Numera 23:21 - Intas Etipup

²¹ Et eti eteuc tah natmas ehele ilpu mapoi Jekob, er eti ecetai tah natmasimai ehele nup Isreel: et amen ehele ra a Ihova Atua ura, era imiacitak yin ara et idivaig natimarid ura.

Numera 23:21 Iomraidhean Croise

2 Niji Tas Eled 13:12

Et lep amen a Atua ehelema par atau irama, im ilpu atimi ahlap o un par ahlai toho, mika aki eucjeucjeucaij vaig aijaua. Ak nup Isreel, jim ago nedoa vai Ihova Atua u ilpu retpomia; akupu eti esjilid irama asjaua.

Saam 103:12

Et idim itac acen inridjai o un va nete o un; et idim uco, et mun ikni itac acen vai caija nedo imipalea uja aien.

Saam 118:15

Era acesaces nohranitai, um imiacitak irai imnim ura a ilpu atimi upene, va nimiatamaig ra: et auritai emda inmatai Ihova.

Saam 135:21

Erumu imiahpas Ihova a nup u Saion, et amen Jerusalem aien. Akumu imiahpas Ihova aijaua.

Saam 23:4

Im lep inig, eku wit atga ainyak an niskanse apat acen, inki eti imtitaig tah nitai has ainyak; na idim amen ehelek aiek; etpu ago emda nyak inmopul unyum im niseuc unyum.

Saam 32:2

Et mun ahesmoij a natimi inig et eti atijai iran nedo acalacal o un a Ihova, um ti nefaifa u inliinmopon.

Saam 32:5

Kis ika ainyak, Ekpu asuptecnaig nedo has unyak ainyak ehelum, kis lep eti ateri nedo acalacal unyak ainyak. Kis ika ainyak, Ekpu asuptecnaig nedo imipalea unyak ehele Ihova ainyak; as eti lep imiehva neruvaig nauatatimi unyak aiek. Sila.

Saam 46:11

Et amen eheleija a Ihova esjilid acen; et uarin adenaig uja a Atua u Jekob. Sila.

Saam 46:7

Et amen eheleija a Ihova esjilid acen; et uarin adenaig uja a Atua u Jekob. Sila.

Saam 97:1

ET atimarid a Ihova; etmu imiacitak a nup uran nobohtan; etmu lep cediaig a nup urai iji hakli pece et ahinag an jap.

Saam 99:2

Et esjilid a Ihova an lolan nedoon Saion; et lep esjilid aien irai nup urai iji pece asega.

Eksotus 13:21

Is atga a Ihova, um uhup ira ra an napat an nadiat, par asjaaicnaig an nefalaig imi ra; im lep an cap an nepig, par lah vai ra; mika eri atga an nadiat im lep an nepig:

Eksotus 3:12

Is ika aien, Ekpu idim amen ehelum ainyak; nitai asjaaicnaig imi euc nigki mika, ek mun abraig pan euc ainyak: Nau wit iknipagki ilpu atimi unyak an pece Ijipt aiek, akupu ahlap vai Atua aijaua an nedoon inigki.

Eksotus 34:9

Is ika aien, Ak Ihova, el et aiheuc vai nyak aiek, ek ugyi euc ainyak mika an ahced cama aiek, ak Natimarid unyak; et ipjin inliinmopoi atimi iji igki; namu jim aru nauatatimi unyima aiek, im nedo has unyima, jam lucsei cama mika an ohuun cama aiek.

Aiseya 1:18

Et ika a Ihova, Akumu apam aijaua, mika ti tas jipe akaija: el etidivaig napelumai cap nedo has unyimia, etpu ahi um idivaig sno; el et idivaig napelumai cap eijilid, etpu ahi um idivaig numri siip.

Aiseya 12:6

Akumu ahlaig ijinies aijaua um acesaces nohranitai, ak nup u Saion: vaig inig nikavaig, et esjilid a Atua Itap u nup Isreel et amen ehelemia aien.

Aiseya 33:21

Etpu emda eahki vai caija a Ihova, etpu idivaig niji ofowai alupas aien, um lep idivaig niji wai yah; inyi eti atga iran tah nelcau irai ehev, inyi eti yetpan iran tah nelcau alupas.

Aiseya 33:22

Vaig inig nikavaig, et atimi almaijidjid uja a Ihova, et atimi tas alep uja a Ihova, et atimarid uja a Ihova; etpu imiatamaig caija aien.

Aiseya 38:17

Et idim uco, et asjapigmoig nohocred esjilid unyak nigpa: na mun aiheuc vai nyak aiek um imiatamaig nyak vai nehpanitai an mas: na mun idim erekhaigse nedo has asega unyak aiek an cehum.

Aiseya 41:10

Akumu jim imtitaig aijaua, ek idim amen ehelemia ainyak: akumu jim etehto aijaua, ek idim Atua unyimia ainyak: kis ahidaig emda caua ainyak; maiya, kis atau imi caua ainyak; maiya, kis asjiraig caua ainyak an matak inveijec.

Aiseya 8:10

Akumu asaig jipe intas anacanac aijaua, etpu takitai; akumu tas alep aijaua, jai inyi eti amen aktit: et idim amen ehelema a Atua.

Jeremaia 50:20

Et ika a Ihova, Uhpu ahilek nedo acalacal u nup Isreel irai adiat iji ehki, ja inyi idim ti; im lep nedo has u nup u Juta, ja eri idim eti ecetai: ekpu idim ohpodohpod nedo has u ilpu ahri atimi unyak ainyak.

