Numera 27:21 - Intas Etipup

²¹ Etmu aiji aien an nuhup u Eliesar natimi ahlap, etmu lep ahodaig itai vai yiu aien an nuhup u Ihova irai Urim: erumu apan ara vai intas o un, erumu lep ham ara vai intas o un, aien im nup Isreel asega marom.

Numera 27:21 Iomraidhean Croise

2 Samuel 21:1

IS eteuc numlaig has an nopan u Tevit, is eti omot irai mesese is dri; is ahodaig Ihova a Tevit. Is um ika a Ihova, Et uco vai Saal im ilpu atimi ehpan iran; eris ilpu atimi atgei atmas ara; is idim atgei nup u Cibeon aien.

Esra 2:63

Is lep asaig ehele ra a natimi alupas mika eri jim caig niji itai itap acen ara, um imihum pan an nopan iyehki etpu atidai tah natimi ahlap inyi amen ehelen Urim im Dummim.

Nihemaia 7:65

Is lep asaig ehele ra a natimi alupas, mika eri jim caig niji itai itap acen ara, um imihum pan an nopan iyehki etpu atidai tah natimi ahlap inyi amen ehelen Urim im Dummim.

Eksotus 28:30

Uhmu ati Urim im Dummim an nitai adahpoi inritin eh tas alep vaig; inyi amen an riti Eron, etu wit apan aien an nuhup u Ihova: etmu apos intas alep vai nup Isreel a Eron an ritin an nuhup u Ihova irai iji adiat.

Levitikus 8:8

um ati nitai adahpoi inriti Eron iran: is lep ati Urim im Dummim aien an nitai adahpoi inritin.

Malakai 2:7

Eris idim ika eri aminjinaig intas arapakau a ilpu atimi ahlap, erupu ahodai intas alep irai ipjieucsera natimi: era ilpu atimi ehcid u Ihova esjilid acen ara, par asaig intas o un ehele atimi.

Numera 27:17

um apan an nuhup ura, um apam an nuhup ura, um atau pan ira ra, um lep atau pam ira ra; va eri jim idivaig siip a ilpu atimi u Ihova et ti natimi asgi ra.

Numera 27:2

Eris atidai ara an nuhup u Moses, im Eliesar natimi ahlap, im ilpu atimi alupas, im lep natimi asega, an neucse neom er asjapicnaig o un, um ika,

Numera 27:20

Um ati iran nuarin natimi alupas unyum, va erupu imiaiji intas o un a nup Isreel asega.

Numera 27:22

Is ago a Moses is idivaig is asaig ehelen a Ihova: is leh Josua aien, um ati yin an nuhup u Eliesar natimi ahlap, im lep an nuhup u atimi asega:

Numera 27:5

Is imiapan nitai inigki an nuhup u Ihova a Moses.

Tyuteronome 31:3

Etpu atga um uhup iramia a Ihova Atua unyimia, etpu auahas nup urai pece iji igki aien an nuhup unyimia, akupu lep ohuun niji pece ura aijaua: etpu uhup iramia a Josua, et idivaig is asaig a Ihova.

Tyuteronome 33:8

Is tas vai ilpu mapoi Livai aien, um ika, Etmu amen ehele ilpu atimi itap unyimia iji igki Dummim im Urim unyimia, as ahilek nedo ura aiek Masa, um imiisjis ehele ra ui wai Meriba;

Josua 9:14

Eris leh nahaijin nitai caig ura natimi, jam eti ahilek intas ehele Ihova.

Ilpu Atimi Tas Alep 1:1

IS wat ti pan itac inmas u Josua, era ahodai Ihova a nup Isreel, um ika, Erupu uhup a di um aridjai, um ati nedoa vai cama, um aat irai up u Kenan?

Ilpu Atimi Tas Alep 20:18

Eris atidai a nup Isreel, um aridjipan an neom u Atua, um ahodaig Atua, um ika, Erumu uhup a di irama um aridjai, um ati nedoa vai ilpu mapoi Benjamin? Is ika a Ihova, Erumu uhup a ilpu mapoi Juta um aridjai.

Ilpu Atimi Tas Alep 20:23

Eris ago emda inliinmopora natimi, nup Isreel marom, um aketo um atah ira ra an nuarin iyekki eris atah ira ra an nadiat uhup.

1 Samuel 14:19

Is wat tas ehele natimi ahlap a Saal, is eti atumop nohran nedoa u nup u Filistia, jam auata alupas: is ika a Saal ehele natimi ahlap, Atise nikmam aiek.

1 Samuel 23:9

Is ato a Tevit mika is ago nedo acalacal vai yin a Saal, jam eti asaig; is um ika aien ehele Abaiadar natimi ahlap, Imiehio efot igcaki aiek.

1 Samuel 28:6

Is wat ahilek ehele Ihova a Saal, is eti tas ehelen a Ihova, is eti tas aien irai umjeg ahnag, ka Urim, ka ilpu profeta.

1 Samuel 30:7

Is ika a Tevit ehele Abaiadar natimi ahlap inhal u Ahimelek, Ek ugyi euc ainyak, mika an imiehio efot ehelek igcaki. Is imiapan efot ehele Tevit eahki a Abaiadar.