Numera 21:16 - Intas Etipup

¹⁶ Eris ahes eahki ara um yetpan Bier: nehpanwai nigki is tas vaig a Ihova ehele Moses, um ika, Asjapicnaig atimi aiek, ekpu alupai ra inwai ainyak.

Numera 21:16 Iomraidhean Croise

Jenesis 21:19

Is asalgei nesganimtan a Atua, is ecetai nehpanwai aien; is apan aien um athun wai an hubej is ohua, um alumai inhal o un.

Eksotus 17:6

Ekpu idim aiji ijinies an nij Horeb ainyak an nuhup unyum; namu auud nij aiek, etpu ahes inwai iran luma atimi. Is ago a Moses is uce an nuhup u ilpu atimi alupas u nup Isreel.

Aiseya 12:3

Va nitai inigki akupu imiacitak aijaua, um athoi wai irai ehpaiwai iji ig er imiatamaig caua vaig.

Aiseya 15:8

Vaig inig nikavaig, et ahparehed inpece Moab nehtigtaig ura; er atahaijeg naunyauwaig inigki um yetpan Eclcem, maiya, er atahaijeg naunyauwaig inigki um yetpan Bier-ilim.

Aiseya 43:20

Erupu imiahpas nyak niji itai aleg, nikavaig, niji kuri alupas im niji alidmot: vaig inig nikavaig, ek mun ikni niji wai yah an namasacen ainyak, im niji ofowai an tupauun, par alumai ilpu atimi unyak inwai, ilpu atimi kis ehtai ra ainyak.

Aiseya 49:10

Etpu eti ehtele ra ara, um eti ahvig wai; etpu eti aces ra nagesega im nihlup: vaig inig nikavaig, aien et aiheuc vai ra aien, etpu atau ira ra aien, etpu lep asgi ra aien irai imtaiwai.

Numera 20:8

Leh niseuc aiek, um asjapicnaig atimi, aiek, im Eron etwam, arumu lep tas aijaurau ehele inhehteuc an nuhup u atimi; etpu ahlau ohua inwai iran, napu leh inwai aiek an hehteuc lumara: napu aluma atimi inwai aiek, luma ra im niji itai eklim edo irai pece ura.

Numera 33:46

Eris ahes Taibon-cat ara, um apan, um atumop Almon-tibladeem.

Joanes 4:10

Is tas a Iesu, um ika ehelen, El et ato nitai tup ahtai o Atua aiek, im lep yin et ika ehelum aien, Alumak tah inwai aiek; el et ugni yin aiek, el et par alumam inwai umoh aien.

Joanes 4:14

ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Nitai ehvaig 21:6

Is um ika ehelek aien, Eh mun ago ehni: ek Alfa ainyak um Omeca, natupun u itai im nehni u itai. Aien et ahvig wai aien, ekpu aiheuc vai yin ainyak, um aluman inwai an nehpan wai umoh.

Nitai ehvaig 22:1

IS ehvaig ehelek nofowai ahida aien is wai umoh iran, is wela upene um idivaig nitai naunau, is ahes a dorona u Atua im lep u Lam.

Nitai ehvaig 22:17

Et ika a Nesgan Upene, im lep natahaig ineig et leh natumyu un aien, Namu ham aiek. Etmu lep ika aien et atahaijeg aien, Namu ham aiek. Etmu ham aien et ahvig wai aien. Etmu lep tup umnyi inwai umoh vaig aien et merit vaig aien.

Ilpu Atimi Tas Alep 9:21

Is auroauro a Jodam, um ahapan, um yetpan Bier, um amen eahki; is idim imtitaig Abimelek etwan aien.