Esikiel 48:35

Etmu idivaig nauanieg et eetiin dausant nathatahau iran marehed mihtag: etmu idan maliyum ahes an nopan iyehki um yetpan irai iji mesese nigki, nikavaig, IHOVA SAMA, nesgantas iran nigki, Etpu amen eahki a Natimarid.

Joel 2:27

Akupu lep ato aijaua mika ek amen ehele nup Isreel ainyak, im lep mika ek Atua unyimia ainyak Ihova, um eti lep eteuc tah: eri eti ehcamai a ilpu atimi unyak irai iji mesese.

Levitikus 9:24

Is ahes incap an nuhup u Ihova, um atnamud nitai ahlap atnamud an natau im lep nagako: eris wat almoi natimi asega, eris ahlaig ijinies ara, um atpuse.

Numera 14:18

Et ago nedo eti auatiemda a Ihova, et esjilid naiheuc o un va atimi, et eti imiehva nauatatimi im nedo imipalea ura aien irai iji mesese, ja etpu idim aru nedo has ura aien, um atijai nedo has u ilpu atmil ura irai ilpu hal ura um yetpan irai ilpu mapora ache.

Numera 14:19

Ek ugyi euc ainyak mika an jim aru nedo has u atimi iji igki aiek, et idivaig naiheuc esjilid unyum, et idivaig as eti aru aiek ira atimi iji igki an pece Ijipt um imihum pam an nopan inig.

Numera 16:3

eris asjapicnaig ara vai Moses im Eron, um ika ehele rau, Et idim ijinies inliinmopomirau aijaurau, era upene natimi asega; et lep amen a Ihova ehele ra: erau a uri aijaurau par ika erau esjilid aijaurau ira atimi u Ihova?

Numera 9:22

El is amen aktit napat ijinies an neom itap ira adiat is ero, ka inmohoc is ethi, ka inmesese is ethi, eris amen a nup Isreel iraili eom atga ura ara, um eti atga: ja eris wat atipagki napat eris atga ara.

Madius 1:23

“Etpu opouc intakata eti ato natamaig inyi ethi, um apos inhalav atamaig, erupu anvi nidan ara par ika Emanuel,” nesgan tas ineigki, Atua eheleija.

Nupu Roma 6:14

Inyi idim eti esjilid iramia nedo has; va nitai ineig, nikavaig, eka eti amen itlian tas alep aijaua, ja eka amen ithan naiheuc o Atua aijaua.

Nupu Roma 8:1

VA nitai iji eigki eri ti ika uhpu aru nedo has ura, era amen ehele Iesu Kristo ara, era eti ago nedo ineig ara et ahes anliinmopura itu, ja nedo ineig et ahes an Nesgan Upene.

2 Nupu Korindus 2:14

Jai naaurineig vai Atua ineig et ika aien ek esjilid ainyak vai Kristo irai iji adiat, um ehvaig nitai auanipin upene an nato yin irai iji uarin asega vai nyak:

2 Nupu Korindus 5:19

nikavaig, is asan neigpa an nobohtan a Atua irai Kristo, um ika inyi ti aru nedo has o atimi; um ikni cama mika ecri asuptecnaig intas ineig aijama yi upene inliinmopon aien va atimi vaig.

2 Nupu Korindus 6:16

Er lep eti ikni ilpu atmas an neom ahlap o Atua; eka eom ahlap o Atua umoh aijaua, et idivaig is asaig a Atua, um ika, “Ekpu amen ehele ra ainyak, um ahced jipe ra; ekpu Atua ura ainyak, erupu ilpu atimi unyak ara.”

Tyuteronome 31:23

Is tas ehele Josua inhal u Nun aien, um ika, Namu emda aiek, um jim auatialidi: napu idim imiapan nup Isreel aiek an pece iyehki kis asaig ehele ra ainyak: ekpu ahced euc ainyak.

Tyuteronome 32:5

Era mun auahas ra a ilpu hal o un va nedo has ura: et ipjin um acalacal nedo ura.

Tyuteronome 33:5

Is atimarid Jesurun aien, eris wat asjapicnaig a ilpu atimi alupas u atimi im niji elcau u nup Isreel.

Tyuteronome 9:24

Akis atimi imipalea Ihova aijaua an nopan iyehki kis upyi ato caua ainyak um imihum pam an nopan inig.

Ilpu Atimi Tas Alep 6:13

Is ika ehelen a Citeon, Awe, ak natimi alupas unyak, el et amen ehelema a Ihova, et echamecha irai ohocred asega inigki et mun yetpam irama? niji auritai ehka o un eda eris asuptecnaig ehelema a ilpu retpoma, um ika, Is iknipagki caija an pece Ijipt a Ihova? ja et mun udei cama an nopan inig a Ihova, um atcijaig cama irai ikmai nup u Mitian.

1 Samuel 25:28

Ek ugyi euc ainyak mika an jim aru nedo has u naheca atahig unyum inigki aiek: nikavaig, etpu idim ago aktit natimi alupas unyak inigki a Ihova, im lep ilpu hal o un im ilpu mapon; vaig inig nikavaig, et ago nedoa u Ihova a natimi alupas unyak inigki; eris eti lep ecetai tah nedo has iram irai iji adiat asega unyum.