Numera 9:13 - Intas Etipup

¹³ Ja natimi inig et upene aien, um eti atga an taka uarin, jam eti aminjinaig nahtaregdei atimi, uhmu atipagki natimi inig ehele ilpu atimi o un: etpu amen nedo has irai natimi inig, va nedo o un, nikavaig, is eti imiapam nitai ahlap vai Ihova aien an nopan eris ati.

Numera 9:13 Iomraidhean Croise

Jenesis 17:14

Uhmu lep atipagki inhalav atamaig inig eri eti aperitome iran ehele ilpu etwan: et imipalea intas etipup unyak aien.

Eksotus 12:15

Akumu caig nareto aijaua inyi ti leven iran ira adiat inyi seven; akumu atipagki leven iraili iyum unyimia aijaua an nadiat uhup: aien et caig nareto aien et amen leven iran ahes an nadiat uhup um yetpan an nadiat sevend, uhmu atipagki natimi iyehki ehele nup Isreel.

Eksotus 12:19

Etmu jim amen tah leven iraili iyum unyimia ira adiat inyi seven: aien et caig nareto inig aien et amen leven iran, uhmu atipagki yin ehele nup Isreel, kit inyi up urai taka pece aien, ka natimi eris apos yin an pece.

Eksotus 12:47

Erumu ago nitai inigki a nup Isreel asega.

Eksotus 30:33

El et ago tah et idivaig inig tah, ka aspi tah tup natimi iran, uhmu atipagki yin ehele ilpu etwan.

Eksotus 30:38

El et ago tah et idivaig iyehki, mika yi ahgei nipin aien, uhmu atipagki yin ehele ilpu etwan.

Esikiel 23:49

Erupu aru ingeijid unyimirau iramirau ara, eraupu leh nimtan nedo has unyimirau aijaurau arus ago ehele niji atmasimai unyimirau aijaurau: eraupu lep ato aijaurau mika ek Ihova ainyak Natimarid.

Levitikus 17:10

El et caig tah inja irai itai tah natimi irai up Isreel, ka irai up urai taka pece, era amen ehelemia ara; ekpu amcel vai natimi iyehki ainyak et caig inja irai itai aien, um atipagki yin ehele ilpu atimi o un.

Levitikus 17:4

jam eti imiapam an neucse neom er asjapicnaig o un, um ahlap an nitai ahlap vai Ihova, an nuhup u neom itap u Ihova; etmu idivaig natimi atgei atmas a natimi iyehki; et idivaig tah et mun atgei atmas aien, uhmu atipagki natimi iyehki ira atimi o un:

Levitikus 20:20

El et amen tah natamaig ehele ehgai matan, ka ehele ehgai etwai etman, et mun auahas ehgai matan aien, ka ehgai etwai etman: arumu lucsei nimtan nedo has urau arau; arumu emesmas arau jam eti eteuc inhal urau;

Levitikus 22:9

Erumu lep apos nitap ura ara, va eri jim leh neruvaig iran ara, um emesmas vaig, el era auahas nitap ura ara: ek mun ago upene ra ainyak Ihova.

Levitikus 24:15

Namu lep tas ehele nup Isreel aiek, um ika, El et asan tas ahlaijaig vai ilpu atimi alupas an pece o un tah natimi, uhmu atijai iran nedo has o un.

Numera 19:13

El et atcei pan nohui natimi mas tah natimi, jam eti yiri yin, et auahas neom itap u Ihova aien; uhmu atipagki natimi naico ehele nup Isreel: eris eti ohai yin an wai er upene vaig, va nitai inigki etpu has aien; et amen nemig iran.

Numera 19:20

Ja natimi inig et has aien, um eti yiri yin, uhmu atipagki yin ehele atimi, is idim auahas nuarin itap u Ihova aien: eris eti ohai yin an wai er adicinadicin vaig; et has aien.

Numera 5:31

Inyi eti amen nedo has an natamaig, ja etpu lucsei nimtan nedo has o un a intakata inigki.

Numera 9:7

eris ika ehelen natimi iji ehki, Ecra mun auahas nitap unyima aijama va nohun natimi mas: er a uri par atapnes cama, mika ecri jim ahlap aijama Vai Ihova an nitai ahlap pan irai up Isreel an nopan eris ati?

Ilpu Hibru 12:25

Akumu aktaktai aijaua, um jim esjum vai yin et tas aien: el eris eti ethai yin ara eris esjum vai yin ara is tas aien an nobohtan, etpu ehka vai caija nethai yin vaig, ele ta atidjaija akaija iran et tas aien an nohatag:

Ilpu Hibru 2:3

intupu aha akaija um han id, ele ta eti aktaktai nitai imyiatamaig caija esjilid akaija, is upyi hup a Natimarid um tas vaig, ja eris par apitac ara sji ehki um asuptecnaig upene eheleija, eris atahaijeg yin ara;

Ilpu Hibru 6:6

el era adumoij ara, inyi ehka inlep imyiadumoij inliinmopura vaig, an lep atgei Inhal o Atua ura an nauincai atgeig vai ra, um imyiafakahcil yin an nuhup u atimi.

Ilpu Hibru 9:28

et idim ucco, eris ehcethi ahlap irai Kristo, mika yi leucse nimtan nedo has u atimi is ahinag aien, ja etpu lep aketo aien um ehcohos pam ehele ra era aitgai yin ara par imyiatamaig ra, ja inyi ti eteuc nedo has iran.