Numera 30:8 - Intas Etipup

⁸ Ja el is acaiji yin a natamnyu un an nadiat iyehki is atahaijeg aien; inyi eti aktit intas upyi asaig o un, im intas aktit is asaig aien: inyi eti lep aru iran a Ihova.

Numera 30:8 Iomraidhean Croise

Jenesis 3:16

Is ika ehele intakata aien, Etpu idim esjilid nohocred unyum an napos vaig ilpu hal unyum; napu apos ilpu hal unyum aiek um ohocred; napu upoupo aiek irai natamnyu unyum, etpu esjilid iram aien.

Jeremaia 44:19

Ecris wat atnamud nitai auanipin upene aijama va natmas atahig esjilid an nohatag, um atladwi niji itai ahlap er umnyi vai yin, eris idim atau imi cama a ilpu atamnyu unyima, par ago biskit par ahlap vai yin, um atladwi niji itai ahlap er umnyi vai yin.

Levitikus 5:4

ka el et asig yi aktit intas o un tah natimi, um ika an nipjineucsen yi ago tah nitai upene, ka tah nitai has, el et asig yi aktit intas o un tah natimi vaig tah nitai iji igki, jam eti ato; ja et par apitac aien um ato, et amen nedo has iran vaig tah nitai iji igki;

Numera 30:5

Ja el et acaiji yin a etman an nadiat iyehki et atahaijeg aien; inyi eti aktit tah intas upyi asaig o un, ka tah intas aktit o un: inyi eti lep aru iran a Ihova, is idim acaiji yin a etman.

Numera 30:7

el is atahaijeg a natamnyu un, jam eti tas ehelen an nadiat iyehki is atahaijeg aien: inyi aktit intas upyi asaig o un aien, im intas aktit o un vaig.

Numera 30:9

Ja inyi aktit intas upyi asaig asega u intakata is mas natamnyu un, im intakata eris abraig pagki yin.

1 Nupu Korindus 14:34

Erumu jim tas a ilpu takata unyimia irai asjapicnaig unyimia: et itaup vai ra intasvaig; ja eris ika eri atahaijeg ache, et idivaig et lep asaig intas alep:

1 Nupu Korindus 7:4

Et eti ohuun nohun ache intakata, jai natamnyu un; um lep eti ohuun nohun ache natamaig, jai ehgan.

1 Samuel 1:23

Is ika ehelen a Elkana natamnyu un, Ago nitai inig aiek et upene iram; amen aiek um yetpan an nopan natwa nided imi yin unyum; ja etmu ago aktit intas o un a Ihova. Is amen a intakata iyehki, um alidai inhal o un, um yetpan an nopan natwa nided imi yin o un.