Numera 4:15 - Intas Etipup

¹⁵ Erumu adahpoi nuarin itap a Eron im ilpu hal o un, im niji itai asega uri nuarin itap, va natga u atimi; ja erumu apitac a ilpu mapoi Kohad um ham um apos: ja erumu jim ubli tah nitai itap ara, va eri jim emesmas ara. Nitai apos u ilpu mapoi Kohad ji igki an neom er asjapicnaig o un.

Numera 4:15 Iomraidhean Croise

2 Samuel 15:24

Is lep ham a Setok, eris lep ahced yin a ilpu mapoi Livai asega, eris apos nelcau u intas etipup u Atua ara: eris atise nelcau u Atua ara; is aridjai a Abaiadar, um yetpan u nahes ehni u atimi asega an maliyum, im nalgauwaig ura.

2 Samuel 6:13

Nedo ura nigki, eris wat atga irai atga is siks ara sji igki eris apos nelcau u Ihova, is ahlap irai itai ahlap aien, niji kurimatau alupas im niji kurimatau haklin is esjilid.

1 Ilpu Atimarid 8:3

Eris ham a ilpu atimi alupas asega irai up Isreel, eris lep apos nelcau iyehki a ilpu atimi ahlap.

1 Iji Tas Eled 15:15

Eris ahalesahales nelcau u Atua a ilpu mapoi Livai irai inceen is ero, is idivaig is asaig a Moses, is idivaig intas o Ihova.

1 Iji Tas Eled 15:2

Is ika a Tevit, Et eti upene vaig tah nahalesahalcs vaig nelcau u Atua, ilpu mopoi Livai ache: is ehtai ra a Ihova mika eri ahalesahales nelcau u Atua ara, um aheca o un irai iji mesese.

1 Iji Tas Eled 23:26

im lep ilpu mapoi Livai; eri eti lep ahelwei neom apelumai ara, ka tah nitai iran er ago itai iran.

Eksotus 19:12

Namu ikni itai asjaaicnaig aiek, um arehed an nedoon va atimi, um ika, Akumu aktaktai aijaua, um jim aridjipam an nedoon, um jim ubli nahaijin: uhmu idim auahas yin et ubli aien:

Eksotus 19:21

Is ika a Ihova ehele Moses, Namu asuolse aiek um acaiji atimi, va eri jim imiisjis ara um algaunyi pam ehelek Ihova par almoi, um emesmas natimi inyi ahinag ira ra.

Eksotus 27:7

Uhmu ikni inceen eraigki iraili itai arehed, etmu amen inceen eraigki an nahaijin natau im lep an nahaijin par apos.

Levitikus 16:13

etmu ati nitai auanipin upene an cap aien an nuhup u Ihova, va etpu ataluopni pam intapnes an nelcau, et amen intas alep iran nadran nitai auanipin upene, vai yi jim mas aien:

Numera 1:50

ja namu ikni ilpu mapoi Livai aiek mika eri aminjinaig neom er asjapicnaig o un, im nipjiitai asega urin, im niji itai asega o un: erumu apos neom itap ara im niji itai asega o un; erumu aheca o un ara, um atumop u neom er asjapicnaig o un um arehed mihtag.

Numera 1:51

Uhu wit ika eri imiatga neom er asjapicnaig o un, erumu alcapdicraig a ilpu mapoi Livai: uhu wit lep ati neom itap, erumu lep athai a ilpu mapoi Livai: uhmu atgei natimi et eche et apan ubutpotet o un aien.

Numera 10:21

Eris atga a ilpu mapoi Kohad, um apos niji itai itap: eris uhup ara sji ehki um athai neom itap, ja eris par apan ara.

Numera 18:3

Erumu aminjinaig niji itai ara as asaig ehele ra aiek, im niji itai asega an neom itap: ja erumu jim apan ubutpotet u itai an nuarin itap ara im lep natau, va eri jim emesmas ara, im lep caua.

Numera 3:38

Erumu athai eom atga ura an nuhup u neom itap a Moses, im Eron im ilpu hal o un, an nuhup u neom itap marom an nahaijin an ridjai o un, um aminjinaig nuarin itap vai nup Isreel; uhmu lep atgei natimi et eche inyi apan ubutpotet aien.

Numera 4:14

erumu ikni ijinies iran niji itai asega urin, era ago itai iran ara, nikavaig, nipjiitai er atnamud itai iran, im fork, im suvel, im nipjibeson, niji itai asega uri natau; erumu algei nitai adahpoi ijinies iran ara ira arasi kuri amen an jap, um ikni inceen iran.

Numera 4:19

jam ago nedo inigki vai ra, va erupu umumoh ara, um eti emesmas, eru wit apan ara ubutpotet u itai itap acen: erumu apan a Eron im lep ilpu hal o un, um anvai ehele ra athiathi nauritai ura im nitai apos ura:

Numera 4:20

ja erumu jim apan ara anliin neom par almoi, uhu wit adahpoi niji itai itap, va eri jim emesmas ara.

Numera 7:9

Ja is eti alupai ilpu mapoi Kohad tah nitai aien: vaig inig nikavaig, eris apos itai irai euhlira ara, nauritai ura an nuarin itap nigki.

Tyuteronome 31:9

Is aged intas alep inigki a Moses, um ati ehele ilpu atimi alupas asega u nup Isreel, im ilpu atimi ahlap, ilpu mapoi Livai, eris apos nelcau ara is amen iran intas alep u Ihova.

Josua 4:10

Eris idim aiji juju irai Jortan a ilpu atimi ahlap eris apos nelcau ara, um imihum pan an nopan iyehki eris ago ehni niji itai asega is asaig a Ihova ehele Josua, mika yi asuptecnaig ehele atimi aien, is idivaig niji itai asega is asaig a Moses ehele Josua: eris auroauro natimi um algaunyi.

1 Samuel 6:19

Is auud nup u Bed-simes a Ihova, eris idim adpau anliin nelcau u Ihova ara; maiya, is auud atimi is sevente ira ra aien, eris atimi alupas is fifte: eris taig natimi, vai nitai inig, nikavaig, is auud atimi a Ihova, is esjilid inmas ura.