Numera 6:15 - Intas Etipup

¹⁵ im incat et amen iran nareto et ti leven iran, im nareto apalapal irai flaur upene er atise narakei iran, im biskit er aspi an narakei, im nitai ahlap ura an nitai caig, im nitai ahlap ura an nitai umnyi.

Numera 6:15 Iomraidhean Croise

Eksotus 29:2

im nareto et ti leven iran, im biskit er aplamod pelaig an narakei, im biskit er aspi an narakei; uhmu ago a flaur irai hwiit.

Aiseya 62:9

Vaig inig nikavaig, erupu caig nitai caig ura a ilpu atimi asjapicnaig, um imiahpas Ihova; erupu umwig an nokoro itap unyak a ilpu atimi aldei nohwai vaine ura.

Joel 1:13

Ak ilpu atimi ahlap, akumu ahid apelumai uucai aijaua, um taigtaig: ak ilpu aheca amen u natau, akumu aunyauwaig aijaua: ak ilpu aheca u Atua unyak, akumu apam aijaua, um asjeuc ira apelumai uucai an nepig asega: et eti lep eteuc an neom u Atua unyimia nitai ahlap eh caig im lep nitai ahlap er unmyi.

Joel 1:9

Et eti lep eteuc an neom o Ihova nitai ahlap eh caig, im lep nitai ahlap er umnyi: era taigtaig a ilpu atimi ahlap, ilpu aheca u Ihova marom.

Joel 2:14

Et ato a di? kit etpu lep ahidai yin aien um adumoij an liinmopon, um udei se nitai upene etu wit atga o un aien; nitai ahlap marom eh caig, im lep nitai ahlap er umnyi, vai Ihova Atua unyimia.

Levitikus 2:4

El et imiapam nitai ahlap aiek irai itai hegaig er ahen, inyi areto apalapal irai flaur upene, et ti leven iran, er aplamod an narakei, ka biskit et ti leven iran er aspi an narakei.

Levitikus 7:12

El et ahlap iran aien va naaurinig, etmu lep ahlap aien yi tup ethi ache pan an nitai ahlap va naaurinig ira areto apalapal et ti leven iran er aplamod an narakei, im biskit et ti leven iran er aspi an narakei, im nareto acreacre irai flaur upene, er aplamod an narakei um ahen.

Levitikus 8:2

Namu leh Eron aiek im lep ilpu hal o un, im napelumai ura, im narakei aspi, im tah kurimatau atamaig uri nitai ahlap va nedo has, im siip atamaig inyi ero, im nareto et ti leven iran an cat;

Levitikus 9:4

im lep kurimatau atamaig yi ethi, im siip atamaig yi ethi uri nitai ahlap naaurinig, um ahlap iran an nuhup u Ihova; im nitai ahlap an nareto er aplamod pelaig an narakei: etpu idim ehcohos pam ehelemia a Ihova an nadiat inigki.

Numera 15:10

Uhmu imiapam nahaijin hin an nide vaine, par itai ahlap umnyi nitai ahlap er ago an cap, nitai auanipin upene vai Ihova.

Numera 6:16

Etmu imiapan an nuhup u Ihova a natimi ahlap, um ahlap an nitai ahlap o un va nedo has, im nitai ahlap atnamud o un:

1 Nupu Korindus 10:31

El eka hag aijaua, ka umwig, ka ago tah nitai, akumu ago niji itai asega aijaua mika eri imyiahpas Atua vaig.

1 Nupu Korindus 11:26

Aku wit caig nareto ineigki aijaua, um umwig an nipjinitai ineigki, eka ehvaig inmas u Natimarid aijaua um imyihum pan napam o un.