Numera 5:9 - Intas Etipup

⁹ Etmu lep ohuun niji itai ahlap asega irai iji itai itap asega u nup Isreel a natimi ahlap, era imiapan ehelen ara.

Numera 5:9 Iomraidhean Croise

Eksotus 29:28

etmu ohuun a Eron im ilpu hal o un vai intas alep imi nup Isreel irai iji mesese: nitai ahlap asjaig jipe nigki: etmu itai ahlap asjaig jipe u nup Isreel nigki irai iji itai ahlap ura va nigpa, nitai ahlap asjaig jipe ura marom vai Ihova.

Levitikus 10:13

ehtijmu caig aijautaij an nuarin itap, nuarin imtam im lep imi ohwat hal unyum nigki irai iji itai ahlap vai Ihova er ago an cap: et um uce intas alep eris asaig ehelek.

Levitikus 10:14

Akumu lep caig neduon ritin er ohaig jipe im neuhlin er alcacsei an nuarin upene; aiek, im ohwat halav atamaig unyum, im ilpu halav atahig unyum: nuarin imtam im lep imi ilpu hal unyum nigki irai iji itai ahlap naaurinig u nup Isreel.

Levitikus 10:15

Erumu imiapam neuhlin er alcacsei ara im neduon ritin er ohaig jipe im lep niji itai ahlap ira agako er ago an cap, um ohaig jipe mika yi itai ahlap ohaig jipe an nuhup u Ihova; nuarin imtam im lep imi ilpu hal unyum nigki irai iji mesese van tas alep; et idivaig is asaig a Ihova.

Levitikus 6:26

Etmu caig a natimi ahlap inig et ahlap iran aien va nedo has: uhmu caig an nuarin itap anliin nokoro an neom er asjapicnaig o un.

Levitikus 7:32

Uhmu alupai natimi ahlap neuhlin an matan, mika yi itai ahlap alcacsei irai iji itai ahlap naaurinig unyimia.

Levitikus 7:34

Ek mun iknipagki ehele nup Isreel ainyak neduon ritin er o-haig jipe im neuhlin er alcacsei irai iji itai ahlap naaurinig ura, um alupai Eron, natimi ahlap, im ilpu hal o un, an tas alep unyak ehele nup Isreel irai iji mesese.

Numera 18:19

Ek mun alupai euc ainyak, im ilpu halav atamaig unyum, im ilpu halav atahig unyum, niji itai ahlap asjaig jipe asega irai iji itai itap era ahlap iran vai Ihova a nup Isreel, vai intas alep unyak irai iji mesese: intas etipup inveijec nigki ehelum im ilpu mapom an nuhup u Ihova irai iji mesese.

Numera 31:41

Is ikni nahaijin u Ihova a Moses ehele Eliesar natimi ahlap, par itai ahlap asjaig jipe, et idivaig is asaig a Ihova ehele Moses.

Numera 5:8

Ja el et eti eteuc natimi ehpan irai natimi iyehki par aru imi yin va nedo has, uhmu ago neruvaig imi Ihova, irai natimi ahlap; uhmu lep ahlap irai siip atamaig nitai adahpoi nedo has o un.

Tyuteronome 12:26

Ja namu lucsei niji itai itap ache unyum aiek, im niji itai ahlap as upyi asaig aiek, um apan an nuarin iyehki etpu aniv a Ihova: