Numera 22:4 - Intas Etipup

⁴ Eris ika a nup u Moab ehele ilpu atimi alupas Mitian, Erupu auroauro natimi iji igki um hegaig niji itai asega uja, et idivaig et caig nefelelicai an nobohtan kurimatau. Is atimarid u nup u Moab a Belak inhal u Sipor an nopan iyehki:

Numera 22:4 Iomraidhean Croise

1 Ilpu Atimarid 11:18

Eris ahes Mitian ara um yetpan Peran: eris lep lucsei atimi Peran ara um yetpan Ijipt, ehele Fero natimarid Ijipt; is alupai yin neom aien, um asaig mika eri alaan nitai caig, um alupai yin nuarin nobohtan.

Eksotus 15:15

Erupu imiali a ilpu atimi alupas an pece Itom; erupu eucjeucjeucaij a ilpu atimi emda an pece Moab; erupu auatialidi a nup u Kenan asega.

Jeremaia 48:38

Er ehtigtaig alupas irai iji lolan neom asega an pece Moab, im lep irai iji efalaig ura: et ika a Ihova, Ek mun auahas nup u Moab ainyak, et idivaig er ahtagrei nipjinitai inig er esjum vaig.

Numera 22:2

Is almoi a Belak inhal u Sipor niji itai asega eris ago a nup Isreel vai nup Emor.

Numera 22:7

Eris apan a ilpu atimi alupas u nup u Moab im ilpu atimi alupas u nup u Mitian, um apos nimtan naraces irai ikmara; eris apan ehele Belam ara, um asaig ehelen intas o Belak.

Numera 24:17

Ekmu ecetai ainyak ja an taka opan: ekmu alum itai ainyak ja et eti ubutpotet: etpu ahes irai ilpu mapoi Jekob Inmoijeuv inyi ethi, etpu lep aridjai a Natimarid inyi ethi irai up Isreel, um auud ilpu atimi alupas an pece Moab, um auahas ilpu atimi imipalea asega.

Numera 25:6

Is lep han a nup Isreel is ethi, um imiapan intakata Mitian is ethi ehele ilpu etwan, an nuhup u Moses, im lep an nuhup u nup Isreel asega, eris wat ehtigtaig ara u neucse neom er asjapicnaig o un.

Numera 31:1

IS tas a Ihova ehele Moses, um ika,

Numera 31:8

Eris lep atgei ilpu atimarid Mitian ara pan irai ra sji ehki eris atgei ra; nan, Irai, im Rikem, im Sur, im Hur, im Riba, ilpu atimarid Mitian is faiv: eris lep atgei Belam inhal u Bior ara an nedoa.

Ilpu Atimi Tas Alep 11:25

Et ti unyum inpece inigki par ohuun, et idivaig is ti u Belak inhal u Sipor, natimarid u nup u Moab; is idim eti imiisjis ehele nup Isreel aien, um eti ati nedoa vai ra.

Ilpu Atimi Tas Alep 6:1

ERIS um ago nedo has a nup Isreel an nuhup u Ihova: is lep atcijai ra a Ihova irai ikmai nup u Mitian irai mesese is seven.