Numera 8:2 - Intas Etipup

² Namu tas aiek ehele Eron, um ika ehelen, Nau wit atni lamp aiek, etmu ere lamp et seven an nuarin uhup u nitai atijai incap alahala iran.

Numera 8:2 Iomraidhean Croise

Saam 119:105

Et lamp uri neduok intas unyum, et lep itai lah va nefalaig unvak.

Saam 119:130

Et eteuc inlah va nesege intas unyum; era lep arapakau vaig a ilpu atimi eti ato itai.

Eksotus 25:37

Namu ago lamp inyi seven iran aiek: uhmu atijai lamp ijinies iran, va etpu lah vaig an nuhup o un.

Eksotus 37:23

Is ago lamp is seven aien, im niji itai ehtehti lamp iran, im nelcau uri nitai ehtehti lamp iran irai colt upene.

Eksotus 39:37

im nitai atijai incap alahala iran, im niji lamp urin, mika eri ikni upene lamp iran, im niji itai urin, im narakei uri incap alahala,

Eksotus 40:25

Is atni lamp aien an nuhup u Ihova; is idivaig is asaig a Ihova ehele Moses.

Aiseya 8:20

Erumu ahilek intas alep u Atua ara im intas inveijec o un: el et eti tas tah et idivaig intas inig, et idim ti inlah iran.

Levitikus 24:4

Etmu ago niji lamp aien an nitai atijai lamp iran irai colt upene an nuhup u Ihova irai iji opan asega.

Numera 8:1

IS tas a Ihova ehele Moses, um ika,

Numera 8:3

Is ago is uce a Eron; is atni lamp iji ehki aien an nuarin uhup u nitai atijai incap alahala iran, is idivaig is asaig a Ihova ehele Moses.

Madius 5:14

Eka itai lah an nobohtan aijaua. Et ehka nadenaigvaig neom iji eigki et amen ijinies an nedoon.

Joanes 1:9

Is itai lah inivaijec iyehki, is ham aien an nobohtan mika eri lah natimi asega vai yin.

2 Pitrus 1:19

Et lep amen eheleija intas esjilid ineig um inivaijec, eris upyi asaig a ilpu profeta; et upene vai caua naktaktaivaig, et idivaig inlah er ecetai an nuarin aupat, um imyihum pan an naopan iyehki etpu athut nadiat anliinmopomia, um lep ehcohos inmoijeuv an nadiat iran:

Nitai ehvaig 1:12

Kis ahidai nyak ainyak, mika ki ato nohoan iyehki is tas ehelek. Kis wat ahidai nyak ainyak, um ecetai lamp colt is seven;

Nitai ehvaig 1:20

nikavaig, nitai adenaig vai moijeuv et seven, na mun ecetai aiek an matak, im lep lamp colt et seven. Era ilpu agelo irai ekalasia an nuarin-pece et seven inmoijeuv et seven; et lep ekalasia an nuarin-pece et seven lamp et seven, na mun ecetai aiek.

Nitai ehvaig 4:5

Is ahes a dorona nawainapit, im inmunuka, im nohrai itai: is amen an nuhup u dorona incop alahala is seven; Nesgai Atua et seven ji eigki.