Numera 27:18 - Intas Etipup

¹⁸ Is ika a Ihova ehele Moses, Namu leh Josua aiek inhal u Nun, natimi et amen iran a Nesgak, um atijai nikmam iran;

Numera 27:18 Iomraidhean Croise

Jenesis 41:38

Is tas a Fero ehele ilpu atimi alupas o un, um ika, Intupu leh tah eda akaija, et idivaig natimi inig, et amen ehelen a N esgai Atua?

1 Iji Tas Eled 7:27

is hal u Elisama a Nun; is hal u Nun a Josua.

Eksotus 17:9

Is ika a Moses ehele Josua, Namu ehtai atimi aiek iraija, um apan, um ago nedoa vai nup Amalek: ekpu aiji ijinies an lolan nedoon ainyak imraig, um apos an nikmak niseuc u Atua.

Taniel 5:14

Ek mun atahaijeg intas vai euc ainyak, mika et amen ehelum narapakau u ilpu atua, um lep amen ehelum inlah, im nato itai, im narapakau esjilid.

Numera 11:17

Ekpu lep asuol ainyak um tas ehelum eahki: ekpu ika ainyak inyi idivaig inliinmopom inliinmopora ara; erupu asipiaig nohocred unyum va atimi ara, va an jim echim apos aiek ache.

Numera 13:16

Nidai natimi iji ehki ji igki is abraig pan ra a Moses par aijidjid inpece. Is anvi nidai Osia inhal u Nun a Moses par ika Josua.

Numera 13:8

Im Osia inhal u Nun irai ilpu mapoi Ifreem.

Numera 27:23

is atijai nikman iran aien, um tas ehelen, is idivaig is asaig a Ihova irai Moses.

Joanes 3:34

Aien is abrai yin a Atua et asuptecnaig intas o Atua aien: et idim alupai yin Nesgan Upene a Atua mika yi amen alupas ehelen.

Niji auritai o ilpu Apostolo 13:3

Eris atwakam ara um alaigaheni, ja par atijai nikmara ira rau, um abraig pan rau.

Niji auritai o ilpu Apostolo 19:6

Is atijai nikman ira ra a Paulo, eris leh Nesgan Upene ara; eris tas ara irai tas irai iji pece, um ahidan tas.

Niji auritai o ilpu Apostolo 6:3

va nitai ineigki, ak ilpu etoama, akumu ahilek natimi inyi seven iramia aijaua eh tas upene vai ra, um lep amen alupas ehele ra a Nesgan Upene, um esjilid narapakau ura, ecrupu ikni ra aijama va nauritai ineigki:

Niji auritai o ilpu Apostolo 6:6

eris ikni ra an nuhup o ilpu apostolo ara: eris alaigaheni ara, um atijai nikmara ira ra.

Tyuteronome 1:37

Is lep edemda vai nyak a Ihova vai caua, um ika, Napu eti lep apan eahki aiek.

Tyuteronome 3:21

Kis tas ehele Josua ainyak an nopan iyehki, um ika, As almoi aiek an nesganimtam nitai iji ehki asega, is ago a Ihova Atua unyimia ira atimarid erahki: etpu lep uce nedo o Ihova vai niji pece asega napu atga iran aiek.

Tyuteronome 3:28

Ja namu tas ehele Josua aiek, mika yi jim imtitaig aien, um jim auatialidi: etpu idim apan aien an nuhup u atimi iji igki, etpu lep ika ehele ra aien eri ohuun inpece inigki ara napu ecetai aiek.

Tyuteronome 31:14

Is tas a Ihova ehele Moses, um ika, Et ubutpotet nopan mas unyum: ahlaig vai Josua aiek, um apan aijaurau an neom er asjapicnaig o un, mika ki tas alep ehelen ainyak. Erus apan a Moses im Josua, um ehcohos an neom er asjapicnaig o un.

Tyuteronome 31:23

Is tas ehele Josua inhal u Nun aien, um ika, Namu emda aiek, um jim auatialidi: napu idim imiapan nup Isreel aiek an pece iyehki kis asaig ehele ra ainyak: ekpu ahced euc ainyak.

Tyuteronome 31:3

Etpu atga um uhup iramia a Ihova Atua unyimia, etpu auahas nup urai pece iji igki aien an nuhup unyimia, akupu lep ohuun niji pece ura aijaua: etpu uhup iramia a Josua, et idivaig is asaig a Ihova.

Tyuteronome 34:9

Is lep esjilid narapakau u Josua inhal u Nun; is idim atijai iran nikman ero a Moses: eris atahaijeg intas o un a nup Isreel, um ago nedo inig is asaig a Ihova ehele Moses.

1 Timodeus 4:14

Jim ude nemda ineig eris alupai euc, vai intas upyi asaig, im lep natijai nikmai ilpu atimi tas alep iram.

1 Timodeus 5:22

Jim auroauro aiek um atijai nikmam ijinies iran tah natimi, um jim asipiaig nedo has oi tak atimi; namu aminjinai euc aiek va apu adicinadicin aiek.

Ilpu Hibru 6:2

(nikavaig, nesege va nabaptiso, im natijaivaig nikma atimi,) im nusjai u ilpu atimi emesmas, im neruvaig ineig inyi ti lep ti.

Josua 1:17

Ecrupu atahaijeg intas asega unyum aijama, et idivaig ecris atahaijeg intas o Moses aijama va niji itai asega: ja etmu amen ehelum a Ihova Atua unyum, et idivaig is amen ehele Moses aien.

Ilpu Atimi Tas Alep 11:29

Ja is amen alupas ehele Jefda a Nesgai Ihova, is lep ahced inpece Cileat aien, im inpece u nup u Manasi, um yetpan Mispi an pece Cileat, is lep ahes Mispi an pece Cileat aien um yetpan an pece u nup Amon.

Ilpu Atimi Tas Alep 3:10

Is amen alupas ehelen a Nesgai Ihova, is tas alep ehele nup Isreel aien, um apan, um ati nedoa: is atcijaig Kusan-risadeem natimarid an pece Mesopotemia a Ihova an nikman; is esjilid irai Kusan-risadeem aien.

1 Samuel 16:18

Is tas is ethi irai ilpu aheca o un, um ika, Ek mun idim ecet ainyak inhalav atamaig et ethi u Jese, nup u Bedlehem, et ato aien um atcei harp, um aces upene ohrai itai iran: et atimi emda alupas aien, um atimi ago nedoa; et tas arapakau aien, um eklim upene nesganimtan aien; et lep amen ehelen a Ihova.