Numera 28:2 - Intas Etipup

² Namu tas ehele nup Isreel aiek, um ika ehele ra, Akumu aminjinaig aijaua um ahlap vai nyak an nopan upene eris ati, an nitai ahlap unyak, im nitai caig uri nitai ahlap unyak er ago an cap, nitai auanipin upene vai nyak.

Numera 28:2 Iomraidhean Croise

Jenesis 8:21

Is ahgei nipin upene a Ihova; is ika inliinmopoi Ihova. Inki eti lep asan tas ahlaijaig nobohtan ainyak va atimi; et has naktaktai u inliinmopora ara an halav ura, um yetpan irai iji adiat; inki eti lep auahas niji itai umumoh asega ainyak, et idivaig kis mun ago ainyak.

1 Iji Tas Eled 23:31

um ahlap irai iji itai ahlap atnamud asega vai Ihova irai iji adiat atumop, im lep irai iji upyi het, im lep irai iji asjapicnaig eris esiaig, an nuhup u ihova irai iji mesese, is idivaig eris asaig ehele ra:

2 Niji Tas Eled 23:18

Is lep asaig nauritai an neom u Ihova a Jehoiata, ehele ilpu atimi ahlap im ilpu mapoi Livai, is ikni ra a Tevit an neom u Ihova, par ahlap irai iji itai ahlap atnamud u Ihova, et idivaig eris aged au tas alep u Moses, um imiacitak, um acesaces nohraiitai, et idivaig intas inig is asaig a Tevit.

2 Niji Tas Eled 31:3

Is lep ati nahaijin padiaig o un a natimarid uri itai ahlap atnamud, nikavaig, niji itai ahlap atnamud irai iji uhialeg im niji jupura, im niji itai ahlap atnamud uri adiat atumop, im niji upyi het, im niji asjapicnaig eris asaig, is idivaig eris aged an tas alep u Ihova.

Esra 3:2

Is atidai a Josua inhal u Josatak, im ilpu etwan ilpu atimi ahlap, im Serubabel inhal u Sialtiel, im ilpu etwan, um actaig natau u Atua u nup Isreel, par ahlap iran irai iji itai ahlap atnamud, is idivaig eris aged au tas alep u Moses natimi u Atua.

Esra 3:3

Eris ati natau ara an nuarin o un; eris imtitaig ara va nup urai pece iji ehki: eris lep ahlap ara irai iji itai ahlap atnamud vai Ihova, niji itai ahlap atnamud irai iji uhialeg im injupura.

Nihemaia 10:34

Intis lep edaig niji itai asjaaicnaig akaija irai ilpu atimi ahlap, im ilpu mapoi Livai, im natimi, va nitai ahlap irai cai, par imiapam anliin neom u Atua uja, is idivaig ilpu eteuc irai ilpu retpoija, an nopan er asaig irai iji mesese, par atnamud ijinies an natau u Ihova Atua uja, et idivaig eris aged an tas alep:

Saam 81:3

Akumu ahlai intoho aijaua, an mohoc uhup, an nehtele-cin-nayi o un, an nadiat asjapicnaig uja.

Eksotus 23:15

Uhmu asjapicnaig um caig nareto et ti leven iran: namu caig nareto et ti leven iran aiek ira adiat inyi seven, et idivaig kis asaig ehelum ainyak, an nopan iyehki eris anvai an mohoc Ebib; as idim ahes Ijipt iran aiek: um jim apam tah an nuhup unyak um ti nitai o un:

Eksotus 29:18

Namu lep atnamud siip atamaig asega aiek an natau: nitai ahlap atnamud nigki vai Ihova: et itai auanipin upene, nitai ahlap er ago an cap vai Ihova.

Esikiel 16:19

Im lep inig, as lep ikni an nuhup ura aiek mika yi itai auanipin upene, niji itai hegaig unyak kis alupai euc ainyak, nikavaig, flaur upene, im narakei oliv, im hune, kis alaam ainyak: et ika a Natimarid Ihova, Is idim uco nedo unyum.

Esikiel 20:41

Etpu upene inliinmopok ainyak vai caua im lep vai nitai auanipin upene unyimia, eku wit iknipagki caua ainyak ehele nup urai iji pece, um asjapicnaig caua irai pece iji ig eris imiterimterim caua iran; akupu lep imiahpas nyak aijaua an nuhup u nup urai iji pece.

Esikiel 45:17

Etmu ahtai niji itai ahlap er atnamud a natimarid ura, im lep niji itai ahlap eh caig, im lep niji itai ahlap er umnyi, an nasjapicnaig u atimi, im lep an nupyi het, im lep irai iji adiat atumop, im lep an nasjapicnaig inig et itap asega u nup Isreel; etmu ika aien eri ahlap an nitai ahlap er atnamud, im niji itai ahlap van nigpa, mika eri asan nigpa va nup Isreel.

