Numera 6:23 - Intas Etipup

²³ Namu tas aiek ehele Eron im ilpu hal o un, um ika, Akumu acis yi alwai nup Isreel aijaua inyi uce, um ika ehele ra,

Numera 6:23 Iomraidhean Croise

Jenesis 24:60

Eris acis yi alwai Ribeka ara, um ika ehelen, Na atahig irama aiek, namu etpoi atimi inyi ahinag acen aiek, erumu lep esjilid a ilpu mapom irai ilpu atimi tak atimi ira ra.

Jenesis 47:10

Is acis yi alwai Fero a Jekob, ja par ahes ehelen um alau ijo.

Jenesis 47:7

Is imiapan Jekob etman a Josef, um ati yin an nuhup u Fero: is aiheuc vai Fero a Jekob.

Jenesis 48:20

Is acis yi alwai rau aien an nadiat iyehki, um ika, Erupu asan tas upene vai euc a nup Isreel, um ika, Etmu ika a Atua an idivai Ifreem aiek, im lep Manasi: is ati Ifreem aien mika yi esjilid aien irai Manasi.

1 Ilpu Atimarid 8:55

Is aiji aien um asan tas acis yi alwai nup Isreel asega an nohran ijinies, um ika,

1 Iji Tas Eled 23:13

Erus hal u Amram ahwat raigki; nan, Eron, im Moses: eris ati Eron mika yi atimi itap aien, is itap acen niji itai is ago aien im ilpu hal o un im ilpu mapon irai iji mesese, is atnamud niji itai auanipin upene aien an nuhup u Ihova, um aheca o un, um acis yi alwai atimi an nidai Ihova irai iji mesese.

2 Niji Tas Eled 30:27

Eris atidai a ilpu atimi ahlap, ilpu mapoi Livai, um acis yi alwai atimi: is atahaijeg nohrara a Ihova, is lep aridjipan nalaigaheni ura an nuarin itap o un, nohatag marom.

Eksotus 39:43

Is almoi nauritai asega a Moses eris ago ara, is idivaig is asaig a Ihova, eris idim ago ara is uce: is acis yi alwai ra a Moses.

Numera 6:22

Is tas a Ihova ehele Moses, um ika,

Nupu Roma 1:7

Etmu amen ehelemia naiheuc im neigpa ct ahes ehele Atua Etmaija, im lep Iesu Kristo Natimarid.

1 Nupu Korindus 1:3

etmu amen ehelemia naiheuc im neigpa et ahes ehele Atua Etmaija, im Iesu Kristo Natimarid.

2 Nupu Korindus 13:14

Etmu aiheuc vai caua a Iesu Kristo Natimarid; etmu aiyu inliinmopoi Atua vai caua; etmu amen ehelemia asega a Nesgan Upene. Emen.

Tyuteronome 10:8

Is ikni ilpu mapoi Livai a Ihova an nopan iyehki, mika eri apos nelcau ara is amen iran intas alep u Ihova, um aiji an nuhup u Ihova, um aheca o un, um asan tas acis yi alwai an nidan, um umihum pam an nopan inig.

Tyuteronome 21:5

erumu apan ubutpotet a ilpu atimi ahlap ilpu mapoi Livai; is aniv ra a Ihova mika eri aheca o un ara, um asan tas acis yi alwai an nidai Ihova; erumu tas alep ara va nimiisjis itai asega im natgei atmas asega:

Tyuteronome 33:1

INTAS upene ji igki, is asaig a Moses naheca u Atua ehele nup Isreel ja par mas.

Ilpu Hibru 7:1

IS atimarid Selem a Melkisetek ineigki, um atimi ahlap vai Atua esjilid acen; is aubillid Ebraham aien an nahes u natgei ilpu atimarid iji ehki o un, um asan tas upene vai yin;

Ilpu Hibru 7:7

Et idim inivaijec neig, nikavaig, et asan tas upene va natimi upoupo a natimi ineig et esjilid iran aien.

Josua 8:33

Eris aiji a nup Isreel asega, im ilpu atimi tas alep ura, im ilpu atimi atau ira ra, im ilpu atimi alupas ura, an nahaijin nelcau im nahaijin, an nuhup u ilpu atimi ahlap, ilpu mapoi Livai marom, eris apos nelcau ara is amen iran intas alep u Ihova, nup urai taka pece, im lep ra eris apos ra an pece ara; eris amen nahaiji ra ehnain pan an lolan nedoon Cerisim, im nahaiji ra ehnain pan an lolan nedoon Ibal; is idivaig is upyi asaig a Moses naheca u Ihova, mika eri asan tas upene vai nup Isreel ara.

1 Pitrus 1:2

ek aiheuc vai caua ainyak Pitrus, napostolo o Iesu Kristo, eris ehtai caua et idivaig nupyi ato o Atua Etmaija, an nago upene caua irai Nesgan Upene, va akupu imyiaiji intas o un aijaua, uhpu lep ohaig iramia inja irai Iesu Kristo: Etmu amen alupas ehelemia naiheuc im neigpa.

2 Joanes 1:3

Etmu amen ehelemia naiheuc, im neti aru, im neigpa, et ahes ehele Atua Etmaija, im lep Iesu Kristo Natimarid, Inhal o Etman, an ninivaijec im naiyu.