Numera 21:18 - Intas Etipup

¹⁸ eris ucji nehpanwai a ilpu atimarid, eris ucji a ilpu atimi alupas u atimi vai intas u natimi tas alep irai iseuc ura. Eris ahes an namasacen ara um yetpan Matana:

Numera 21:18 Iomraidhean Croise

Nihemaia 3:1

IS atidai a Elaiasib natimi esjilid an nahlap im ilpu etwan ilpu atimi ahlap, um auritai an neucse nathatahau vai siip; eris ago upene ara, um ikni intapnes iran; um imiitap um yetpan an neom ehlad Mia, um lep yetpan an neom ehlad Hananiil.

Nihemaia 3:5

Eris lep actaig jisei ra a nup u Tekoa; ja eris eti atau an nauritai u Natimarid ura a ilpu atimi alupas ura.

Aiseya 33:22

Vaig inig nikavaig, et atimi almaijidjid uja a Ihova, et atimi tas alep uja a Ihova, et atimarid uja a Ihova; etpu imiatamaig caija aien.

Numera 21:17

Eris acesaces nohranitai inigki a nup Isreel, um ika, Etmu ahlau ohua jai inwai; akumu acesaces nohranitai vaig aijaua:

Numera 21:19

eris ahes Matana ara um yetpan Naheliel: eris ahes Naheliel ara um yetpan Bemod:

Joanes 1:17

Is alupai caija intas alep a Moses, ja is ahes ehele Iesu Kristo intas aiheuc va atimi um inivaijec.

Tyuteronome 33:4

Is ati intas alep eheleija a Moses, nitai upene inig vai ilpu atimi alupas u ilpu mapoi Jekob.

Tyuteronome 5:31

Ja namu aiji igcaki aiek ubutpotet ehelek, ekpu asuptecnaig ehelum ainyak intas, im intas alep, im nedo iji igki, namu esege imi ra aiek, mika eri ago ara an pece iyehki ekpu alupai ra ainyak mika eri ohuun ara.

Jakobus 4:12

Et eteuc Natimi tas alep et ethi, et emda aien par imyiatamaig atimi um lep auahas ra: aiek di aigki na par aktaktai has vai intak atimi?