Numera 23:3 - Intas Etipup

³ Is ika a Belam ehele Belak, Aiji aiek ubutpotet pan u nitai ahlap atnamud unyum, ja ekpu apan ainyak: kit etpu apam a Ihova um aubilid nyak: ekpu asuptecnaig ehelum ainyak nitai inig etpu ehvaig ehelek aien. Is echim apan aien an nuarin ijinies.

Numera 23:3 Iomraidhean Croise

Jenesis 22:13

Is easpan a Ebraham, um ecetai siip atamaig is ethi is ecen nipat o un irai ahtaicai: is apan a Ebraham, um leh siip atamaig iyehki, um ahlap iran nitai ahlap atnamud inpare vai inhal o un.

Jenesis 22:2

Is ika a Atua, Leh inhal unyum aiek, inhal unyum et ethi ache Aisak, et aiyu inliinmopom aiek vai yin, um apan an pece Moraia; um ahlap iran eahki nitai ahlap atnamud, an lolan nedoon et ethi, ekpu asuptecnaig ehelum ainyak.

Jenesis 8:20

IS actaig natau imi Ihova a Noa; um lucsei nahaiji itai eklim edo irai pece upene asega, im nahaiji man upene asega, um ahlap irai iji itai ahlap er atnamud an natau.

Eksotus 18:12

Is ahlap vai Atua a Jedro, etmai ehgai Moses, an nitai ahlap er atnamud, im niji itai ahlap: eris apan a Eron im ilpu atimi alupas asega u nup Isreel, um hag ehele etmai ehgai Moses an nuhup u Atua.

Levitikus 1:1

IS ahlaig vai Moses a Ihova, um tas ehelen an neom er asjapicnaig o un, um ika,

Numera 23:12

Is tas aien, um ika, Eris idim ika ekpu asan tas inigki ache ainyak etpu ahu an nipjineucsek a Ihova.

Numera 23:15

Is ika ehele Belak aien, Aiji aiek igcaki ubutpotet pan u nitai ahlap atnamud unyum, ja ekpu aubilid Ihova ainyak eahki.

Numera 23:2

Is ago a Belak is idivaig is asaig a Belam; erus lep ahlap a Belak im Belam irai kurimatau is ethi im siip atamaig is ethi irai iji atau asega, athi um athi ehni.

Numera 23:26

Ja is asuptecnaig a Belam, um ika ehele Belak, Kis asaig ehelum ainyak, um ika, Ekpu ago nitai iji igki asega ainyak, etpu asaig a Atua.

Numera 23:4

Is aubilid Belam a Atua: is ika ehelen aien, Ek mun ago natau et seven ainyak, um ahlap irai kurimatau et ethi im siip et ethi irai iji atau asega.

Numera 24:1

Is wat almoi a Belam mika is upene irai Ihova par acis yi alwai nup Isreel, is eti apan aien, is idivaig itu, par ago nedo araces, ja is ahidaig pan yin u namasacen aien.

Madius 4:8

Is lep imyiaridjai yin a Tiapolo an nedoon ijinies acen is ethi, um ehvaig ehelen niji elcau asega an nobohtan im niji itai upene iran;

Josua 24:10

ja kis eti atahaijeg intas o Belam ainyak; va nitai inigki is asan tas acis yi alwai caua aien: kis imiatamaig caua vai nikman ainyak.