Numera 22:9 - Intas Etipup

⁹ Is ehcohos pan ehele Belam a Atua, um ika, Natimi a di ji igki ehelum?

Numera 22:9 Iomraidhean Croise

Jenesis 16:8

Is ika aien, Ak Hecar naheca atahig u Sere, na mun ahes eda aiek? nalaig eda nigki unyum? Is ika aien, Ek mun aha vai Sere ainyak intakata atimi alupas unyak.

Jenesis 20:3

Ja is ehcohos pan ehele Abimelek a Atua an numjeg ahnag o un an nepig, um ika ehelen, Nai idivaig natimi mas aiek, vai intakata inigki na mun leh yin aiek; et ehgan tah aien.

Jenesis 31:24

Is ehcohos pan ehele Leban nup u Syria a Atua an numjeg ahlaig o un an nepig, um ika ehelen, Namu aktaktai aiek, um jim asaig tah intas acaiji ehele Jekob.

Jenesis 4:9

Is ika a Ihova ehele Keen, Ebel etwam yek eda? Is ika aien, Ek eti ato ainyak: Ek eti atimi aminjinaig etwak ainyak.

Jenesis 41:25

Is tas ehele Fero a Josef, um ika, Ak Fero, et apapa numjeg ahnag unyum ehro: et mun ehvaig ehelum nitai inig a Atua etpu ago aien.

Eksotus 4:2

Is ika ehelen a Ihova, Inhe naico an nikmam? Is ika aien, Niseuc.

Taniel 2:45

As idim ecetai inhat iyehki aiek, eris ahtalgei an nedoon jam eti irai ikma atimi, nahtagrei vaig aiurn im bras, im intan apol, im silver, im colt; et um uco, is ehvaig ehelum, ak natimarid, nitai iji igki etpu yetpam an taka opan a Atua esjilid: et inveijec numjeg ahnag unyum, et lep inveijec nesgantas iran.

Numera 22:10

Is ika a Belam ehele Atua, Is abra atimi a Belak inhal u Sipor, natimarid u nup u Moab, par apam ehelek, um ika,

Numera 22:20

Is ehcohos pan ehele Belam a Atua an nepig, um ika ehelen. El era apam ehelum natimi um imiacaij euc, atidai aiek, um ahced ra; ja napu imiaiji intas inig aiek ekpu asaig ehelum ainyak.

Numera 22:8

Is ika ehele ra aien, Amen igcaki aijaua an nepig inigki, ekpu lep asaig ehelemia ainyak intas etpu asaig ehelek a Ihova: eris amen ehele Belam a ilpu atimi alupas u nup u Moab.

Madius 24:24

Erupu ehcohos pam a ilpu Kristo efaifa im ilpu profeta efaifa, erupu ehvaig niji itai elika ara, im niji itai imyiali; erupu ika ara eri imyiahnag ilpu atimi ehtai ra; ja inyi elika.

Madius 7:22

Erupu ika ehelek natimi inyi ahinag an nadiat iyehki, Ak Natimarid, ak Natimarid, ecris tas aijama an nidam, um ahlo ilpu agelo has va nidam, um ago niji auritai esjilid is ahinag va nidam.

Joanes 11:51

Is eti tup ispun asan tas ineigki aien: ja is atimi esjilid an nahlap aien an mesese iyehki, va nitai ineigki, is upyi asaig aien, um ika, etpu mas a Iesu va atimi an pece iyehki;