Numera 5:3 - Intas Etipup

³ akumu ikni pan itac ilpu atamaig im ilpu takata aijaua, akumu iknipagki ra aijaua an nuarin amen u atimi; va eri jim auahas niji uarin amen ura ara, ek amen iran ainyak.

Numera 5:3 Iomraidhean Croise

1 Ilpu Atimarid 7:3

Eris lep ahled nuari cai sitar irai auicai atgeig, is amen ijinies irai oboatau is forte faiv, is fiftiin irai iji atah iran asega.

Saam 68:18

Na mun aridjai aiek an nuarin ijines; na mun uhup ira atimi et ahinag aiek, eris arop ira ra an nedoa; na mun lucsei niji itai tup ahtai aiek ehele atimi, ilpu atimi imipalea marom, va apu amen ehele ra aiek, ak Ihova Atua unyima.

Eksotus 25:8

Erumu ago nuarin itap imi nyak ara; mika ki amen ehele ra ainyak.

Eksotus 29:45

Ekpu amen ainyak ehele nup Isreel, ekpu lep Atua ura ainyak.

Aiseya 12:6

Akumu ahlaig ijinies aijaua um acesaces nohranitai, ak nup u Saion: vaig inig nikavaig, et esjilid a Atua Itap u nup Isreel et amen ehelemia aien.

Levitikus 14:8

Etmu lep yiri napelumai o un aien er ago cehcehe yin, um ucsei numri nidjinin asega, um yiri yin an wai, va etpu cedag aien: ja etmu apan aien an nuarin amen u atimi, jam amen ijo u neom atga o un ira adiat inyi seven.

Levitikus 15:31

Et idim uco akumu atipagki inhas irai up Isreel; va eri jim emesmas ara vai inhas ira ra, eru wit auahas neom itap unyak ara et amen ehele ra.

Numera 16:3

eris asjapicnaig ara vai Moses im Eron, um ika ehele rau, Et idim ijinies inliinmopomirau aijaurau, era upene natimi asega; et lep amen a Ihova ehele ra: erau a uri aijaurau par ika erau esjilid aijaurau ira atimi u Ihova?

Numera 19:22

Etpu lep has nitai iji igki asega et atcei pan a natimi inig et has aien; el et atcei pan tah etpu has aien um yetpan an jupura.

Numera 35:34

Akumu jim auahas inpece inig aijaua akupu amen iran aijaua, ek amen iran ainyak: ek amen ehele nup Isreel ainyak Ihova.

Numera 5:4

Eris ago nedo inigki a nup Isreel, um iknipagki ra an nuarin amen u atimi: eris ago a nup Isreel is idivaig is asaig a Ihova ehele Moses.

Tyuteronome 23:14

et idim atga jipe a Ihova Atua unyimia an nuarin amen u atimi par aminjinai caua, um atcijaig ilpu atimi tak atimi iramia an nuhup unyimia; va nitai inigki etmu upene nuarin amen iran unyimia: vai yi jim ecetai tah nitai has iramia aien, um udei caua.

Tyuteronome 23:15

Namu jim ati aiek ehele natimi alupas o un naheca inig et mun aha vai natimi alupas o un aien, um apan ehelum:

2 Nupu Desalonaika 3:6

Ek lep efasaig ehelemia ainyak, ak ilpu etoak, an nidai Iesu Kristo Natimarid uja, mika aki ude ilpu etoamia asega aijaua et acalacal nedo ura, um eti idiva nedo an tas alep ineig akis atahaijeg vaig ehelek aijaua.

Taitus 3:10

Uhpu ehcero ated natimi ineig et atupun nimyiisjis itai aien, ja par atceijai yin;

Nitai ehvaig 21:27

Inyi ti apan iran tah nitai has, ka tah et ago nitai er amcel vaig, ka tah natimi asan tas ahcil; ara sji eigki ache eris aged ra an nitasvitai u Lam va nitai umoh iran.

Nitai ehvaig 21:3

Kis lep atahaijeg nohran ijinies ainyak, is ahes an nohatag, um ika, Et idim amen neom u Atua ehele atimi, etpu lep amen ehele ra aien, erupu ilpu atimi o un ara, etpu amen ehele ra a Atua, etpu Atua ura aien: