Numera 24:7 - Intas Etipup

⁷ Erupu atladwi wai ara irai ipjiitai ura; erupu idivaig inwai alupas a ilpu mapora: etpu esjilid natimarid ura irai Ecac, etpu lep esjilid nelcau ura.

Numera 24:7 Iomraidhean Croise

2 Samuel 5:12

Is ato a Tevit mika is ati yin natimarid u nup Isreel a Ihova, im lep mika is imiaridjai nelcau o un aien, vai ilpu atimi o un nup Isreel.

1 Ilpu Atimarid 4:21

Is atimarid a Solomon irai iji elcau asega is ahes u nofowai um yetpan an pece u nup u Filistia, um yetpan an nahaijin pece Ijipt: eris imiapan niji itai tup ahtai ara, um aheca u Solomon irai iji adiat asega an numoh o un.

1 Ilpu Atimarid 5:1

IS abraig pan ilpu aheca o un ehele Solomon a Hairam natimarid Tairus; is atahaijeg aien mika eris aspi yin mika yi atimarid, um isjeupigmoig etman: is idim aiyu inliinmopoi Hairam vai Tevit.

1 Iji Tas Eled 14:2

Is ato a Tevit mika is ati aktit yin a Ihova mika yi atimarid u nup Isreel aien, um lep imiaridjai nelcau o un, vai nup Isreel o un.

Esra 4:20

Eris lep amen Jerusalem a ilpu atimarid emda, um atimarid irai iji pece asega an nahaijin nofowai igcapan; eris lep alupai ra mune, im inpadiaig, um akwanaham imi ra.

Ester 3:1

IS wat ti pan itac nitai iji igki, is imiatidai Heman inhalav atamaig u Hametada, mapoi Ecac, a Ahasuirus natimarid, um ika yi esjilid aien, um ati nitai ateuc o un ijinies irai itai ateuc u ilpu atimi alupas o un.

Saam 18:43

Napu imiatamaig nyak aiek va nehtauo o ilpu atimi unyak; napu ati nyak aiek mika ki atimarid ainyak irai nup urai pece: erupu aheca unyak a nup uran pece inig kis eti ato ra ainyak.

Saam 68:26

Ak ilpu mapoi Isreel, akumu ago naaurinig vai Atua aijaua, Natimarid marom, ira asjapicnaig unyimia.

Saam 72:11

Erupu idim atpuse an nuhup o un a ilpu atimarid asega: erupu lep aheca o un a nup urai iji pece asega.

Saam 89:27

Ekpu ati yin ainyak, mika yi halav meto unyak aien, um esjilid irai ilpu atimirad an nobohtan.

Aiseya 2:2

Ira adiat apitac uhpu ati ahtu nedoon inig et eteuc neom u Ihova iran ijinies irai lola au; uhpu imiaridjai um esjilid irai iji edoon; erupu lep ahtag pan iran a nup urai iji elcau asega.

Aiseya 30:25

An nopan iyehki uhu wit atgei atimi inyi ahinag, um lep uhu wit alcapdicraig niji eom ijinies, etpu eteuc niji eucse wai im niji wai yah irai iji au ijinies asega, im lep irai iji edoon ijinies asega.

Aiseya 48:1

AKUMU atahaijeg intas inigki aijaua, ak ilpu mapoi Jekob, ilpu atimi er anvi nidamia par ika nup Isreel, eris ahes irai wai Juta ara, era asig yi aktit intas an nidai Ihova ara, um aniv Atua u nup Isreel, jam eti an tas inveijec, um eti an nedo atoh.

Aiseya 9:7

Inyi amaijeijig natimi alupas o un, inyi eti lep ti namen upene o un a dorona u Tevit, im lep an nelcau o un, mika yi esiaig um ati aktit an nedo atoh im nedo inveijec, ahes an nopan inig um yetpan irai iji mesese. Etpu ago nitai inigki a Ihova esjilid acen an nemda o un.

Jeremaia 51:13

Ak ilpu atimi iji ig, eka amen ui wai et ahinag aijaua, et alupas naga unyimia, et mun yetpam nahni u namen unyimia, neruvaig u inhas iramia itai nigki.

Taniel 2:44

Ja an nopan u ilpu atimarid iji ehki etpu ati nelcau iyehki a Atua an nohatag, eri eti auahas irai iji mesese: uhpu lep eti atcijaig nelcau iyehki imi nup urai taka pece, etpu ahtagrei um auahas nelcau iji ehki asega, etpu lep amen aktit irai iji mesese.

Numera 24:20

Is almoi nup Amalek aien, um asan tas inig eris ahu iran, um ika. Eris esjilid a nup Amalek irai iji pece; ja uhpu idim auahas ehni ilpu mapora.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Nitai ehvaig 11:15

Is ahlai intoho o un a nagelo seven, is ahes an nohatag nohrai itai esjilid, um ika, Et elcau u Natimarid uja, im lep Kristo o un, niji elcau an nobohtan ineigki; etpu atimarid aien irai iji mesese.

Nitai ehvaig 17:1

IS apam tah is ethi irai ilpu agelo is seven iji ehki eris apos ipjinitai is seven ara, um tas ehelek, um ika, Apam aiek igcaki; ekpu ehvaig ehelum ainyak neruva nedo o intakata ago ingaijid esjilid iyehki, et ateuc irai wai et ahinag aien:

Nitai ehvaig 17:15

Is ika ehelek aien, Inwai iji ehki as ecetai aiek an nuarin ineig et amen iran a intakata ago ingaijid iyehki, et idivaig nup urai iji pece, im natimi et ahinag, im nup urai iji elcau, im nup auoh taka tas.

Nitai ehvaig 19:16

Eris aged nidan an napelumai o un, im lep an neduon, kot ika, NATIMARID IRAI ILPU ATIMARID, IM NATIMI ALUPAS IRAI ILPU ATIMI ALUPAS.