Numera 22:12 - Intas Etipup

¹² Is ika a Atua ehele Belam, Namu jim ahced ra aiek; um jim ahlaijai atimi iji igki: eris acis yi alwai ra.

Numera 22:12 Iomraidhean Croise

Jenesis 12:2

erupu ahes ehelum a nup uran pece alupas; ekpu acis yi alwai euc ainyak, um imiaridjai nidam; erupu ahesmoij vai euc natimi:

2 Niji Tas Eled 31:10

Is asuptecnaig ehelen a Asaraia natimi esjilid an nahlap irai ilpu mapoi Setok, um ika, Ahes an nopan iyehki eris wat atupun natimi um imiapam niji itai tup ahtai ura an neom u Ihova, um imihum pam an nopan inig, is ahinag nitai caig incama um eled alupas: is acis yi alwai ilpu atimi o un a Ihova; et lep eled nahaijin alupas inigki.

Saam 144:15

Era mum ahesmoij natimi iji igki, et uce namen ura: era mun ahesmoij natimi iji igki, et Atua ura a Ihova.

Saam 146:5

Et mun ahesmoij a natimi inig et atau imi yin a Atua u Jekob, et lep asgeig irai Ihova aien Atua o un:

Aiseya 61:9

Erupu ato ilpu hal ura a nup urai iji pece, erupu lep ato ilpu mapora a nup urai iji elcau: ara asega era alum ra ara, erupu asaig ara vai ra, um ika, Ilpu atimi iji ig is asan tas acis yi alwai ra a Ihova.

Maika 6:5

Ak ilpu atimi unyak, akumu imiehva aijaua nitai iyehki is aktaktai vaig a Belak natimarid u nup u Moab, im lep intas iyehki is asaig ehelen a Belam inhal u Bior; maiya, akumu imiehva aijaua nitai iji ehki eris ago vai caua ahes an niskanse Sitim um yetpan an maliyum Cilcal, mika aki ato nedo aiheuc u Ihova vai caua aijaua.

Numera 22:11

Eris ahes an pece Ijipt a nup uran tah an pece um apam, era ataluopni pam nobohtan ara: apam aiek, um ahlaijai ra; kit ekpu esjilid ira ra ainyak an nedoa, um ahlo ra.

Numera 22:13

Is aiji a Belam an nuhialeg, um ika ehele ilpu atimi alupas u Belak, Akumu apan aijaua an pece unyimia: et acaiji nyak a Ihova vai ki jim ahced caua ainyak.

Numera 22:6

ek ugyi euc ainyak, mika an apam aiek, um ahlaijai atimi iji igki; era esjilid irak ara: kit ekpu esjilid ira ra ainyak, um auud ra, um ahlo ra an pece: ek ato ainyak mika era ahesmoij natimi iji ig na acis yi alwai ra aiek, et lep erekinman ira ra ara na ahlaijai ra aiek.

Numera 23:23

Et eti aca inrapupo vai ilpu mapoi Jekob, et lep eti aca naraces vai nup Isreel: er ika vai ilpu mapoi Jekob im nup Isreel an nopan inig, Inhe nigki et ago a Atua!

Numera 23:3

Is ika a Belam ehele Belak, Aiji aiek ubutpotet pan u nitai ahlap atnamud unyum, ja ekpu apan ainyak: kit etpu apam a Ihova um aubilid nyak: ekpu asuptecnaig ehelum ainyak nitai inig etpu ehvaig ehelek aien. Is echim apan aien an nuarin ijinies.

Numera 23:8

Ekpu ehvahlaijai ra sji igki ainyak, et wat eti ahlaijai ra a Atua? ekpu ehvasan tas imtacimtac vai ra sji igki ainyak, et wat eti asan tas imtacimtac vai ra a Ihova?

Numera 24:9

Era eropropse ara, um asjeucse, et idivaig laion, um lep idivaig laion alupas: etpu ahugni ra a di? Et mun ahesmoij a natimi inig et acis yi alwai caua aien, ja etpu erekinman iran aien et ahlaijai caua aien.

Madius 27:19

¶ Is wat ateuc aien an nitai ateuc tas alep iran, is abraig pan tah ehelen a ehgan, um ika, Jim ago tah nitai aiek irai natimi upene ineigki: et mun alupas nohocred unyak vai yin an numjeg ahnag unyak inpeig.

Nupu Roma 11:29

et idim eti ero naktaktai o Atua va niji itai tup ahtai o un im nahlaig va atimi o un.

Nupu Efesus 1:3

Naaurineig vai Atua Etmai Iesu Kristo Natimarid uja, is alupai caija niji itai upene asega aien, et ahes an Nesgan Upene an nohatag irai Kristo:

Tyuteronome 2:7

Is acis yi alwai caua a Ihova Atua unyimia irai iji auritai asega unyimia: et ato natga unyimia aien an namasacen alupas inigki: is amen ehelemia a Ihova Atua unyimia irai mesese is forte iji ehki; akis eti ihki atimi aijaua an tah nitai.

Tyuteronome 23:5

Ja is eti atahaijeg intas o Belam a Ihova Atua unyum; ja is ahidaig intas ahlaijai caua aien pan an tas acis yi alwai caua a Ihova Atua unyum, is idim aiheuc vai euc a Ihova Atua unyum.

Tyuteronome 28:6

Akupu ahesmoij aijaua aku wit apan aijaua iraili eom unyimia, akupu ahesmoij aijaua aku wit alau ijo aijaua.

Tyuteronome 33:29

Ak nup Isreel, eka mun ahesmoij aijaua: era idivai caua a di, ak ilpu atimi et imiatamaig caua a Ihova, nitai ahtaipup par atau imi caua, im nauitoga esjilid unyimia, mika aki esjilid irai ilpu atimi edemda vai caua; akupu atga irai uarin ijinies ura aijaua.

Tyuteronome 7:14

Akupu ahesmoij aijaua ira atimi asega: inyi eti eteuc tah natamaig, ka tah intakata, ka tah nitai eklim edo irai pece unyimia, et eti asvalav.