Numera 34:2 - Intas Etipup

² Namu tas ehele nup Isreel aiek, um ika ehele ra, Aku wit apan aijaua an pece Kenan; (inpece inigki akupu leh aijaua um ohuun, inpece Kenan marom, im niji uari pece iran:)

Numera 34:2 Iomraidhean Croise

Jenesis 10:19

Is ahes Saiton nahaijin pece u nup u Kenan, um yetpan Cesa, an nefalaig alaig Cirar, um yetpan Sotom, im Comora, im Atma, im Siboem, um yetpan Lesa.

Jenesis 17:8

Ekpu alupai euc ainyak, im lep ilpu mapom erupu epitpitac iram ara, inpece inig na tup amen iran aiek, inpece Kenan asega, erupu ohuun ara irai iji mesese; ekpu lep Atua ura ainyak.

Saam 105:11

um ika, Ekpu alupai euc inpece Kenan ainyak, mika aki ohuun aijaua:

Eksotus 23:31

Ekpu anvai nahaijin pece unyum ainyak, inyi ahes an Jap cap um yetpan an jap u nup u Filistia, etpu lep ahes an namasacen, um yetpan an nofowai: ekpu ikni nup uran pece an nikmam ainyak; namu ahlo ra aiek an nuhup unyum.

Jeremaia 3:19

Ja kis ika ainyak, Ekpu ehvati euc ainyak ehele ilpu halav unyak, um alupai euc inpece esjilid, nuarin upene mika eri ahtag pam iran a nup urai iji pece? kis lep ika ainyak, Namu anvi nidak aiek par ika Etmak, um eti lep adumoij pan vai nyak.

Esikiel 47:13

Et ika a Natimarid Ihova; Etmu eteuc niji atcai van pece, akumu ohuun inpece inigki vaig aijaua et idivaig ilpu eteuc et twelv u nup Isreel: erumu ohuun nahaijin et ero a ilpu mapoi Josef.

Esikiel 47:14

Etmu imi caua inpece inigki mika aki ohuun aijaua, athi um athi ehni: vaig inig nikavaig, kis asig yi aktit intas ainyak mika ki alupai ilpu retpomia: akumu idim ohuun inpece inigki aijaua.

Numera 34:1

IS tas a Ihova ehele Moses, um ika,

Niji auritai o ilpu Apostolo 17:26

is ago nup urai iji pece asega aien, et tup ethi ache nohura, mika eri amen ara an nobohtan; is upyi uhup aien um anacanac an naopan ineig eri umumoh ir an ara, im inuarin iji eig eri amen iran ara;

Niji auritai o ilpu Apostolo 26:18

va apu asalgei nesganimtara aiek, mika eri ahidai ra an naupat pam u inlah, um lep ahidai ra u nemda o Satana pam iran u Atua, va uhpu eti aru nedo has ura, mika eri ehrileh namen upene ehele ilpu atimi upene, va nasgeig irak ura.

Nupu Efesus 1:14

nitai asjaaicnaig neigki vai itai iji eigki intupu ohuun akaija, mika yi leh ehni aien nitai iji eigki is aua-nimtan aien, mika eri imyiahpas natimi alupas o un.

Nupu Efesus 1:18

um ago lah nesganimtan liinmopomia; mika aki ato nitai ineig aijaua et imyiacaij caua vaig aien mika aki aitgaig aijaua, im lep niji itai upene o un er imyiahpas yin vaig irai ilpu atimi upene et ohuun ra aien,

Josua 11:23

Is atoraliak inpece asega a Josua, is idivaig intas asega u Ihova ehele Moses; is alupai nup Isreel a Josua mika eri ohuun ara is idivaig niji elcau ura vai ilpu retpora. Eris atumop ara va nedoa.

Josua 13:1

IS efatimi a Josua um ahinag inmesese iran; is tas ehelen a Ihova, um ika, Na efatimi aiek um ahinag inmesese iram, ja et eteuc nahaijin pece alupas eris eti atoraliak.

Josua 21:43

Is alupai nup Isreel a Ihova inpece asega is asaig ehele ilpu retpora aien, mika etpu alupai ra aien; eris ohuun ara um amen iran.