Numera 3:15 - Intas Etipup

¹⁵ Esvi ilpu mapoi Livai pan irai ilpu retpora: namu esvi ilpu atamaig asega aiek et eteuc inmohoc et ethi ira ra um eled.

Numera 3:15 Iomraidhean Croise

2 Niji Tas Eled 31:17

eris esvi ilpu atimi ahlap im ilpu mapoi Livai irai ilpu retpora, is eteuc inmesese is twente ira ra um eled, irai iji auritai ura eris asaig, im niji ira ra;

Niji tas Arapakau 8:17

Et aiyu inliinmopok ainyak vai ra et aiyu inliinmopora ara vai nyak; erupu lep ecet nyak ara era ahilek emda nyak ara.

Jeremaia 2:2

Namu apan aiek um tas ijinies ehele Jerusalem, um ika. Ak intakata, et ika a Ihova. Ek mun imiehva euc ainyak im lep naiheuc unyak vai euc an natahig unyum, im naiyu u inliinmopok vai euc, kis wat aniv euc vai nyak ainyak, as wat ahced nyak aiek an namasacen, an pece iyehki eris eti ahapol iran.

Jeremaia 31:3

Is ehcohos pam ehelek a Ihova itu acen, um ika, Kis aiheuc vai euc ainyak an nopan iyehki itu acen: va nitai inigki et mun eteuc naiheuc unyak vai euc itu um lep uhum pam an nopan inig.

Numera 1:3

et twente inmesese ira ra um eled, ra asega era emda ara par apan u nedoa irai up Isreel: namu esvi ra aiek im Eron irai iji pak ira edoa ura.

Numera 1:47

Ja eris eti esvi ilpu mapoi Livai pan ira ra.

Numera 26:57

Eris esvi ra sji igki irai ilpu mapoi Livai nai ilpu eteuc ira ra: eris ahes ehele Cerson a nup u Cerson: eris ahes ehele Kohad a nup u Kohad: eris ahes ehele Mererai a nup u Mererai.

Numera 26:62

Eris twente dri dausant (23,000) ara sji ehki eris esvi ra ira ra, ilpu atamaig asega is eteuc inmohoc is ethi ira ra um eled: eris eti esvi ra pan irai up Isreel, eris eti alupai ra tah nuarin nobohtan pan irai up Isreel.

Numera 3:16

Is esvi ra a Moses vai intas o Ihova is asaig ehelen aien.

Numera 3:22

Eris seven dausant im faiv huntret (7,500) a ilpu atamaig asega eris esvi ra ira ra, is eteuc inmohoc is ethi ira ra um eled.

Numera 3:28

Eris eet dausant im siks huntret (8,600) a ilpu atamaig asega is eteuc inmohoc is ethi ira ra um eled, eris aminjinaig itai an nuarin itap ara.

Numera 3:34

Eris siks dausant im tu huntret (6,200) a ilpu atamaig asega eris esvi ra, is eteuc inmohoc is ethi ira ra um eled.

Numera 3:43

Eris twente tu dausant im tu huntret im sevente-dri (22,273) inmeto atamaig asega eris esvi nidara, is eteuc inmohoc is ethi ira ra um eled.

Markus 10:14

Is wat almoi a Iesu, is taigtaig aien, um ika ehele ra, Ude ilpu halav aijaua, eri apam ehelek ara, um jim acaija ra; era idivai ra ara era amen an nelcau o Atua ara.

2 Timodeus 3:15

As upyi ato aiek, an halav unyum um imyihum pam an naopan ineig, Intas itaup ineig eris aged, et emda par alupai euc narapakau ineig uhpu imyiatamaig euc vaig, va nimyiisjis ninivaijec ineig et eteuc ehele Iesu Kristo.