Numera 21:34 - Intas Etipup

³⁴ Is ika a Ihova ehele Moses, Jim imtitai yin: ek mun ati yin ainyak an nikmam, im ilpu dualep o un asega, im inpece o un; napu ago nedo inig iran aiek as ago irai Saihon aiek natimarid u nup Emor, is amen Hesbon aien.

Numera 21:34 Iomraidhean Croise

2 Samuel 5:19

Is ahodai Ihova a Tevit, um ika, Ekpu aridjipan ehele nup u Filistia ainyak, ka oʼo? Napu atcijai ra pam an nikmak aiek, ka oʼo? Is ika a Ihova ehele Tevit, Namu aridjipan aiek: ekpu idim atcijai nup u Filistia pam an nikmam ainyak.

1 Ilpu Atimarid 20:13

Is ham a naprofeta is ethi ehele Ehab natimarid Isreel, um ika, Et ika a Ihova, Na mun almoi natimi iji igki asega aiek, ka oʼo? ekpu idim ikni ra an nikmam ainyak an nadiat inigki; napu lep ato aiek mika ek Ihova ainyak.

1 Ilpu Atimarid 20:28

Is apan a natimi u Atua is ethi, um tas ehele natimarid u nup Isreel, um ika, Et ika a Ihova, Eris ika a nup u Siria, Et Atua irai edoon a Ihova, ja et eti Atua irai iskanse aien, va nitai inigki ekpu ikni natimi iji igki et ahinag ainyak an nikmam, akupu lep ato aijaua mika ek Ihova ainyak.

2 Ilpu Atimarid 3:18

Et itai haklin inig an nuhup u Ihova: etpu lep atcijaig nup u Moab aien irai ikmamia.

Aiseya 41:13

Ek idim asjiraig emda inmatamia ainyak Ihova Atua unyimia, um ika ehelemia, Akumu jim imtitaig aijaua; ek mun idim atau imi caua ainyak.

Numera 14:9

Jam jim imipalea Ihova aijaua, um jim imtitaig nup uran pece; era idivaig nitai caig imi caija ara: et mun tiih nemda ura, et lep amen a Ihova eheleija: jim imtitai ra.

Numera 32:4

inpece asega marom is auud atimi iran a Ihova an nuhup u nup Isreel; ja et eteuc kurimatau u ilpu aheca unyum:

Tyuteronome 2:30

Ja is ipjin a Saihon natimarid Hesbon vai ti jim ahtaregdei yin akaija: ja is alupai yin inliinmopon ipjin, im inliinmopon imiisjisitai, a Ihova Atua unyimia, va etpu atcijaig yin imi caua aien, et idivaig an nopan inig.

Tyuteronome 20:3

um ika ehele ra, Ak nup Isreel, atahaijeg aijaua, eka mun ham aijaua an nadiat inigki par ago nedoa vai ilpu atimi tak atimi iramia: etmu jim auatialidi inliinmopomia aijaua, um jim imtitaig, um jim eucjeucjeucaij, um jim ohocred vai ra;

Tyuteronome 3:1

INTIS lep ahidaig caija akaija um atga an nefalaig et yetpan Besan: eris ahtag pam eheleija a Oc natimarid an pece Besan, im nup uran pece o un asega, par ati nedoa vai caija Etreai.

Tyuteronome 3:11

Is umoh a Oc ache natimarid Besan irai ilpu atimi actalactal iji ehki; is aiurn intinan, et amen Rabad inmaliyum u nup Amon; is kubit is nain nopra iran, im kubit is for natgeig iran, et idivaig kubit u atimi.

Tyuteronome 31:6

Akumu emda aijaua, um jim auatialidi, um jim imtitaig, um jim eucjeucjeucaij vai ra: et idim ahced caua a Ihova Atua unyimia; inyi eti udei caua aien, um eti atcijaig caua.

Tyuteronome 7:17

El eta ika an liinmopomia aijaua, Era esjilid iraija a nup urai uari pece iji igki; inta auatialidi akaija nahlo ra vaig.

Tyuteronome 7:18

Akumu jim imtitai ra aijaua: akumu imiehva aijaua nedo o Ihova vai Fero im nup Ijipt asega;

Tyuteronome 7:21

Akumu jim imtitai ra aijaua: et amen ehelemia a Ihova Atua unyimia, Atua esjilid um emda.

Tyuteronome 7:24

Etpu atcijaig ilpu atimarid ura irai ikmamia aien, akumu lep iknipagki nidara aijaua an noboh-tan: inyi eti emda tah natimi natidai vaig an nuhup unyimia, um imihum pan an nopan iyehki akupu auahas ehni ra aijaua.

Josua 10:25

Is ika ehele ra a Josua, Akumu jim imtitaig aijaua, um jim eucjeucjeucaij, etmu emda inliinmopomia aijaua um jim aua-tialidi: etpu uce nedo o Ihova vai ilpu atimi tak atimi iramia asega eka ago nedoa vai ra aijaua.

Josua 10:8

Is tas a Ihova ehele Josua, um ika, Namu jim imtitai ra aiek: ek mun ikni ra an nikmam ainyak; inyi eti aiji tah natimi ira ra an nuhup unyum.

Josua 8:7

Ja akumu atidai an nuarin atpuh unyimia aijaua, um atoraliak inmaliyum: etpu atcijaig imi caua a Ihova Atua unyimia.

Ilpu Atimi Tas Alep 11:30

Is asan tas upyi asaig ehele Ihova a Jefda, um ika, El et ago nedo inveijec aiek, um atcijaig nup Amon an nikmak,

1 Samuel 23:4

Va nitai inigki is aketo a Tevit, um ahodai Ihova. Is tas ehelen a Ihova, um ika, Atidai aiek, um asuol sepan Kila; ekpu idim atcijaig nup u Filistia pam irai nikmam ainyak.