Numera 28:3 - Intas Etipup

³ Namu ika ehele ra aiek, Nitai ahlap nigki er ago an cap, akumu ahlap vai Ihova aijaua; nikavaig, inhakli siip inyi ero et eteuc inmesese iran et ethi, um ti nitai has iran, irai iji adiat, par itai ahlap atnamud irai iji mesese.

Numera 28:3 Iomraidhean Croise

1 Iji Tas Eled 16:40

mika eri ahlap ara vai Ihova irai iji itai ahlap atnamud, au natau uri niji itai ahlap atnamud, irai iji uhialeg im niji jupura irai iji mesese, um ago niji itai asega eris aged an tas alep u Ihova, is asaig ehele nup Isreel aien;

2 Niji Tas Eled 8:13

nikavaig, niji itai ahlap irai iji adiat, is idivaig intas alep u Moses, ira adiat atumop, im nupyi het, im nasjapicnaig itap is eseij irai iji mesese, nikavaig, nasjapicnaig va nareto is ti leven iran, im nasjapicnaig pentecost, im nasjapicnaig vai iyum uriicai.

Esra 3:5

ja par apitac niji itai ahlap atnamud, eris ahlap iran irai upyi het, im lep ira asjapicnaig itap asega vai Ihova, im lep niji itai ahlap vai Ihova eris ikni natimi vai inmerit ura.

Taniel 11:31

Erupu aiji a ilpu eucsupo an nahaijin nedoa o un, erupu auahas inmaliyum itap et ipjin ara, erupu atipagki nitai ahlap ara er ago irai iji adiat, erupu lep ati iran nitai er amcelvaig par auahas neom itap vaig.

Taniel 12:11

Inyi adiat wun dausant tu huntret im nainte (1,290), ahes an nopan iyehki eri atipagki nitai ahlap er ago irai iji adiat, um yetpan an nopan iyehki eri ati nitai er amcel vaig par auahas neom itap.

Taniel 8:11

Is idim alupas nipat iyehki, um ika yi esjilid irai natimi esjilid an nahlap, um atipagki nitai ahlap eris ago irai iji adiat, is lep ethaigse nuarin itap u Atua aien,

Taniel 8:13

Ja kis ahgei natimi upene is ethi ainyak intas vaig, is lep ika a natimi upene is ethi is eche ehelen iyehki is tas ki aien, Etpu ehed nadiat an nitai ehvaig va nitai ahlap eris ago irai iji adiat, im lep an nedo has er auahas itai iran, ja par atcijaig neom itap im lep ilpu atimi ahlap, eri auwihise ra au nobohtan?

Levitikus 3:5

Erumu lep atnamud a ilpu hal u Eron an natau ijinies an nitai ahlap atnamud inig et amen ijinies irai cai an cap: nitai ahlap auanipin upene vai Ihova nigki er ago an cap.

Levitikus 6:9

Namu tas aiek ehele Eron im ilpu hal o un, um ika, Intas alep va nitai ahlap atnamud nigki: Etmu amen nitai ahlap inigki er atnamud an cap an natau an nepig asega um yetpan an nuhialeg, etmu lep amen incap an natau, um cas.

Emos 4:4

Akumu apam an maliyum Bedel aijaua, um ago nedo has; um ika yi alupas nedo imipalea an maliyum Cilcal: akumu imiapam itai ahlap unyimia aijaua irai iji uhialeg, im niji uarin tend unyimia irai iji opan etu wit ti pan itac inmesese inyi dri:

Numera 28:10

nitai ahlap atnamud nigki irai iji adiat atumop asega, pan irai itai ahlap atnamud irai iji mesese, im nitai ahlap umnyi.

Numera 28:15

Uhmu ahlap vai Ihova an hakli nanin inyi ethi par itai ahlap va nedo has, pan irai itai ahlap atnamud irai iji adiat, im nitai ahlap umnyi.

Numera 28:23

Akumu ahlap aijaua irai itai iji igki, im lep nitai ahlap atnamud an nuhialeg, inyi itai ahlap atnamud irai iji mesese nigki.

Numera 28:24

Akumu ahlap aijaua inyi uce irai iji adiat ira adiat inyi seven, au nitai caig an nitai ahlap er ago an cap, nitai auanipin upene vai Ihova: uhmu idim ahlap iran im lep nitai ahlap atnamud irai iji mesese, im nitai ahlap umnyi.

Numera 28:31

Akumu ahlap iran aijaua, im lep nitai ahlap atnamud irai iji mesese, im nitai ahlap an nitai caig, im nitai ahlap umnyi, etmu jim eteuc tah nitai has ira ra vai caua.

Numera 28:4

Namu ahlap aiek an hakli siip inyi ethi an nuhialeg, im lep an hakli siip inyi ethi an jupura;

Numera 29:11

im inhakli nanin inyi ethi par itai ahlap va nedo has; im lep nitai ahlap va nedo has er adahpoi nedo has iran, im nitai ahlap atnamud irai iji adiat, im nitai ahlap an nitai caig pan iran, im nitai ahlap umnyi pan iran.

Numera 29:16

im inhakli nanin inyi ethi par itai ahlap va nedo has; im lep nitai ahlap atnamud irai iji adiat, im nitai ahlap an nitai caig pan iran, im nitai ahlap umnyi pan iran.

Numera 29:6

im lep nitai ahlap atnamud irai iji mohoc, im nitai ahlap an nitai caig pan iran, im nitai ahlap atnamud irai iji adiat, im nitai ah-lap an nitai caig pan iran, im nitai ahlap umnyi pan iran, et idivaig eris asaig, par itai auanipin upene, nitai ahlap er ago an cap vai Ihova.

Joanes 1:29

¶ Is wat lahlah an tak apnyin, is ecet Iesu a Joanes napanvaig ehelen, um ika, Almoi Lam o Atua aijaua, aien aigki et iknipagki nedo has aien an nobohtan:

Ilpu Hibru 9:6

Eris wat ago nitai iji eigki, eris apan a ilpu atimi ahlap an nilpun neom uhup irai iji adiat, um ago nauritai an nalaigaheni.

Nitai ehvaig 13:8

Erupu alaigaheni vai yin natimi asega erupu amen ara an nobohtan, eris eti aged nidara an nitasvitai va nitai umoh iran u Lam ineig, eris atgei yin an naopan iyehki is pam eti eteuc nobohtan.