Levitikus 1:13

ja etmu yiri nauitin im neduon an wai aien: etmu lep imiapam asega a natimi ahlap, um atnamud an natau: nitai ahlap atnamud nigki, nitai ahlap er ago an cap, nitai auanipin upene vai Ihova.

Levitikus 1:17

etmu ahtakwai aien im lep nehpan, jam eti ahaig jipe: etmu lep atnamud a natimi ahlap an natau, irai cai an cap: nitai ahlap atnamud nigki, nitai ahlap er ago an cap, nitai auanipin upene vai Ihova.

Levitikus 1:9

ja etmu yiri nauitin im neduon an wai aien: etmu lep atnamud asega a natimi ahlap an natau, mika yi itai ahlap atnamud, nitai ahlap er ago an cap, nitai auanipin upene vai Ihova.

Levitikus 21:6

Erumu ilpu atimi upene vai Atua ura ara, erumu jim auahas nidai Atua ura ara: era idim ahlap irai iji itai ahlap ara er atnamud an cap, im lep nitai caig u Atua ura: va nitai inigki erumu upene ara.

Levitikus 21:8

va nitai inigki akumu ikni ra aijaua mika eri ilpu atimi upene ara; era idim ahlap an nitai caig u Atua unyimia ara: erumu ilpu atimi upene imi caua ara: ek idim upene ainyak Ihova inig, ek ago upene caua ainyak.

Levitikus 3:11

Etmu atnamud an natau a natimi ahlap: nitai caig nigki an nitai ahlap vai Ihova er ago an cap.

Malakai 1:12

Ja eka mun auahas nidak aijaua, an tas unyimia, eka ika ai-jaua, Et has nitai hag u Ihova; et lep takitai nohwan, nitai caig o un marom.

Malakai 1:7

Va nedo unyimia, nikavaig, eka mun ahlap nai iji itai hegaig et has u natau unyak aijaua; ja eka ika aijaua, Ecra mun auahas euc aijama an he? Van tas unyimia, eka ika aijaua, Et takitai nitai hag u Ihova.

Numera 15:24

el et lep ago tah nitai tah va napat u inliinmopon jam eti ato natimi, erumu ahlap natimi asega irai kurimatau atamaig takuras yi ethi par itai ahlap atnamud, nitai auanipin upene vai Ihova, im lep nitai ahlap an nitai caig, im nitai ahlap umnyi, et idivaig intas alep, im inhaklin nanin yi ethi par itai ahlap va nedo has.

Numera 15:3

um ika aki ahlap vai Ihova an nitai ahlap atnamud, ka nitai ahlap vai intas upyi asaig, ka nitai ahlap vai intup merit unyimia, ka ira asjapicnaig itap unyimia, kurimatau unyimia, im siip unyimia, mika yi itai auanipin upene vai Ihova:

Numera 15:7

Uhmu lep ahlap an nitai ahlap umnyi, nikavaig, nahaijin hin inyi dirt an nide vaine, par itai auanipin upene vai Ihova.

Numera 28:1

IS tas a Ihova ehele Moses, um ika,

Numera 29:39

Akumu ago nedo inigki vai Ihova aijaua irai iji asjapicnaig unyimia eris asaig, an niji itai ahlap atnamud unyimia, im niji itai ahlap an nitai caig unyimia, im niji itai ahlap umnyi unyimia, im niji itai ahlap naaurinig unyimia, pan irai tas aktit unyimia, im niji itai ahlap eka ispumia ago aijaua.

Numera 9:13

Ja natimi inig et upene aien, um eti atga an taka uarin, jam eti aminjinaig nahtaregdei atimi, uhmu atipagki natimi inig ehele ilpu atimi o un: etpu amen nedo has irai natimi inig, va nedo o un, nikavaig, is eti imiapam nitai ahlap vai Ihova aien an nopan eris ati.

Numera 9:7

eris ika ehelen natimi iji ehki, Ecra mun auahas nitap unyima aijama va nohun natimi mas: er a uri par atapnes cama, mika ecri jim ahlap aijama Vai Ihova an nitai ahlap pan irai up Isreel an nopan eris ati?

2 Nupu Korindus 2:15

ek itai auanipin upene u Kristo ainyak imi Atua ehele ilpu atimi iji eigki er imyiatamaig ra, im lep ehele ilpu atimi iji eigki er auahas ra:

Nupu Efesus 5:2

um aiyu jipe u inliinmopomia vai caua, et idiva naiyu u inliinmopoi Kristo vai caija, is ispun ahtai yin aien mika eri atgei yin, nitai ahlap vai Atua, nitai auanipin upene.

Nupu Filipai 4:18

Ja et eteuc niji itai asega imtak, ek ikni itai ainyak: et ahinag niji itai unyak ainyak, kis leh ehele Epafrotaitus ainyak nitai iji eigki akis imyiapam ehelek aijaua, nitai auanipin upene, nitai ahlap npene, et imyiacitak vaig a Atua.