Numera 21:7 - Intas Etipup

⁷ Eris apan natimi ehele Moses, um ika, Ecris ago nedo has aijama, ecris tas vai Ihova aijama, im lep vai euc; ugyi Ihova mika yi iknipagki imyeuv ehelema aien. Is ago nalaigaheni a Moses va atimi.

Numera 21:7 Iomraidhean Croise

Jenesis 20:17

Is ago nalaigaheni vai Atua a Ebraham: jai is ago cehcehe Abimelek, im ehgan, im ilpu aheca atahig o un a Atua; eris asvalav ara.

Jenesis 20:7

Namu atcijai ehgai natimi inigki ehelen aiek; et aprofeta aien, etpu lep ago nalaigaheni vai euc aien, napu umoh aiek: ja el et eti atcijai yin aiek, napu idim mas aiek, im natimi asega unyum.

1 Ilpu Atimarid 13:6

Is tas a natimarid ehele natimi u Atua, um ika, Namu ugyi Ihova Atua unyum aiek, um ago nalaigaheni Vai nyak, va etpu lep upene nikmak. Is ugyi Ihova a natimi u Atua, is lep upene nikmai natimarid, um idivaig itu.

2 Ilpu Atimarid 13:4

Is ugyi Ihova a Jehoahas, is atahaijeg intas o un a Ihova: is idim ecetai nedo ipjin vai nup Isreel aien, is ehcerucai ra a natimarid u nup u Siria.

Nitaasviitai u Job 42:10

Is alaigaheni a Job vai ehtaij etwan erahki; ja is par atipagki nohocred u Job a Ihova: is lep alupai Job a Ihova niji itai is idivaig nitai iji ehla is upyi ohuun aien, um lep aketo um alupai yin.

Nitaasviitai u Job 42:8

Va nitai inigki, ehtijmu lucsei kurimatau atamaig inyi seven aijautaij, im siip atamaig inyi seven vai cautaij, um apan ehele Job naheca unyak, um ahlap an nitai ahlap atnamud vai cautaij; etpu alaigaheni vai cautaij a Job naheca unyak; ekpu idim atahaijeg yin ainyak, vai ki jim aru iramitaij ainyak, et idivaig nedo ahnag unyimitaij; ehtaij mun eti tas upene vai nyak aijautaij, et idivaig Job naheca unyak.

Saam 106:23

Is lep ika aien, etpu auahas ra aien, ja is aiji a Moses, natimi eris ati yin, an nuhup o un, au nuarin eris alcapdicraig, par atapnes nedemda o un, vai yi jim auahas ra aien.

Saam 78:34

Is wat atgei ra aien, eris ahilek yin ara: eris ahidai ra ara um ahodai emda Atua.

Eksotus 10:17

Ja ek ugyi caurau ainyak, mika aru jim lep imiehva nedo has unyak aijaurau an nopan inig ache, um ahlaig vai Ihova Atua unyimia, mika yi atipagki ehelek aien inmas inigki ache.

Eksotus 32:11

Is ugyi Ihova Atua o un a Moses, um ika, Ak Ihova, na a uri aiek par edemda alupas vai ilpu atimi unyum, as iknipagki ra aiek an pece Ijipt an natimi alupas unyum, im nikmam emda?

Eksotus 32:30

Is wat lahlah an tak apnyin, is ika a Moses ehele atimi, Akis ago nedo has esjilid aijaua: ja ekpu apan ehele Ihova ainyak; kit ekpu ago nitai adahpoi nedo has unyimia ainyak.

Eksotus 8:28

Is ika a Fero, Ekpu atcijaig caua ainyak, mika aki ahlap vai Ihova Atua unyimia aijaua an namasacen; jam jim apan itac acen: arumu ugyi vai nyak aijaurau.

Eksotus 8:4

erupu athut iram namopmop, im lep irai up uran pece unyum, im lep irai ilpu aheca unyum asega.

Eksotus 8:8

Is ahlaig vai Moses im Eron a Fero, um ika, Ugyi Ihova mika yi iknipagki namopmop ehelek aien, im lep ehele ilpu atimi unyak; ekpu atcijaig atimi ainyak mika eri ahlap irai iji itai ahlap vai Ihova ara.

Aiseya 26:16

Ak Ihova, eris ahilek euc ara an nohocred ura, eris alaigaheni adenaig ara as wat acaiji ra aiek.

Jeremaia 15:1

IS lep ika ehelek a Ihova, El erau aiji an nuhup unyak a Moses im Samuel, el et eti upene inliinmopok ainyak vai nup igcaki: uhmu ahlo pan itac ra, mika eri atga ura ara um eti amen an nuhup unyak.

Jeremaia 37:3

Is asaig a Setekaia natimarid ehele Jehukal inhal u Selemaia im Sefanaia inhal u Measiya natimi ahlap mika eru apan ehele Jeremaia naprofeta arau, um ika, Namu alaigaheni aiek vai Ihova Atua uja vai cama.

Hosia 5:15

Ekpu apan ainyak um adumoij pan an nuarin amen iran unyak, um yetpan an nopan iyehki uhpu aru ira ra, erupu ahilek pam nyak ara: erupu auroauro ara um ahilek nyak an nopan ohocred ura.

Numera 11:2

Eris ahlaig vai Moses natimi; is ago nalaigaheni vai Ihova a Moses, ja is par opos incap.

Madius 27:4

um ika, Kis mun ago nedo has ainyak, um aniv natimi upene ineigki. Eris um ika ara, Eruauo vai cama? tup aiek marom.

Niji auritai o ilpu Apostolo 8:24

Is tas a Saimona, um ika, Arumu ugni Natimarid vai nyak aijaurau, va yi jim yetpam irak nitai iji eigki erau mun asaig vai nyak aijaurau.

Nupu Roma 10:1

AK ilpu etoak, ek merit emda ainyak, um ugni Atua vai nupu Isreel, mika uhpu imyiatamaig ra.

Tyuteronome 9:20

Is edemda alupas a Ihova vai Eron um ika yi auahas yin: ja kis lep ago nalaigaheni vai Eron ainyak an nopan iyehki.

Jakobus 5:16

Akumu asuptecnaig jipe nedo has unyimia vai caua aijaua, um alaigaheni jipe vai caua, mika aki cehcehe aijaua. Et upene acen nalaigaheni emda u natimi atoh nedo o un.

1 Samuel 15:24

Is ika a Saal ehele Samuel, Ek mun ago nedo has ainyak: ek mun idim atladwi intas alep u Ihova ainyak, im lep intas unyum: nikavaig, kis idim imtitaig atimi ainyak, um atahaijeg intas ura.

1 Samuel 15:30

Is lep ika aien, Ek mun ago nedo has ainyak: ja ek ugyi euc ainyak, mika an ecen vai nyak aiek an nuhup u ilpu atimi alupas an pece unyak, im lep an nuhup u nup Isreel, um adumoij pam ehelek, mika ki alaigaheni vai Ihova Atua unyum ainyak.