Numera 21:13 - Intas Etipup

¹³ Eris ahes eahki ara um atga, um atumop an nahaijin Amon itac, an namasacen an nehni vai inpece u nup Emor: et atga nofowai Amon an niblan pece Moab im Emor.

Numera 21:13 Iomraidhean Croise

Aiseya 16:2

Erupu idivaig inman melga, im niji hakli man eris ethaigse pan itac ra an nasiom ura, a ilpu takata an pece Moab irai uarin algauwaig nofowai Amon.

Jeremaia 48:20

Era ehcamai a nup u Moab; vaig inig nikavaig, eh mun imiasuol ra: akumu aunyauwaig aijaua um ehtigtaig; akumu asuptcenaig aijaua Amon, um ika eh mun auahas nup u Moab.

Numera 21:14

Va nitai inigki eris aged an nitaasviitai va nedoa u Ihova, Nitai is ago a Ihova an Jap cap, im lep ui wai Amon,

Numera 22:36

Is wat atahaijeg a Belak mika is ham a Belam, is apan aien an maliyum is ethi an pece Moab par aubilid yin, an nehni vai inpece Amon, nilpun pece itac acen.

Tyuteronome 2:13

Kis ika ainyak, Akumu atidai aijaua, um algaunyi inwai yah Siret. Intis algaunyi inwai yah Siret akaija.

Tyuteronome 2:18

Namu atga an nuarin pece Ar aiek an nadiat inigki, nahaijin pece Moab:

Tyuteronome 2:24

Akumu atidai aijaua, um atga unyimia, um algaunyi inwai yah Amon: ek mun ati an nikmamia ainyak Saihon nup Emor, et atimarid Hesbon aien, im lep inpece o un: akumu ohuun aijaua, um ago nedoa vai yin.

Ilpu Atimi Tas Alep 11:18

Ja eris par alaig apan ara an namasacen, um ahparehed an pece Itom, im inpece Moab, um apam an nahaijin pece Moab an ridjai o un, um atumop an nahaijin Amon igcapan, jam eti apan anliin pece Moab: is idim ehni inpece Moab nofowai Amon.