Numera 23:22 - Intas Etipup

²² Is iknipagki ra an pece Ijipt a Atua; et idivaig nemda u kurimatau aleg nemda ura.

Numera 23:22 Iomraidhean Croise

Saam 22:21

Namu imiatamaig nyak aiek va nipjineucse laion: as lep imicoho nyak aiek va nipat u kurimatau aleg.

Saam 68:35

Ak Atua, er imtitai euc irai iji uarin itap unyum: et alupai ilpu atimi o un nemda im natimi alupas a Atua u nup Isreel. Naaurinig vai Atua.

Saam 92:10

Ja na mun imiaridjai natimi alupas unyak aiek, et idivaig nipat u kurimatau aleg: eh mun aspi nyak an narakei mat.

Eksotus 12:41

Is wat ti pan itac inmesese is for huntret im dirte (430), an nadiat iyehki, eris udei inpece Ijipt a ilpu atimi u Ihova asega.

Eksotus 12:51

Is idim iknipagki nup Isreel an pece Ijipt a Ihova an nadiat iyehki, is idivaig niji ira atimi ura.

Eksotus 14:18

Erupu ato a nup Ijipt mika ek Ihova ainyak, uhu wit ecetai natimi alupas unyak irai Fero, im niji jariot o un, im ilpu atimi ateuc irai hors o un.

Eksotus 20:2

Ek Ihova ainyak Atua unyimia, kis iknipagki caua ainyak an pece Ijipt, an nuarin inig akis auaraheca iran aijaua.

Eksotus 9:16

Kis idim imiatidai euc ainyak va nitai inigki, mika ki ehvaig nemda unyak ainyak iram; va uhpu asuptecnaig nidak an nobohtan asega.

Aiseya 34:7

Erupu eropropse ehele kurimatau aleg, im lep kurimatau tupko im kurimatau atamaig; etpu ahec inpece ma an ja ira ra, etpu lep aiyu inmah an nobohtan ura an nagako ira ra.

Numera 22:5

Is abra atimi aien par apan Pidor ehele Belam inhal u Bior, ubutpotet pan nofowai an pece u nup Amon, um imiacaij yin, um ika, Eris ahes an pece Ijipt a nup uran tah an pece: era lep ataluopni pam nobohtan ara, um amen ubutpotet ehelek:

Numera 24:8

Is iknipagki ra an pece Ijipt a Atua; et idivaig nemda u kurimatau aleg nemda ura: erupu auahas nup urai pece iji ig ara era tak atimi ira ra, um atgei ra, um ahcai ra irai idji efana ura.

Tyuteronome 33:17

Et idivaig kurimatau atamaig esjilid natimi alupas ura, et lep idivaig nemda u kurimatau nemda ura: erupu imiahau atimi iran aien, um yetpan an tid an nobohtan: era eceten dausant (10,000) u ilpu mapoi Ifreem ara sji igki, im lep ecewun dausant (1,000) u ilpu mapoi Manasi.

Josua 2:10

Ecris atahaijeg aijama mika is ika a Ihova yi ame Injap cap vai caua, an nopan iyehki akis ahes an pece Ijipt aijaua; im lep nedo unyimia vai Saihon im Oc, ohwat atimarid u nup Emor, an nahaijin Jortan igcapan, akis auahas ehni rau aijaua.