Numera 21:9 - Intas Etipup

⁹ Is ago nimyeuv bras a Moses, um atijai an nauincai; is wat aces tah natimi nimyeuv, is wat almoi nimyeuv bras aien, is umoh aien.

Numera 21:9 Iomraidhean Croise

2 Ilpu Atimarid 18:4

Is iknipagki niji tap aien, um auahas niji atmasimai, um attai niji cai itap, um ahtagrei nimyeuv bras iyehki is ago a Moses: eris atnamud nitai auanipin upene vaig a nup Isreel um imihum pam an nopan iyehki: is lep anvi nidan aien par ika Nehustan (Tup nuarin bras).

Aiseya 45:22

Akumu adumoij ehelek aijaua, ak nup urai iji pece asega, va uhpu imiatamaig caua: ek idim Atua ainyak, et eti lep eteuc tah Atua et eche.

Sekaraia 12:10

Ekpu atladwi Nesgak ainyak irai ilpu mapoi Tevit, im lep irai nup u Jerusalem, et idivaig nesgai naiheuc im lep nesgai nugyi itai: erupu yasjipam nyak ara eris ahcai nyak ara, erupu imitaig yin ara, et idivaig tah et imitaig inhalav atamaig o un aien et ethi ache aien, um imitaig afakatotau yin, et idivaig tah et imitaig afakatotau inhal o un inmeto.

Joanes 1:29

¶ Is wat lahlah an tak apnyin, is ecet Iesu a Joanes napanvaig ehelen, um ika, Almoi Lam o Atua aijaua, aien aigki et iknipagki nedo has aien an nobohtan:

Joanes 12:32

eh wit atijai nyak ijinies an nobohtan, ekpu aihiaig pam atimi asega ehelek ainyak.

Joanes 6:40

intas alep o un ineigki is abrai nyak aien, mika eri leh nitai umoh iran ineig inyi ti lep ti ara asega, era alum Inhal o Atua ara, um asgeig iran: ekpu imyiatidai ra ainyak an nadiat apitac.

Nupu Roma 1:17

Er lep ehvaig iran nika o Atua et atoh nedo o natimi ineig et asgeig iran aien, mika eri asgeig iran: et idivaig eris aged, um ika, “Etpu umoh a natimi ineig et atoh nedo o un va nimyiisjis ninivaijec o un.”

Nupu Roma 8:3

Is wat auatialidi intas alep va nauatialidi u atimi, is abrai Inhal o un a Atua an nohun, an nalmun nohuja has, par itai ahlap va nedo has, um esjilid irai nedo has an nohuja:

2 Nupu Korindus 5:21

Aien aigki is eti ato nedo has aien, is ati yin a Atua mika yi itai ahlap aien va nedo has uja, mika cri ika et atoh nedo uja, an nuhup u Atua, vai yin.

Ilpu Hibru 12:2

um aes pan. Iesu, aien aigki is atupun nimyiisjis ninivaijec uja aien, um lep ago ehni; is lep mas aien an nauincai atgeig, jam eti ehcamai, va nimyiacitak ineig eris ati an nuhup o un, et lep ateuc aien u dorona u Atua an matan?

1 Joanes 3:8

Aien et ago nedo has aien, is ahes ehele Tiapolo aien; is ago nedo has a Tiapolo itu acen um uhum pam. Va nitai ineigki, is idim ehcohos a Inhal o Atua, mika yi auahas nauritai u Tiapolo.