wa Mudzimu a tshi ḓa ho vha hu u ḓela u phusukanya mishumo ya diabolo.

1 JOHANISI 4:14

Khotsi o ruma Murwa wawe u tshidza shango; ri ṱhanzi dzazwo, ro zwi vhona nga ashu maṱo.

1 JOHANISI 4:2

Zwine na ḓo ṱalukanya ngazwo Muya wa Mudzimu ngezwi: muṅwe na muṅwe ane a tenda uri Yesu Khristo o vha muthu wa ṋama, u na Muya wa Mudzimu.

1 JOHANISI 5:11

Huno vhuṱanzi uho ndi ha uri Mudzimu o ri ṋea vhutshilo vhu sa gumi, ri vhu wana nga Murwa wawe.

1 JOHANISI 5:13

Luṅwalo ulu ndi khou ni ṅwalela uri ni kone u ḓivha uri ni na vhutshilo vhu sa gumi – ndi amba inwi ni fulufhelaho Murwa wa Mudzimu.

1 JOHANISI 5:20

Hone ri dovha ra ḓivha uri Murwa wa Mudzimu o ḓa shangoni, huno Ene o ri ṋea ṱhalukanyo ya u ṱalukanya Mudzimu wa ngoho. Zwenezwo ro no vha vhathihi na Mudzimu wa ngoho na Murwa wawe Yesu Khristo. Ene ndi Ene Mudzimu wa ngoho, ndi Ene a no ri fha vhutshilo vhu sa gumi.