Numera 22:5 - Intas Etipup

⁵ Is abra atimi aien par apan Pidor ehele Belam inhal u Bior, ubutpotet pan nofowai an pece u nup Amon, um imiacaij yin, um ika, Eris ahes an pece Ijipt a nup uran tah an pece: era lep ataluopni pam nobohtan ara, um amen ubutpotet ehelek:

Numera 22:5 Iomraidhean Croise

Jenesis 13:16

Ekpu ika ainyak eri ahinag a ilpu mapom, um idivaig inmah an nobohtan: el et emda tah natimi par esvi inmah an nobohtan, etpu emda aien par lep esvi ilpu mapom.

Saam 105:24

Is ika aien eri asvalav alupas a ilpu atimi o un; is lep ika aien eri emda ara um esjilid irai ilpu atimi ehcerucai ra.

Eksotus 10:15

Eris ataluopni narasin nobohtan asega ara, is idim apat inpece; eris hegaig nahtaicai asega an pece ara, im nohwai itai asega ira auicai is eti auahas incopda hat: is eti amen tah nericai im nahtaicai an pece Ijipt asega.

Maika 6:5

Ak ilpu atimi unyak, akumu imiehva aijaua nitai iyehki is aktaktai vaig a Belak natimarid u nup u Moab, im lep intas iyehki is asaig ehelen a Belam inhal u Bior; maiya, akumu imiehva aijaua nitai iji ehki eris ago vai caua ahes an niskanse Sitim um yetpan an maliyum Cilcal, mika aki ato nedo aiheuc u Ihova vai caua aijaua.

Numera 23:7

Is asan tas inig eris ahu iran aien, um ika, Is atipagki nyak Eram irai lola edoon an ridjai o un a Belak, um ika, Apam aiek, um ahlaijaig ilpu mapoi Jekob vai nyak, um apam, um asan tas imtacimtac vai nup Isreel.

Numera 31:8

Eris lep atgei ilpu atimarid Mitian ara pan irai ra sji ehki eris atgei ra; nan, Irai, im Rikem, im Sur, im Hur, im Riba, ilpu atimarid Mitian is faiv: eris lep atgei Belam inhal u Bior ara an nedoa.

Tyuteronome 23:4

va nedo ura, nikavaig, eris eti aubilid caua an nefalaig ara um alupai caua nitai caig im inwai, an nopan iyehki akis udei Ijipt aijaua; eris imiacaij Belam inhal u Bior, nupu Pidor an pece Mesopotemia ara, um alupai yin nimtan, mika yi ahlaijai caua aien.

Tyuteronome 23:5

Ja is eti atahaijeg intas o Belam a Ihova Atua unyum; ja is ahidaig intas ahlaijai caua aien pan an tas acis yi alwai caua a Ihova Atua unyum, is idim aiheuc vai euc a Ihova Atua unyum.

Josua 13:22

Eris lep atgei Belam inhal u Bior, natimi araces, a nup Isreel an nedoa pan ira ra eris atgei ra ara.

Josua 24:9

Is lep atidai vai caua a Belak inhal u Sipor, natimarid u nup u Moab, um ago nedoa vai nup Isreel, um abra atimi um imiacaij Belam inhal u Bior mika yi asan tas ahlaijaig vai caua aien:

Juta 1:11

Aʼa, auwe vai ra! eris idim ago nedo o Kein ara, um athut emda pan u nedo ahnag u Belam va nimtan, um auahas ra an nehtauo u Kora.

Nitai ehvaig 2:14

Ja ek ato ainyak niji itai et eti elpat vai euc, nikavaig, era amen ehelum tah era apol an nesege u Belam ara, is esege imi Belak aien, mika yi ati nitai epihtau iran an nuhup u nupu Isreel, mika eri caig nitai iji eigki ara eris ahlap iran vai ilpu atmas, um ago ingaijid.