Numera 28:11 - Intas Etipup

¹¹ Akumu lep ahlap vai Ihova aijaua an nitai ahlap atnamud an nupyi het unyimia; kurimatau takuras inyi ero, im siip atamaig inyi ethi; im inhakli siip inyi seven et eteuc inmesese et ethi ira ra um ti nitai has ira ra;

Numera 28:11 Iomraidhean Croise

2 Ilpu Atimarid 4:23

Is ika aien, Na a uri aiek par apan ehelen an nadiat inigki; et eti nupyi het nigki, et lep eti nadiat atumop nigki. Is ika aien, Er uauo.

1 Iji Tas Eled 23:31

um ahlap irai iji itai ahlap atnamud asega vai Ihova irai iji adiat atumop, im lep irai iji upyi het, im lep irai iji asjapicnaig eris esiaig, an nuhup u ihova irai iji mesese, is idivaig eris asaig ehele ra:

2 Niji Tas Eled 2:3

Is abraig pan atimi ehele Hairam natimarid Tairus a Solo-mon, um ika, Namu ago vai nyak aiek yi idivaig nedo unyum vai Tevit etmak, as alupai yin nauicai sitar par ago neom amen iran imi yin.

2 Niji Tas Eled 2:4

Ek idim ago neom ainyak vai nidai Ihova Atua unyak, inyi itap vai yin, eri atnamud nitai auanipin upene an nuhup o un, im lep va nareto eri ehvaig irai iji adiat, im niji itai ahlap atnamud irai iji uhialeg im niji jupura, im lep irai iji adiat atumop, im niji upyi het, im niji asjapicnaig itap u atimi va Ihova Atua unyima. Intas alep imi nup Isreel nigki irai iji mesese.

2 Niji Tas Eled 8:13

nikavaig, niji itai ahlap irai iji adiat, is idivaig intas alep u Moses, ira adiat atumop, im nupyi het, im nasjapicnaig itap is eseij irai iji mesese, nikavaig, nasjapicnaig va nareto is ti leven iran, im nasjapicnaig pentecost, im nasjapicnaig vai iyum uriicai.

Esra 3:5

ja par apitac niji itai ahlap atnamud, eris ahlap iran irai upyi het, im lep ira asjapicnaig itap asega vai Ihova, im lep niji itai ahlap vai Ihova eris ikni natimi vai inmerit ura.

Nihemaia 10:33

va nareto er ehvaig, im nitai ahlap an nitai caig irai iji adiat, im nitai ahlap atnamud irai iji adiat, im niji adiat atumop, im niji upyi het, im niji asjapicnaig u atimi eris asaig, im niji itai itap, im lep va niji itai ahlap va nedo has par adahpoi nedo has u nup Isreel, im lep vai nauritai asega u neom u Atua.

Saam 40:6

As eti merit aiek va niji itai ahlap im niji itai tup ahtai: as aiji intikgak aiek: as eti asaig niji itai ahlap atnamud aiek im niji itai ahlap va nedo has.

Saam 40:8

ek mun imiacitak ainyak nimiaiji vaig intas unyum, ak Atua unyak; et idim amen intas alep unyum an liinmopok.

Saam 81:3

Akumu ahlai intoho aijaua, an mohoc uhup, an nehtele-cin-nayi o un, an nadiat asjapicnaig uja.

Saam 81:4

Intas alep vai nup Isreel nigki, im intas is asaig a Atua u ilpu mapoi Jekob.

Aiseya 66:23

Et ika a Ihova, Et idim uco, erupu ham natimi asega irai iji upyi het, im lep irai iji adiat atumop, mika eri atpuse an nuhup unyak ara.

Esikiel 46:1

ET ika a Natimarid Ihova: Uhmu atapnes neucse nathatahau inig an nokoro anliin nimnim et ehnan ridjai o un ira adiat iji ig et siks er ago nauritai iran; ja uhmu asalgei an nadiat atumop, uhmu lep asalgei an nadiat an nupyi het.

