Numera 24:19 - Intas Etipup

¹⁹ Etpu ahes ehele Jekob tah um atimarid, etpu lep auahas ra sji igki aien era amen irai maliyum ura ara.

Numera 24:19 Iomraidhean Croise

Jenesis 49:10

Inyi eti ti natimi alupas irai ilpu mapoi Juta, im lep natimi tas alep irai ilpu eteuc iran, um imihum pan an nopan iyehki etpu ham a Sailo; erupu atahaijeg intas o un a nup urai iji pece.

Aiseya 11:10

An nopan iyehki etpu itai ahlaig vai nup urai iji pece a Neucvai Jese eris imiatidai; erupu ahilek yin a nup urai iji pece: etpu esjilid muarin amen o un.

Maika 5:2

Ak nup u Bedlehem Efrata, eka idim eti elpat aijaua irai up u Juta et ahinag acen, ja etpu ahes ehelemia um ehcohos pam vai nyak aien etpu atimarid irai up Isreel aien; is eteuc aien itu acen irai iji mesese asega.

Maika 5:4

Etpu aiji aien um aminjinai ra an nemda u Ihova, im lep an natimi alupas u nidai Ihova Atua o un; erupu amen aktit ara: etpu idim atupun an nopan inig aien, um esjilid ira atimi, um yetpan irai tid an nobohtan.

Numera 24:18

Etpu ohuun inpece Itom aien, etpu lep ohuun inpece Sier aien, inpece u ilpu atimi tak atimi iran: erupu ago nedo emda a nup Isreel.

Numera 24:20

Is almoi nup Amalek aien, um asan tas inig eris ahu iran, um ika. Eris esjilid a nup Amalek irai iji pece; ja uhpu idim auahas ehni ilpu mapora.

Madius 25:46

Erupu apan ara sji eigki an nuarin ohocred, um amen irai iji mesese: ja erupu apan a ilpu atimi upene an nuarin umumoh, um amen iran irai iji mesese.

Madius 28:18

¶ Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Lukas 19:12

Is ika aien, Is apan an pece itac acen natimi alupas is ethi mika eri ati yin yi atimarid an pece o un, ja par lep adumoij.

Lukas 19:27

Im lep ineig, akumu imyiapam igcaki ilpu atimi tak atimi irak iji eigki aijaua, eris esjum ara, um ika, ki jim atimarid an pece ura ainyak, um atgei ra an nuhup unyak.

1 Nupu Korindus 15:25

Eris idim ika etpu atimarid aien, um imyihum pan an naopan iyehki, etpu ikni ilpu atimi edemda asega aien ithan neduon.

Ilpu Hibru 1:8

Ja is ika aien ehele Inhal o un, “Ak Atua, et amen natimi alupas unyum irai iji mesese, um lep atoh nedo asega unyum an nelcau unyum:

1 Pitrus 3:22

is apan aien an nohatag, um amen an matai Atua; era lep upoupo iran a ilpu agelo, im ilpu atimi esjilid, im ilpu atimi emda.

Nitai ehvaig 19:16

Eris aged nidan an napelumai o un, im lep an neduon, kot ika, NATIMARID IRAI ILPU ATIMARID, IM NATIMI ALUPAS IRAI ILPU ATIMI ALUPAS.