Numera 4:16 - Intas Etipup

¹⁶ Etmu aminjinaig narakei urin cap alahala a Eliesar inhal u Eron natimi ahlap, im lep nitai auanipin upene, im nitai ahlap irai itai hegaig irai iji adiat, im narakei aspi, etmu aminjinaig neom itap asega aien, im niji itai asega iran, an nuarin itap, im niji itai asega urin.

Numera 4:16 Iomraidhean Croise

Eksotus 25:6

im narakei uri lamp, im nitai auanipin upene uri arakei aspi, im lep nitai auanipin aiyu er atnamud,

Eksotus 30:22

Is lep tas a Ihova ehele Moses, um ika,

Eksotus 31:11

im narakei aspi, im nitai auanipin upene va nuarin itap: erumu ago nitai iji igki asega ara ek mun asaig ehelemia ainyak.

Eksotus 37:29

Is ago narakei aspi itap aien, im nitai auanipin upene eri atni irai ide cai auanipin upene, is idivaig nauritai u natimi ago nitai auanipin upene.

Levitikus 24:1

IS um tas a Ihova ehele Moses, um ika,

Levitikus 24:2

Tas ehele nup Isreel aiek, mika eri imiapam ehelum narakei oliv upene eris auud urin lah, mika yi alahala niji lamp irai iji opan.

Levitikus 6:20

Nitai ahlap u Eron im ilpu hal o un nigki, erumu ahlap iran ara vai Ihova an nadiat inig eri aspi yin; nikavaig, nahaijin tend irai ifa et ethi irai flaur upene, mika yi itai ahlap eh caig irai iji mesese, nahaijin yi ethi an nuhialeg im na-haijin yi ethi an jupura.

Numera 3:32

Etmu esjilid a Eliesar inhal u Eron natimi ahlap irai ilpu atimi alupas u ilpu mapoi Livai, um aminjinai ra sji igki era aminjinaig itai an nuarin itap ara.

Numera 4:17

Is tas a Ihova ehele Moses im Eron, um ika,

Lukas 4:18

“Et amen ehelek a Nesgai Ihova; is ati nyak aien mika ki asuptecnaig intas-upene ainyak ehele ilpu ihki atimi; is abrai nyak aien mika ki ago cehcehe ainyak ilpu atimi emehe inliinmopura, um lep asuptecnaig natceijaivaig ilpu atimi eris tup leucse ra, um ago lah nesganimtai ilpu atimi aupat nesganimtara, um ahiyi ilpu atimi ohocred,

Niji auritai o ilpu Apostolo 20:28

Akumu aminjinai caua aijaua, im lep siip o un asega is ikni caua ilpu atimi aminjinai ra a Nesgan Upene, par alayi nup an nakalasia o Atua, is auarimta ra aien an ja iran.

1 Nupu Korindus 4:1

ERUMU aktaktai cumrau atimi, et idivai ohwat aheca u Kristo, im ohwat atimi aminjina niji itai adenaig o Atua.

1 Timodeus 2:5

Et eteuc Atua et ethi ache, im natimi asan neigpa et ethi ache juju an niblaija atimi im Atua, natimi ineig Iesu Kristo;

Ilpu Hibru 3:1

AK ilpu etoak upene, eris imyiacaij caua u niji itai an nohatag, akumu aktaktai Iesu Kristo aijaua, Napostolo im Natimi esjilid an nahlap an nalaigaheni uja;

Ilpu Hibru 3:6

ja et idivaig Inhal o un a Kristo, um esjilid anneom o un; inta lep eom o un akaija, ele ta apol aktit akaija an tas emda, im nitai ineig inta aitgaig akaija um tas alupas vaig, um yetpan an nehni o un.

1 Pitrus 2:25

Akis idivaig siip ahnag aijaua; ja eka mun lep adumoij pan aijaua ehele natimi ineig et alaamia aien, um aminjina nesgamia.

1 Pitrus 5:2

akumu alayi siip u Atua ehelemia aijaua, um aminjinai ra, um jim esjum, jam merit vaig; um jim ago vai inmerit vai inpadiaig, jam ago anliinmopomia cediaig;