Numera 3:8 - Intas Etipup

⁸ Erumu aminjinaig niji itai asega ara u neom er asjapicnaig o un, im niji itai u nup Isreel, um ago nauritai an neom itap.

Numera 3:8 Iomraidhean Croise

1 Iji Tas Eled 23:27

Eris esvi ilpu mapoi Livai is eteuc inmesese is twente ira ra um eled van tas apitac u Tevit:

2 Niji Tas Eled 29:11

Ak ilpu hal unyak, akumu jim auatialidi aijaua: is ikni caua a Ihova mika aki aiji aijaua an nuhup o un, um aheca o un, um auritai vai yin, um atnamud nitai auanipin upene.

Aiseya 52:11

Akumu atga unyimia aijaua, akumu atga unyimia aijaua, akumu udei eahki aijaua um jim atcei tah nitai has; akumu ahes eahki aijaua; akumu adicinadicin aijaua, ak ilpu atimi apos niji ipjiitai u Ihova.

Numera 10:17

Eris alcapdicraig neom itap; eris atga a ilpu mapoi Cerson im ilpu mapoi Mererai, um apos neom itap.

Numera 10:21

Eris atga a ilpu mapoi Kohad, um apos niji itai itap: eris uhup ara sji ehki um athai neom itap, ja eris par apan ara.

Numera 3:7

Erumu aminjinaig niji itai o un ara, im niji itai u atimi asega, an nuhup u neom er asjapicnaig o un, um ago nauritai an neom itap.

Numera 3:9

Namu ikni ilpu mapoi Livai aiek imi Eron im ilpu hal o un: er idim alupai yin ra irai up Isreel.

Numera 31:30

Namu lep lucsei nahaijin fiftied an nahaijin u nup Isreel aiek, nikavaig, natimi, im kurimatau, im togke, im siip, im niji itai eklim edo irai pece asega, um ikni ehele ilpu mapoi Livai, era aminjinaig neom itap u Ihova ara.

Numera 4:15

Erumu adahpoi nuarin itap a Eron im ilpu hal o un, im niji itai asega uri nuarin itap, va natga u atimi; ja erumu apitac a ilpu mapoi Kohad um ham um apos: ja erumu jim ubli tah nitai itap ara, va eri jim emesmas ara. Nitai apos u ilpu mapoi Kohad ji igki an neom er asjapicnaig o un.

Numera 4:28

Nauritai u ilpu mapoi Cerson nigki an neom er asjapicnaig o un: etmu aminjinaig nauritai ura a Idamar inhal u Eron natimi ahlap.

Numera 4:33

Nauritai u ilpu mapoi Mererai nigki, im nauanaheca ura an neom er asjapicnaig o un, etmu aminjinai ra a Idamar inhal u Eron natimi ahlap.