Numera 32:1 - Intas Etipup

¹ ERIS ahinag acen kurimatau u ilpu mapoi Ruben im ilpu mapoi Cat: eris wat almoi inpece Jeser ara, im inpece Cileat, mika is upene vai kurimatau;

Numera 32:1 Iomraidhean Croise

Jenesis 13:2

Is atimi ikni itai a Ebram, is ahinag kurimatau o un, im silver, im colt.

Jenesis 13:5

Is ahced Ebram a Lot, is lep ahinag siip o un, im kurimatau o un, im niji eom atga o un.

Jenesis 29:32

Is opoc a Lia, um apos inhalav atamaig, um anvi nidan par ika Ruben, (Almoi inhalav atamaig): is ika aien, Is idim almoi nohocred unyak a Ihova; etpu lep aiyu inliinmopoi natamnyu unyak vai nyak.

Jenesis 47:4

Eris lep ika ehele Fero ara, Ak natimarid, ecra mun ham aijama mika ecri amen an pece inigki aijama; et tiih nefelelicai incai niji itai eklim edo irai pece unyima; et alupas numlaig has an pece Kenan: va nitai inigki ecra ugyi euc aijama, ak natimarid, mika ecri amen aijama an pece Cosen.

2 Samuel 24:5

Eris algauwaig nofowai Jortan ara, um amen an nahaijin Aroer an matan an maliyum iyehki et eteuc juju an niblan nofowai Cat um lah pan Jesar:

2 Samuel 24:6

ja eris yetpan Cileat ara, um lep asuol an pece Tatim-hotsai; eris lep yetpan Tan-jean ara, um ahparehed, um yetpan Saiton,

1 Iji Tas Eled 4:41

Ja eris ham ara sji igki eris aged nidara, an nopan u Hesekaia natimarid u nup u Juta, im auud niji imnim ura, im niji itai eris ecetai eahki, um auahas ehni ra, is ti tah ra an nopan iyehki um imihum pam au nopan inig, um isjeupigmoig ra: vaig inig nikavaig, is eteuc nefelelicai eahki incai niji itai eklim edo irai pece ura.

Eksotus 12:38

Eris lep ahced ra natimi is eche is ahinag; im lep siip, im kurimatau, is ahinag niji itai eklim edo irai pece ura.

Jeremaia 22:6

Et uce intas o Ihova vai nitai iji igki etpu yetpam ehele ilpu atimi ehpan irai natimarid an pece Juta; Ek mun ago caua ainyak et idivaig nuarin pece Cileat, um idivaig lolan nedoon Lebanon: ja ekpu ika ainyak, Akupu idivaig namasacen aijaua, um lep idivaig niji maliyum iji ig et eti amen iran tah natimi.

Jeremaia 48:32

Ekpu taig ainyak va caua, ak nup u Sibma, et idivaig intaig vai nup u Jesar: eh mun imiapan ilpu hal unyimia irai iji hakli pece an jap, ja eris imiapan nup u Jesar um yetpan an jap ache: et mun ham a natimi auahas itai, um atgei ilpu takuras unyimia im ilpu eucsupo unyimia.

Jeremaia 50:19

An nopan iyehki ekpu ika ainyak eri adumoij pam au nuarin amen iran ura a nup Isreel, erupu lep caig ara Karmel im Besan, erupu geije ara an nedoon Ifreem im lep Cileat.

Jeremaia 8:22

Et idim eteuc nitai auanipin upene Cileat; et idim amen a natimi atipagki nemehe eahki; era a uri ara par eti ago cehcehe inhalav atahig u ilpu atimi unyak va nemehe o un?

Maika 7:14

Ak Ihova, namu aminjinaig ilpu atimi unyum aiek an niseuc unyum, et idivaig inpak irai siip iji ig na ohuun ra aiek, era echim amen ara an lelitai, im lep an lolan nedoon Karmel: erumu edo ara an nedoon Besan im nedoon Cileat, inyi idivaig itu.

Numera 21:32

Is abra atimi a Moses par apan um almaijidjid Jaeser, eris atoraliak niji maliyum haklin iran ara, um ahlo nup Emor eris amen eahki ara.

Numera 32:2

eris apan a ilpu mapoi Cat, im ilpu mapoi Ruben, um tas ehele Moses, im Eliesar natimi ahlap, im ilpu atimi alupas u atimi, um ika,

Numera 32:26

Erupu amen irai iji maliyum Cileat a ilpu hal unyima, im ilpu ehgama, im siip unyima, im kurimatau unyima:

Numera 32:3

Et upene vai kurimatau nuarin pece Atarod, im Taibon, im Jeser, im Nimra, im Hesbon, im Eliali, im Sibam, im Nibo, im Bion,

Numera 32:35

im Atrod, im Sofan, im Jaeser, im Jocbeha,

Tyuteronome 33:21

Era ika ara eri uhup um alupai ra nuarin esjilid, eris ati aktit nuarin inig eris asaig vaig: ja erupu uhup ara um atau ilpu atimi alupas u atimi, erupu ago nauritai atoh u Ihova ara, im neruvaig o un vai nup Isreel.

Josua 13:25

Eris ohuun Jeser ara, im niji maliyum asega Cileat, im nahaijin pece u nup Amon, um yetpan Aroer ubutpotet Raba;

Josua 22:13

Eris abrai Finehas inhal u Eliesar natimi ahlap a nup Isreel, mika yi apan aien ehele ilpu mapoi Ruben, im ilpu mapoi Cat, im nahaiji ilpu mapoi Manasi an pece Cileat,

Josua 22:9

Eris adumoij a ilpu mapoi Ruben, im ilpu mapoi Cat, im nahaiji ilpu mapoi Manasi, um udei nup Isreel Sailo, an pece Kenan, um apan an pece Cileat, inpece eris ohuun ara, is idivaig is asaig a Ihova irai Moses.

1 Joanes 2:16

Et eti ahes ehele Etmaija niji itai asega an nobohtan, nikavaig, inmerit has u nohuja, im inmerit has u nesganimtaija, im intas ijinies vai inpadiaig, ja et ahes an nobohtan.

Ilpu Atimi Tas Alep 5:16

Eris tastas jipe a ilpu mapoi Ruben irai uari pece ura! eka a uri aijaua par amen irai irahed unyimia, um ahgei nilmu vaig u siip? Eris tastas jipe a ilpu mapoi Ruben irai uari pece ura!