Numera 22:8 - Intas Etipup

⁸ Is ika ehele ra aien, Amen igcaki aijaua an nepig inigki, ekpu lep asaig ehelemia ainyak intas etpu asaig ehelek a Ihova: eris amen ehele Belam a ilpu atimi alupas u nup u Moab.

Numera 22:8 Iomraidhean Croise

1 Ilpu Atimarid 13:8

Is ika a natimi u Atua ehele natimarid, El et atiakoai niji itai an neom unyum aiek, um alupai nyak nahaijin tup apapa pan iran unyum, inki eti ahced euc ainyak, inki eti lep caig nitai caig ainyak, ka umnyi inwai an nuarin inigki:

1 Ilpu Atimarid 22:14

Is ika a Maikeya, Et umoh a Ihova, et idim uco, ekpu asaig intas inigki ainyak, etpu asaig ehelek a Ihova.

Jeremaia 12:2

As mun ahwai ra aiek, era mun umumoh ara va neucvara: era ededel ara um oho: na ubutpotet aiek u nipjineucsera, ja na itac acen aiek u inliinmopora.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Numera 12:6

Is ika aien, Arumu atahaijeg intas unyak aijaurau: El et amen ehelemia tah naprofeta, ekpu ehcohos pan ehelen ainyak Ihova an nahuumtidec, um tas ehelen an numjeg ahnag o un.

Numera 22:18

Is tas a Belam ehele ilpu aheca u Belak, um ika. El et alupai nyak neom o un a Belek um ohua silver im colt iran, el et ehka vai nyak par imipalea intas o Ihova Atua unyak, an tah nitai alupas ka an tah nitai haklin.

Numera 22:38

Is ika a Belam ehele Belak, Ek mun idim ham ainyak ehelum: ja ek eti emda ainyak nasaig vaig tah nitai: ekpu asaig intas inig ache ainyak etpu ati an nipjineucsek a Atua.

Numera 22:7

Eris apan a ilpu atimi alupas u nup u Moab im ilpu atimi alupas u nup u Mitian, um apos nimtan naraces irai ikmara; eris apan ehele Belam ara, um asaig ehelen intas o Belak.

Numera 22:9

Is ehcohos pan ehele Belam a Atua, um ika, Natimi a di ji igki ehelum?

Numera 23:12

Is tas aien, um ika, Eris idim ika ekpu asan tas inigki ache ainyak etpu ahu an nipjineucsek a Ihova.

Numera 23:3

Is ika a Belam ehele Belak, Aiji aiek ubutpotet pan u nitai ahlap atnamud unyum, ja ekpu apan ainyak: kit etpu apam a Ihova um aubilid nyak: ekpu asuptecnaig ehelum ainyak nitai inig etpu ehvaig ehelek aien. Is echim apan aien an nuarin ijinies.

Numera 24:13

El et alupai nyak neom o un a Belak um ohua silver im colt iran, el et ehka vai nyak par imipalea intas o Ihova, um ispuk ago tah nitai upene ka tah nitai has; ja ekpu asaig intas inigki ainyak et asaig a Ihova.