Tetewiteri 5:1 - Riosia Warijio Nayewani Ahpo Tisiwa Kaaweruma Tuuyewari

¹ Waikao puuu ye'kari yasirachi kahtiamea, ahjamina sekachio, piiripi iyosi pi'rinatiame makoyamekapua, neneku iyotetiame, oowisanisi ikichetiame, ma'chi o'inia ahkasi kajuyachisi yooremina.

Tetewiteri 5:1 Iomraidhean Croise

Tetewiteri 10:2

Sekachio ihjia, nu'uti iyosi pi'rinatiame makotoamekapua. Ahjamina taararaopua, pa'wechi ihteka weripakapua, owenamina taararaa, weeechi ihteka weripakapua.

Tetewiteri 4:3

Puuu wa'a kahtiamea, tehteka tiiamekapua, tisiwa peeniatiame tehte. Puuu tehtea, asape tewaniame tehte tiiamekapua, konarina tehteoika tiiame. Wa'a ikisao ye'ka yasirachio, kenora weeriapua wa'ao aampao. Puuu kenoraa, esmeráta tehteka tiiamekapua, káátisia peeniatiame.

Tetewiteri 4:9

Senepi ihji ahjakame wikataiopua, cheriwema kiasiapua yoorewi nookeka tiame pu'ka yawichi ki wahjiamesi ahjameopua.

Tetewiteri 5:13

Pu'ka tetewisaapua inamukania, yooma ihta ahjatetiameopua, tewekachi ohjoemeopua, weeechi ohjoemeopua tiame, wehtere ohjoemeopua, pa'wechi ohjoemeopua tiame, yooma ihjia chaachapachaniapua: Te'ta ye'karichi kahtiameopua, Apoe Po'wa teewataniameopua tiameo, pu'kakamera te'ta kaawerumari chaachapari chaachapapua pu'kao, te'ta weruma yoorewi e'repuapua tiamé, te'ta weruma utewari u'waeniame, ahkasi ki wahjiamesi.

Tetewiteri 5:7

Waikao puuu Po'waka tiiame tijoekai tiiamea, eenaka uukapua pu'ka pi'rinatiame iyotetiameo, yawichi yasirachi kahtiameo, ahjamina sekachi makoka kahtiao.

Tetewiteri 6:1

Wa'a ikisaopu Po'wa teewataniamea, piiripichi simiyame oowisani ikichapura, ikichapukapua. I'kao ikichapoiopua, piiripi puuu naao ahjari wa'a ajakamea, no'o chaanechaniapua: —¡Yaapiii, u'masika ne'nesaoopua! —nape kokotiame nayewachaniame, ki ku'ita te'teokachitia.

Tetewiteri 6:16

Waikao wa'a kaawi teesochi mochikaopua, chaachapapua: —¡Áii, áii! ¡Yaapiti tamochi ru'misa kaawíii, taamo ichipupapuapuaaa! ¡Ka'te taamo tetewite pu'ka yawichi yasirachi kahtiameooo, pu'ka tamochi nekakameopua! ¡Taamo ichipupamitiaaa, pu'ka Po'wa Tijoe nekarewachiooo!

Tetewiteri 8:1

Pu'ka Po'wa teewataniameo, oowisani ikichera ikichapusoopua, yuuweeme itipikapua, tepepi.