Numera 21:25 - Intas Etipup

²⁵ Eris atoraliak niji maliyum asega iji igki a nup Isreel: eris lep amen a nup Isreel irai iji maliyum u nup Emor; nikavaig, Hesbon im niji maliyum haklin asega iran.

Numera 21:25 Iomraidhean Croise

Nohranitai U Solomon 7:4

Et idivaig neom easpan itac iran aivore nauinwam; et weilah nesganimtam ero, um idivaig netpenwai ero o Hesbon et amen numu iran, ubutpotet pan neucse nathatahau Badrabim: et esjilid ingidjum, um idivaig neom easpan itac iran Lebanon, et easpan Tamaskus.

Aiseya 15:4

Era ehtigtaig a nup u Hesbon, im lep nup Eliali: et yetpan Jehas nohrara: va nitai inigki era ehtigtaig a ilpu eucsupo u nup u Moab; et ehioehio inliinmopora ara.

Jeremaia 48:2

Uhpu eti lep imiahpas nup u Moab: era mun aktaktai nitai has par ago vai ra a nup u Hesbon, um ika, Ti apan akaija, um iknipagki ra, mika eri jim up urai pece ara. Im lep inig, uhpu atgei caua, ak nup u Matmena; etpu lep apitac caua nedoa.

Jeremaia 48:34

Er ahgei naunyauwaig ura ahes Hesbon um yetpan ehele Eliale, er ahgei nohrara um yetpan ehele Jehas, et lep ahes Soar um yetpan ehele Horoneem, et idivaig kurimatau atahig et eteuc iran inmesese et dri: etpu idim umaruma niji wai Nimrim.

Jeremaia 48:45

Eris aiji an naiyu Hesbon a ilpu ohna van pak an nedoa: ja etpu ahes irai Hesbon incap, etpu lep ahes irai Saihon juju nalaume u un cap, um auahas niji maliyum an pece Moab, im lep u ilpu atimi ehtauo.

Esikiel 16:46

Is etwam inmeto a Sameria, aien im ilpu halav atahig o un eris amen ara an mauum: is lep etwam inharei a Sotom, aien im lep ilpu halav atahig o un eris amen ara an matam.

Esikiel 16:49

Namu ato aiek mika, is eteuc nedo has inigki ehele Sotom etwam im lep ilpu halav atahig o un, nikavaig, is ijinies inliinmopora ara, eris hag alupas ara, eris tup amen ara jam eti aktaktai, is eti atau aien imi ilpu atimi ohocred im ilpu ihki atimi.

Esikiel 16:53

Ekpu lucsei ra an taka pece ainyak, um imiadumoij pam ra, nikavaig, Sotom im ilpu halav atahig o un; ekpu lucsei ra an taka pece ainyak um imiadumoij pam ra, nikavaig, Sameria im ilpu halav atahig o un; ekpu lep lucsei euc im ilpu halav atahig unyum ainyak um imiadumoij pam caua ehele ra:

Emos 2:10

Kis imiapam caua ainyak ahes an pece Ijipt, um lep atau iramia ainyak nai mesese is forte an namasacen, mika aki leh inpece u nup Emor aijaua.

Numera 21:26

Is maliyum u Saihon natimarid u nup Emor Hesbon, is ago nedoa aien vai natimarid Moab itu acen, um atoraliak inpece asega o un um yetpan Amon.

Numera 21:31

Eris amen a nup Isreel an pece u nup Emor.

Numera 32:3

Et upene vai kurimatau nuarin pece Atarod, im Taibon, im Jeser, im Nimra, im Hesbon, im Eliali, im Sibam, im Nibo, im Bion,

Tyuteronome 2:12

Eris upyi amen Sier itu acen a nup u Hor; ja eris auahas ra a ilpu mapoi Isa, um isjeupigmoig ra, um amen an pece ura; et idivaig eris ago a nup Isreel an pece is alupai ra a Ihova mika eri ohuun ara.

Josua 24:8

Kis imiapam caua ainyak an pece u nup Emor, eris amen ara an nahaijin Jortan igcapan; eris ago nedoa vai caua ara: kis ikni ra irai ikmamia ainyak, va akupu ohuun inpece ura aijaua; kis auahas ra ainyak an nuhup unyimia.

Ilpu Atimi Tas Alep 11:26

Eris amen irai mesese is dri huntret (300) a nup Isreel an maliyum Hesbon im niji maliyum haklin iran, im Aroer im niji maliyum haklin iran, im lep irai maliyum asega ubutpotet u nofowai Amon; eka a uri aijaua par eti lep imiadumoij pan inpece inigki ehelemia an nopan iyehki asega?