Esikiel 46:6

Im lep an nadiat an nupyi het uhmu ahlap nai kurimatau atamaig tupko et ethi et upene asega, im niji hakli siip et siks, im siip atamaig et ethi: etmu upene asega.

Esikiel 46:7

Etmu ika aien eri ahlap an nitai ahlap eh caig, nikavaig, nifa et ethi vai kurimatau atamaig et ethi, im nifa et ethi vai siip atamaig et ethi, im lep vai niji hakli siip an tah nitai et eteuc ehelen, im hin et ethi an narakei oliv va nifa et ethi.

Hosia 2:11

Ekpu ika ainyak yi tiih nimiacitak asega o un, nikavaig, niji akoro o un, im niji upyi het o un, im niji adiat atumop o un, im niji asjapicnaig asega o un.

Levitikus 1:13

ja etmu yiri nauitin im neduon an wai aien: etmu lep imiapam asega a natimi ahlap, um atnamud an natau: nitai ahlap atnamud nigki, nitai ahlap er ago an cap, nitai auanipin upene vai Ihova.

Levitikus 1:3

El et ahlap aien an nitai ahlap atnamud irai kurimatau o un, etmu ahlap aien an natamaig et ti nitai has iran: etmu ispun ahlap iran aien an neucse neom er asjapicnaig o un an nuhup u Ihova.

Levitikus 1:9

ja etmu yiri nauitin im neduon an wai aien: etmu lep atnamud asega a natimi ahlap an natau, mika yi itai ahlap atnamud, nitai ahlap er ago an cap, nitai auanipin upene vai Ihova.

Emos 3:5

Inyi eti eucen inman an nitai apro itai an nobohtan, et wat ti nitai apro itai imi yin; inyi eti upjau nitai apro itai an nobohtan, el et ti tah nitai iran.

Emos 8:5

eka ika aijaua, Etpu ti pan itac nupyi het an nahopan, mika ti ahtai hwiit akaija? im lep nadiat atumop, mika ti leh pok ijo hwiit akaija? eka ago haklin nipjiitai asjaaicnaig itai iran aijaua, um lep ago alupas nimtan vai itai; eka wat ahtai itai aijaua, eka ago nedo efaifa va niji itai asjaaicnaig aijaua.

Numera 10:10

Akumu lep ahlai toho aijaua, ira adiat imiacitak unyimia, im niji adiat asjapicnaig unyimia, im niji upyi het unyimia, va niji itai ahlap atnamud unyimia, im niji itai ahlap naaurinig unyimia; par itai imiehva imi caua an nuhup u Atua unyimia: ek Atua unyimia ainyak Ihova.

Numera 28:19

ja akumu ahlap aijaua an nitai ahlap er ago an cap, par itai ahlap atnamud vai Ihova; kurimatau atamaig takuras inyi ero, im siip atamaig inyi ethi, im inhakli siip inyi seven et eteuc inmesese et ethi ira ra: inyi ti nitai has iran vai caua:

Nupu Calesya 4:10

Eka apos niji adiat aijaua, im niji mohoc, im niji opan, im niji mesese.

Nupu Kolose 2:16

Etmu jim tas alep ehelemia tah natimi vai inhag unyimia, im numwig unyimia, im nasjapicnaig unyimia an mesese, im lep va nupyi het, im lep va adiat atumop:

Nupu Kolose 2:6

Im lep ineig, akis upyi leh Iesu Kristo Natimarid aijaua, et idim ucco, akumu apitae yin aijaua:

1 Samuel 20:5

Is ika a Tevit ehele Jonadan, Etpu upyi het imraig, eris idim ika, inki ehrateuc ehele natimarid ainyak um hag: ja namu adcijaig nyak aiek mika ki atpuh ainyak an lelitai um yetpan vid an jupura.

1 Samuel 9:12

Eris tas ehele rau ara, um ika, Aien aigko; et idim uhup iramirau aien: fi auroauro aijaurau, et mun apam an maliyum inpig aien; vaig inig nikavaig, era asjapicnaig natimi inpig an nuarin ijinies mika eri ahlap: