Numera 22:6 - Intas Etipup

⁶ ek ugyi euc ainyak, mika an apam aiek, um ahlaijai atimi iji igki; era esjilid irak ara: kit ekpu esjilid ira ra ainyak, um auud ra, um ahlo ra an pece: ek ato ainyak mika era ahesmoij natimi iji ig na acis yi alwai ra aiek, et lep erekinman ira ra ara na ahlaijai ra aiek.

Numera 22:6 Iomraidhean Croise

Jenesis 12:3

ekpu acis yi alwai ra sji igki ainyak era acis yi alwai euc ara, um ahlaijai ra sji igki era ahlaijai euc ara: erupu ahesmoij vai euc a nup uran nobohtan asega.

Jenesis 27:29

erumu aheca unyum natimi, erumu lep atpuse an nuhup unyum a nup urai iji pece: namu atimarid irai ilpu etwam aiek, erumu atpuse an nuhup unyum a ilpu hal u risum: uhmu ahlaijai ra asega erupu ahlaijai euc ara, ja uhmu acis yi alwai ra erupu acis yi alwai euc ara.

1 Ilpu Atimarid 22:13

Is tas ehele Maikeya a natimi iyehki eris abraig pan yin ehelen, um ika, Era idim asan tas upene ehele natimarid a ilpu profeta, et ethi ache intas ura: etmu lep idivaig intas o un tah ira ra intas unyum, um asan tas upene.

1 Ilpu Atimarid 22:6

Is asjapicnaig ilpu profeta a natimarid u nup Isreel, natimi is for huntret, um ika ehele ra, Ekpu apan Remod-cileat ainyak um ati nedoa, ka ekpu tup amen ainyak? Eris ika ara, Apan aiek; etpu atcijaig imi natimarid a Ihova.

1 Ilpu Atimarid 22:8

Is ika a natimarid u nup Isreel ehele Jehosafat, Et eteuc natimi et ethi, Maikeya inhal u Imla, intupu ahilek ehele Ihova akaija iran: ja ek amcel vai yin ainyak; et eti asaig nitai upene vai nyak aien, ja nitai has. Is ika a Jehosafat, Etmu jim asan tas inigki a natimarid.

Nihemaia 13:2

va nedo ura, nikavaig, eris eti aubilid nup Isreel ara, um alupai ra nitai caig im inwai, ja eris alupai Belam nimtan mika yi asan tas ahlaijai ra: ja is ahidaig intas ahlaijai ra a Atua uja mika yi tas acis yi alwai ra.

Saam 109:28

Erupu asan tas ahlaijaig vai nyak ara, ja napu asan tas acis yi alwai nyak aiek: era mun atidai ara, ja erupu ehcamai ara; etpu lep imiacitak a naheca unyum.

Niji tas Arapakau 26:2

Et ae sjipe inheleuc, et lep tup ae nohopcap; et idim uco, inyi eti tup yetpam ehelen tah intup tas ahlaijaig.

Esikiel 13:6

Era mun ecetai intakitai ara, um ago nedo ahcil u ilpu atimi itap, um ika, Et ika a Ihova: ja et mun eti abraig pan ra a Ihova: era mun lep aktaktai ara mika eri ehneijid intas ura.

Maika 6:5

Ak ilpu atimi unyak, akumu imiehva aijaua nitai iyehki is aktaktai vaig a Belak natimarid u nup u Moab, im lep intas iyehki is asaig ehelen a Belam inhal u Bior; maiya, akumu imiehva aijaua nitai iji ehki eris ago vai caua ahes an niskanse Sitim um yetpan an maliyum Cilcal, mika aki ato nedo aiheuc u Ihova vai caua aijaua.

Numera 22:12

Is ika a Atua ehele Belam, Namu jim ahced ra aiek; um jim ahlaijai atimi iji igki: eris acis yi alwai ra.

Numera 22:17

ekpu imiaridjai euc ainyak, um ika eri ecen alupas vai euc, ekpu lep ago niji itai asega ainyak napu asaig ehelek aiek: ek ugyi euc ainyak, mika an ham aiek um ahlaijai atimi iji igki.

Numera 23:13

Is ika ehelen a Belak, Ek ugyi euc ainyak mika an ahced nyak aiek, um apan an taka uarin, um alum ra eahki: napu almoi nahaiji ra ache aiek itac acen, jam eti alum ra asega: um ahlaijai ra vai nyak eahki.

Numera 23:27

Is ika a Belak ehele Belam, ek ugyi euc ainyak mika an apam aiek, ekpu imiapan euc ainyak an taka uarin; kit inyi upene ira Atua mika an ahlaijai ra aiek eahki vai nyak.

Numera 24:9

Era eropropse ara, um asjeucse, et idivaig laion, um lep idivaig laion alupas: etpu ahugni ra a di? Et mun ahesmoij a natimi inig et acis yi alwai caua aien, ja etpu erekinman iran aien et ahlaijai caua aien.

Niji auritai o ilpu Apostolo 16:16

51 Ecris wat apan aijama alaig u nalaigaheni, is ehtet irama natahaig is ethi is ahei yin nagelo asigyopdicrai itai; eris auarakosin vai yin a ilpu atimi alupas o un vai intas asigyopdicrai itai o un:

Tyuteronome 23:4

va nedo ura, nikavaig, eris eti aubilid caua an nefalaig ara um alupai caua nitai caig im inwai, an nopan iyehki akis udei Ijipt aijaua; eris imiacaij Belam inhal u Bior, nupu Pidor an pece Mesopotemia ara, um alupai yin nimtan, mika yi ahlaijai caua aien.

Josua 24:9

Is lep atidai vai caua a Belak inhal u Sipor, natimarid u nup u Moab, um ago nedoa vai nup Isreel, um abra atimi um imiacaij Belam inhal u Bior mika yi asan tas ahlaijaig vai caua aien:

1 Samuel 17:43

Is ika a nup u Filistia ehele Tevit, Ek kuri ainyak, ka oʼo, mika an ham ehelek aiek, um apos iseuc im inhat? Is asan tas ah ai-jeg Tevit a nup u Filistia irai ilpu atmas o un.