Numera 21:3 - Intas Etipup

³ Is adai intas o nup Isreel a Ihova, um atcijaig nup u Kenan imi ra; eris auahas ehni ra ara im niji maliyum ura: is anvi nidan nuarin iyehki aien par ika Horma, (Nuarin eris auahas ehni).

Numera 21:3 Iomraidhean Croise

Saam 10:17

Ak Ihova, na mun atahaijeg inmerit u ilpu atimi upoupo aiek: napu ago emda inliinmopora aiek: napu atgeig pam intikgam aiek, um atahaijeg intas ura;

Saam 102:17

Et mun ahidaig pam yin aien u nalaigaheni u ilpu ihki atimi, um eti amcel vai nalaigaheni ura.

Saam 116:1

ET atahaijeg nyak a Ihova, im intas ugyi yin unyak; va nitai inigki, et aiyu inliinmopok ainyak vai yin.

Saam 91:15

Etpu ahlaig vai nyak aien, ekpu lep adai intas o un ainyak: ekpu amen ehelen ainyak an nohocred o un; ekpu imiatamaig yin ainyak, um ika eri ago nedo ecen vai yin.

Numera 14:45

Eris asuol a nup Amalek im nup u Kenan eris amen ara an lolan nedoon, um auud ra, um ahlo ra, um yetpan Horma.

Tyuteronome 1:44

Eris apan ehelemia a nup Emor, eris amen ara an lolan nedoon iyehki, um ahlo caua, et idivaig nedo o bi, um auahas caua Sier um yetpan Horma.

Tyuteronome 20:16

Jam jim imiatamaig tah nitai umoh irai maliyum irai up urai pece iji ehki, etpu alupai caua a Ihova Atua unyimia mika aki ohuun aijaua:

Josua 12:14

im natimarid Horma is ethi; im natimarid Erat is ethi;

Josua 15:30

im Eltolat, im Kisil, im Horma,

Ilpu Atimi Tas Alep 1:17

Eris apan a ilpu mapoi Juta, um atau ilpu mapoi Simeon ilpu etwara, um atgei nup u Kenan iji ig eris amen Sifad ara, um auahas ehni. Eris anvi nidai inmaliyum iyehki par ika Horma.

1 Samuel 30:30

im lep imi ra eris amen Horma ara, im lep imi ra eris amen Kor-esan ara, im lep imi ra eris amen Edak ara,