Numera 23:19 - Intas Etipup

¹⁹ et eti atimi a Atua par asan tas ahcil; et lep eti inhal u natimi aien par lep adumoij an liinmopon: et wat asaig tah nitai aien, etpu ago aien; et wat tas aien, etpu ehneijid intas o un aien:

Numera 23:19 Iomraidhean Croise

Jenesis 26:3

amen an pece inigki aiek, ekpu lep amen ehelum ainyak, um acis yi alwai euc; ekpu alupai euc ira ilpu mapom inpece iji igki asega ainyak; ekpu lep ehneijid intas aktit unyak ainyak ehele Ebraham etmam;

Jenesis 28:15

Ek idim amen ehelum ainyak par aminjinai euc irai iji uarin asega an apan iran aiek, ekpu lep imiapam euc an pece inigki ainyak; inki idim eti udei euc ainyak, um imihum pan an nopan iyehki ekpu ehneijid ainyak intas inig ek mun asaig ehelum ainyak.

1 Ilpu Atimarid 14:11

Erupu caig yin kuri irai ilpu eteuc u Jeroboam et mas aien an maliyum; erupu lep caig yin inman an nohatag et mas aien an lelitai: is idim asaig a Ihova.

2 Ilpu Atimarid 15:12

Intas o Ihova ehele Jihu nigki, nikavaig, Etpu ateuc irai dorona an pece Isreel a inhal unyum im ilpu mapom, um yetpan irai natimi inyi for. Is um uco.

2 Ilpu Atimarid 7:2

Ja is tas ehele natimi u Atua a natimi alupas is ethi, is asgeig pan an nikman a natimarid, um ika, El et asalgei nohatag a Ihova, el et eteuc nitai inigki. Is ika aien, Napu idim almoi aiek an nesganimtam, jam eti caig.

1 Iji Tas Eled 17:17

Is itai haklin nitai inig, ak Atua, an nuhup unyum; as lep tas vai ilpu hal im ilpu mapoi naheca unyum um yetpan an taka opan itu acen, ak Ihova Atua unyak, is lep idivaig naktaktai vaig tah natimi esjilid naktaktai unyum vai nyak.

Saam 110:4

Et mun asig yi aktit intas o un a Ihova, inyi eti lep adumoij an liinmopon aien, um ika, Napu atimi ahlap aiek irai iji mesese, et idivaig nativaig u Melkisetek.

Saam 132:11

Is asig intas yi aktit, um inveijec o un a Ihova ehele Tevit; inyi eti adumoij oun aien; um ika. Ekpu ika ainyak yi isjeupigmoig euc a inhal unyum, im lep ilpu mapom, um atimarid.

Saam 77:9

Et mun eti imiehva a Atua par aiheuc vai nyak; et mun atapnes naiheuc o un aien vai intavaitap o un, ka oʼo? Sila.

Saam 89:34

Inki eti auahas intas etipup unyak ainyak, inyi eti lep eche intas is ahes an nipjineucsek.

Saam 89:35

Kis ecethi asan tas aktit ainyak an nedo upene unyak, mika inki eti asan tas ahcil ehele Tevit ainyak.

Aiseya 21:17

etpu eti elpat nahri ilpu atimi atcijaig efana, ilpu atimi emda u nup u Kitar marom: et mun idim asaig a Ihova Atua u nup Isreel.

Aiseya 31:2

Ja et lep arapakau aien, et imiapam niji itai has aien, et eti atipagki intas o un aien: et atidai aien par aru nedo o ilpu atimi auatatimi, im lep par atapnes natau vaig u ilpu atimi ago nedo has.

Aiseya 40:8

Et imlai nefelelicai, et eijis intisiaicai: ja etpu amen irai iji mesese intas o Atua uja.

Aiseya 46:11

ek mun ahlaig vai inman aleg ainyak mika yi ahes an ridjai o un um apam, natimi inig marom et ehneijid intas anacanac unyak aien mika yi ahes an pece itac acen: maiya, ek mun asaig intas inigki ainyak, ekpu ika ainyak yi eteuc; ek mun anacanac an nitai inigki ainyak, ekpu lep ago ainyak.

Aiseya 55:11

etpu idim uco intas unvak inig et mun ahes an nipineucsek: etpu eti lep tup adumoij pam ehelek, ja etpu ago asega nitai merit unyak, um ago ehni nitai inig kis abraig pan vaig ainyak.

