Numera 8:22 - Intas Etipup

²² Ja eris par apan a ilpu mapoi Livai par ago nauritai ura an neom er asjapicnaig o un an nuhup u Eron, im lep an nuhup u ilpu hal o un: eris ago irai ilpu mapoi Livai is idivaig intas o Ihova ehele Moses.

Numera 8:22 Iomraidhean Croise

2 Niji Tas Eled 30:27

Eris atidai a ilpu atimi ahlap, ilpu mapoi Livai, um acis yi alwai atimi: is atahaijeg nohrara a Ihova, is lep aridjipan nalaigaheni ura an nuarin itap o un, nohatag marom.

2 Niji Tas Eled 31:2

Is ikni niji irai ilpu atimi ahlap, im niji irai ilpu mapoi Livai a Hesekaia, is idivaig niji ira ra, mika eri ago nauritai ura, nikavaig, eri ahlap a ilpu atimi ahlap im ilpu mapoi Livai irai iji itai ahlap atnamud, im niji itai ahlap naaurinig, um auanaheca, um naaurinig, um acesaces nohraiitai irai eucse eom an neom u Ihova.

Eksotus 12:50

Eris ago nedo inig is asaig a Ihova ehele Moses im Eron a nup Isreel asega.

Numera 1:50

ja namu ikni ilpu mapoi Livai aiek mika eri aminjinaig neom er asjapicnaig o un, im nipjiitai asega urin, im niji itai asega o un: erumu apos neom itap ara im niji itai asega o un; erumu aheca o un ara, um atumop u neom er asjapicnaig o un um arehed mihtag.

Numera 8:15

Ja erumu apan a ilpu mapoi Livai um auanaheca an neom er asjapicnaig o un: namu ago adicinadicin ra aiek, um ikni ra par itai ahlap.

Numera 8:21

Eris ago upene ilpu mapoi Livai, eris lep yiri apelumai ura ara; ja is ikni ra a Eron par itai ahlap an nuhup u Ihova; is lep ahlap vai ra a Eron mika eri upene ara.

Numera 8:23

Is tas a Ihova ehele Moses, um ika,