Numera 30:2 - Intas Etipup

² El et asan tas aktit o un tah natimi ehele Ihova, ka asan tas atcinuhri o un va etpu aktit intas o un vaig; etmu jim adumoij iran tas o un aien, etmu ago aien et idivaig intas asega is ahes an nipjineucsen.

Numera 30:2 Iomraidhean Croise

Nitaasviitai u Job 22:27

Napu alaigaheni vai yin aiek; etpu adai intas unyum aien; napu lep ehneijid intas upyi asaig aktit unyum aiek.

Saam 116:14

Ak Ihova, el et upene iram, ekpu ehneijid intas upyi asaig unyak ainyak ehelum, an nuhup u ilpu atimi unyum asega.

Saam 116:18

Ak Ihova, el et upene iram, ekpu ehneijid intas upyi asaig unyak ainyak ehelum an nuhup u ilpu atimi unyum asega,

Saam 119:106

Ek mun asig yi aktit intas unyak ainyak, ekpu lep ehneijid intas iyehki ainyak, mika ekpu apos nedo atoh va atimi ainyak as asaig aiek.

Saam 15:3

Aien et eti hos tas aien an nipjineucsen, um eti agahas irai ilpu etwan, um eti ika eri asaig intas has vai ilpu etwan.

Saam 22:25

Ekpu imiahpas euc ainyak an nasjapicnaig alupas u atimi: ekpu ehneijid intas upyi asaig unyak ainyak an nuhup u ra sji igki, era imtitai yin ara.

Saam 50:14

Akumu ago naaurinig vai Atua aijaua, um ahlap niji itai ahlap imi yin, um ehneijid intas upyi asaig unyimia vai Atua esjilid acen.

Saam 55:20

Et mun atgeig yi apidi nikman aien vai ra eris atau imi yin ara: et mun imipalea intas etipup u Atua aien.

Saam 56:12

Ak Atua, et amen irak intas upyi asaig unyak ehelum: ekpu ahlap irai iji itai ahlap naaurinig vai euc ainyak.

Saam 76:11

Akumu asan tas aktit unyimia aijaua ehele Ihova Atua unyimia, um ehneijid: erumu imiapan niji itai tup ahtai imi yin eris idim ika eri imtitai yin ara asega era arehed iran ara.

Eksotus 20:7

Namu jim tup asaig nidai Ihova Atua unyum aiek; etpu aru nedo has ura a Ihova era tup asaig nidan ara.

Niji tas Arapakau 20:25

Et itai apro atimi vaig tah, par auroauro um asig yi aktit intas, ja par apitac um ahilek nesgan tas an tas upyi asaig o un.

Levitikus 5:4

ka el et asig yi aktit intas o un tah natimi, um ika an nipjineucsen yi ago tah nitai upene, ka tah nitai has, el et asig yi aktit intas o un tah natimi vaig tah nitai iji igki, jam eti ato; ja et par apitac aien um ato, et amen nedo has iran vaig tah nitai iji igki;

Nehum 1:15

Almoi aijaua, et atga irai au neduei natimi et imiapam intas upene aien, um asuptecnaig nigpa! ak nup u Juta, akumu apos nakaro itap unyimia aijaua, akumu ehneijid intas upyi asaig unyimia aijaua: eri eti lep ahced inpece unyimia a ilpu atimi auatatimi; era mun atiih ara.

Numera 21:2

Eris asan tas aktit a nup Isreel ehele Ihova, um ika, El et atcijaig nup igcaki aiek imi cama, ecrupu auahas ehni niji maliyum ura aijama.

Numera 30:10

El is asan tas upyi asaig o un aien anliin neom u natamnyu un, ka asaig intas aktit vaig;

Numera 32:24

Akumu actaig niji maliyum aijaua vai ilpu hal unyimia, um ago nirahed va siip unyimia; um ago nedo inigki eka mun asaig aijaua.

Madius 23:16

Aʼa, auwe vai caua, ak ilpu atimi atau ira atimi jam aupat inliinmopomia, eka ika aijaua, Aien et asig yi aktit intas aien va neom ahlap,et takitai intas o un; ja aien et asig yi aktit intas aien vai colt anliin neom ahlap, inyi ipjin intas o un:

Madius 23:18

im lep ineig, Aien et asig yi aktit intas aien va nefata, et takitai intas o un; ja aien et asig yi aktit intas aien va nitai ahlap iran, inyi ipjin intas o un:

Niji auritai o ilpu Apostolo 23:12

IS wat lahlah an tak apnyin, eris teduarin nahaiji nupu Jutaia, um asjis vai yin, um ika eri eti hag ara um eti umwig, jam upyi hup um atgei Paulo.

Niji auritai o ilpu Apostolo 23:14

Eris apan ehele ilpu atimi ahlap esjilid ara, im ilpu atimi tas alep, um ika, Ecra asjis vai Paulo aijama, mika ecri eti hag, jam upyi hup um atgei yin:

Niji auritai o ilpu Apostolo 23:21

ja an jim adai intas ura aiek: era atpaijinai yin natimi et forte um eled ira ra, eris asjis ara, um ika, eri eti hag um eti umwig, jam upyi hup um atgei yin: era imyiiris yin ara an naopan ineig, um aitgaig intas unyum.

2 Nupu Korindus 1:23

Im lep ineig, ek arohoai Atua ainyak mika yi ahilek inliinmopok aien, um ato mika, kis eti fi ham Korindus ainyak, va naiheuc unyak vai caua:

Ilpu Atimi Tas Alep 11:11

Is ahced ilpu atimi alupas u nup u Cileat a Jefda, eris ati yin ara mika yi atimarid ira ra aien im natimi alupas u ilpu eucsupo ura: is lep asan tas asega o un a Jefda an nuhup u Ihova an maliyum Mispi.

Ilpu Atimi Tas Alep 11:39

Is wat ti pan itac inmohoc is ero, is adumoij pan ehele etman aien, is lep ago vai yin a etman is idivaig intas upyi asaig o un: is itap aien, um tup amen, um eti atidai. Is lep nedo an pece Isreel nigki,