Jeremaia 4:28

Va nitai inigki etpu taig nobohtan, etpu lep apig nohotag ijinies: vaig inig nikavaig, ek mun asaig intas ainyak, ek mun tas anacanac ainyak, ekpu eti adumoij an liinmopok ainyak vaig, ekpu eti lep atidjik iran ainyak.

Taniel 4:28

Is yetpam nitai iji igki asega irai Nebukatnesar natimarid.

Hosia 11:9

Inki eti imiapam nedemda alupas unyak ainyak vai ra, inki eti lep auahas nup Ifreem ainyak: ek idim Atua ainyak, ek eti atimi ainyak; ek idim Atua upene ainyak juju an niblamia: inki eti apam ehelemia ainyak an nedemda unyak.

Maika 7:20

Napu ehneijid aiek ehele ilpu mapoi Jekob intas inveijec eris asaig, im lep ehele ilpu mapoi Ebraham naiheuc unyum, as asig yi aktit intas vaig aiek ehele ilpu retpoma, ahes itu acen um imihum pam an nopan inig.

Habakuk 2:3

Eris idim ati intas ehvaig va nopan o un eris asaig, ja etpu tas pam et wat yetpam nopan nago ehni, um eti ahcil: el et eti fi auroauro napu lep aitgaig vaig aiek; etpu idim yetpam, um eti itu.

Malakai 3:6

Ek idim Ihova ainyak, ek eti lep eche ainyak; va nitai inigki er eti auahas caua, ak ilpu mapoi Jekob.

Numera 14:35

Ek mun asaig ainyak Ihova, ekpu lep ago ainyak irai ilpu atimi has iji igki asega, eris asjapicnaig vai nyak ara: erupu atiih ara an namasacen inigki, erupu lep emesmas iran ara.

Numera 23:18

Is asan tas inig eris ahu iran aien, um ika, Ak Belak, atidai aiek um ahgei; ak inhal u Sipor, namu atahaijeg intas unyak aiek:

Lukas 21:33

Etpu yetpan an tid iran nohatag im nobohtan; ja inyi ti yetpan an tid iran intas unyak.

Nupu Roma 11:29

et idim eti ero naktaktai o Atua va niji itai tup ahtai o un im nahlaig va atimi o un.

Nupu Roma 9:6

Ja et eti takitai intas o Atua. Era idim eti upu Isreel ara sji eigki asega, eris ahes ehele Isreel ara:

2 Timodeus 2:13

ele ta imyiisjis nahcil akaija, et idim inivaijec aien: et ehka vai yin nateri yin vaig.

Taitus 1:2

um aitgaig nitai umoh iran ineig inyi ti lep ti, is upyi asaig a Atua ineig et eti ahcil aien, an naopan iyehki is pam eti eteuc nobohtan;

Ilpu Hibru 6:18

mika ti imyiacitak acen akaija va nitai aktit eraig et ero, et ehka vai Atua nasaig tas ahcil vaig iran, intis aha pan akaija, mika ti asjiraig nitai ineig inta aitgaig akaija er ehvaig eheleija.

Ilpu Hibru 7:21

eris ikni ilpu atimi ahlap iji ehki, jam eti asig yi aktit intas vai ra; ja is asig yi aktit intas va natimi ineigki aien is ika ehelen aien, “Is asig yi aktit intas a Ihova, ja etpu ti lep eche inliinmopon aien,” um ika, “Napu atimi ahlap aiek irai iji mesese, um idivaig nati Melkisetek:”

Jakobus 1:17

et ahes jipagko um asuol niji itai tup ahtai upene asega, im niji itai tup ahtai esjilid, ehele Etmai niji itai lah an nohatag; aien aigki et eti aurobotpotedo aien, um ti naiyu iran va nahidai yin vaig.

Jakobus 4:5

Akumu jim ika aijaua, et takitai intas eris aged; Et idim oporei a Nesgan Upene ineig et amen eheleija aien.

Josua 21:45

Is eti etjo tah nitai upene inig is asaig a Ihova ehele nup Isreel; is yetpam nitai iji ehki asega.

1 Samuel 15:29

Im lep inig, inyi eti ahcil a Nemda u nup Isreel, um eti adumoij an liinmopon: et eti atimi aien, mika yi adumoij an liinmopon aien.

1 Samuel 3:12

An nopan iyehki inki ehneijid vai Ilai ainyak intas asega, kis asaig ainyak vai ilpu hal o un im ilpu mapon: inki atupun ainyak um ago ehni.