Numera 28:16 - Intas Etipup

¹⁶ Uhmu asjapicnaig va nahtaregdei atimi u Ihova an nadiat fortiind an mohoc uhup.

Numera 28:16 Iomraidhean Croise

Eksotus 12:1

IS tas a Ihova ehele Moses im Eron an pece Ijipt, um ika,

Eksotus 12:18

Et wat jupura an nadiat fortiind, an mohoc uhup, akumu caig nareto aijaua inyi ti leven iran, um yetpan an jupura an nadiat twente first an mohoc iyehki.

Eksotus 23:15

Uhmu asjapicnaig um caig nareto et ti leven iran: namu caig nareto et ti leven iran aiek ira adiat inyi seven, et idivaig kis asaig ehelum ainyak, an nopan iyehki eris anvai an mohoc Ebib; as idim ahes Ijipt iran aiek: um jim apam tah an nuhup unyak um ti nitai o un:

Eksotus 34:18

Akumu aminjinaig nasjapicnaig aijaua va nareto et ti leven iran. Akumu caig nareto et ti leven iran aijaua ira adiat inyi seven, et idivaig kis asaig ehelemia ainyak, an tah nopan o un an mohoc Ebib: akis idim udei inpece Ijipt aijaua an mohoc Ebib.

Madius 26:17

AN nadiat uhup eris asjapicnaig va nareto is ti leven iran, eris apan ehele Iesu a ilpu atimi atahaijeg yin, um ika ehelen, Nai merit aiek vaig eda igca ecri imyecrei napaska aijama mika apu ecaig aiek?

Madius 26:2

Eka ato aijaua, nikavaig, et wit ti pan itac nadiat inyi ero, uhu wit asjapicnaig u napaska; uhpu aniv Inhal o natimi mika eri atgei yin an nauincai atgeig.