Numera 8:12 - Intas Etipup

¹² Erumu ikni ikmara a ilpu mapoi Livai ijinies irai kurimatau erahki: uhmu ahlap iran yi ethi nitai ahlap va nedo has, im lep iran yi ethi nitai ahlap atnamud vai Ihova, par adahpoi nedo has u ilpu mapoi Livai.

Numera 8:12 Iomraidhean Croise

Eksotus 29:10

Namu ika aiek eri imiapan kurimatau atamaig an nuhup u neom er asjapicnaig o un: erumu lep ikni ikmara ijinies an nidjini kurimatau atamaig a Eron im ilpu hal o un,

Levitikus 1:4

Etmu ati nikman ijinies an nidjinin nitai ahlap atnamud aien; ja etpu upene inliinmopoi Atua vai yin, uhpu leh iran nitai adahpoi nedo has o un.

Levitikus 14:22

im nucip yi ero, ka nalaupa yi ero, et idivaig et emda aien inleh vaig; inyi itai ahlap va nedo has et ethi, inyi lep itai ahlap atnamud et ethi.

Levitikus 16:11

Etmu lep leh kurimatau atamaig takuras a Eron nitai ahlap va nedo has o un, um ahlap vai yin, im ilpu hal o un, um atgei kurimatau atamaig takuras nitai ahlap va nedo has o un:

Levitikus 16:21

etmu ikni nikman ero a Eron an nidjini nanin umoh, um asuptecnaig iran nedo has asega u nup Isreel, im nedo ahnag asega ura an nedo has asega ura, um iknijai an nidjinin, um imiapan nanin an nikmai natimi ato itai an namasacen:

Levitikus 16:6

Etmu leh kurimatau atamaig takuras o un a Eron, um ahlap iran vai yin, um adahpoi nedo has o un, im ilpu hal o un.

Levitikus 4:15

Erumu ikni ikmara an nidjini kurimatau iyehki an nuhup u Ihova a ilpu atimi alupas u atimi: uhmu lep atgei kurimatau an nuhup u Ihova.

Levitikus 4:20

Etmu ago irai kurimatau atamaig inig aien, et idivaig is ago irai kurimatau atamaig iyehki aien, eris ahlap iran va nedo has: etmu lep ahlap va nedo has ura a natimi ahlap, ja uhpu eti aru ira ra.

Levitikus 4:35

etmu atipagki nagako asega iran aien, et idivaig er atipagki nagako an hakli siip er ahlap iran va nigpa; etmu atnamud an natau a natimi ahlap, et idivaig niji itai ahlap er ago vai Ihova an cap: etmu ahlap va nedo has o un a natimi ahlap, ja uhpu eti aru iran.

Levitikus 4:4

Etmu imiapam kurimatau iyehki aien an neucse neom er asjapicnaig o un an nuhup u Ihova; etmu lep ati nikman an nidjini kurimatau aien, um atgei kurimatau an nuhup u Ihova.

Levitikus 5:7

El et ehka vai yin nimiapam vaig inhakli siip, etmu imiapam ehele Ihova nucip et ero, ka inhakli nalaupa et ero aien, va nedo ahnag o un is ago aien; inyi itai ahlap va nedo has et ethi, inyi lep itai ahlap atnamud et ethi.

Levitikus 8:14

Is lep imiapam kurimatau atamaig aien uri nitai ahlap va nedo has: eris ikni ikmara an nidjini kurimatau uri nitai ahlap va nedo has a Eron im ilpu hal o un.

Levitikus 8:15

Eris wat atgei; is leh inja iran a Moses, um ati irai ipat an natau an nupsikman, um arehed mihtag, um ago upene natau, um atladwi inja an nohuun natau, mika yi itap, va uhpu ahlap iran.

Levitikus 8:18

Is imiapam siip atamaig aien uri nitai ahlap atnamud: eris lep ikni ikmara an nidjini siip atamaig a Eron im ilpu hal o un.

Levitikus 8:34

Et mun ago aien an nadiat inig, et idivaig is asaig a Ihova, um ahlap vai caua.

Levitikus 9:7

Is ika a Moses ehele Eron, Namu apan u natau aiek, um ahlap an nitai ahlap unyum va nedo has, im nitai ahlap atnamud unyum, va uhpu adahpoi nedo has unyum, im nedo has u atimi: um ahlap an nitai ahlap u atimi va uhpu adahpoi nedo has ura; is idivaig is asaig a Ihova.

Numera 6:14

etmu ahlap vai Ihova aien an nitai ahlap o un, inhakli siip yi ethi et eteuc inmesese et ethi iran, um ti nitai has iran, par itai ahlap atnamud, im inhakli siip atahig yi ethi et eteuc inmesese et ethi iran, um ti nitai has iran, par itai ahlap va nedo has, im siip atamaig yi ethi, et ti nitai has iran, par itai ahlap naaurinig,

Numera 6:16

Etmu imiapan an nuhup u Ihova a natimi ahlap, um ahlap an nitai ahlap o un va nedo has, im nitai ahlap atnamud o un:

Numera 8:13

Namu ikni ilpu mapoi Livai aiek an nuhup u Eron im lep an nuhup a ilpu hal o un, um ikni ra par itai ahlap vai Ihova.

Numera 8:8

Erumu lep leh kurimatau atamaig takuras ara, im nitai ahlap an nitai caig, nikavaig, flaur upene er aplamod an narakei, im lep kurimatau atamaig takuras et eche par itai ahlap va nedo has.

Ilpu Hibru 9:22

Er ago adicinadicin niji ubutpotet u itai asega an ja, et idivaig intas alep; el eh eti atladwi inja, el eh eti atipagki nedo has.