Numera 20:8 - Intas Etipup

⁸ Leh niseuc aiek, um asjapicnaig atimi, aiek, im Eron etwam, arumu lep tas aijaurau ehele inhehteuc an nuhup u atimi; etpu ahlau ohua inwai iran, napu leh inwai aiek an hehteuc lumara: napu aluma atimi inwai aiek, luma ra im niji itai eklim edo irai pece ura.

Numera 20:8 Iomraidhean Croise

Jenesis 18:14

Et eti ehka tah nitai vai Ihova. Ekpu lep ham ehelum ainyak an nopan eris ati, etpu apos inhalav atamaig a Sera.

Nihemaia 9:15

um alaa ra nitai caig an nohatag va numlaig ura, um imiaridjai inwai an hehteuc lumara, um asan tas upyi asaig un-yum ehele ra, mika erupu apan ara an pece iyehki as asan tas aktit unyum vaig ehele ra.

Saam 105:41

Is asalgei inhehteuc aien, is lep ahlau ohua inwai iran; is yah irai amasacen is idivaig nofowai.

Saam 114:8

aien aigki is ika aien yi eteuc netpenwai an hehteuc, im lep yi eteuc nimtanwai an hetmi.

Saam 33:9

Aien aigki is tas aien, ja is par eteuc niji itai; aien aigki is asaig aien, ja is par amen aktit niji itai.

Eksotus 14:16

namu adaigjai niseuc unyum aiek, um atgeig yi apidi nikmam ijinies an jap, um atiakoai: erupu atga an nobohtan mese a nup Isreel juju an niblan jap.

Eksotus 17:9

Is ika a Moses ehele Josua, Namu ehtai atimi aiek iraija, um apan, um ago nedoa vai nup Amalek: ekpu aiji ijinies an lolan nedoon ainyak imraig, um apos an nikmak niseuc u Atua.

Eksotus 4:17

Namu apos niseuc inigki an nikmam aiek, um ago niji itai asjaaicnaig iran.

Eksotus 4:2

Is ika ehelen a Ihova, Inhe naico an nikmam? Is ika aien, Niseuc.

Eksotus 4:20

Is leh ehgan a Moses, im ohwat halav atamaig o un, um ikni ehtaij ijinies irai togke, um adumoij pan Ijipt: is apos niseuc u Atua an nikman a Moses.

Eksotus 7:20

Erus ago nedo inigki a Moses im Eron is asaig a Ihova; is alcacsei jai niseuc o un aien, um auud inwai au nofowai, an nuhup u Fero, im lep an nuhup u ilpu aheca o un; is um ja inwai asega an nofowai.

Aiseya 43:20

Erupu imiahpas nyak niji itai aleg, nikavaig, niji kuri alupas im niji alidmot: vaig inig nikavaig, ek mun ikni niji wai yah an namasacen ainyak, im niji ofowai an tupauun, par alumai ilpu atimi unyak inwai, ilpu atimi kis ehtai ra ainyak.

Aiseya 48:21

Eris eti ahvig wai ara irai amasacen iji ig is ika aien eri atga iran: is ika aien yi ahlau ohua jai inwai an nehpanwai lumara: is lep ahwai inhehteuc aien is yah inwai iran.

Numera 20:11

Is adaigjai nikman a Moses, um ecero auud inhehteuc iyehki an niseuc o un: is ahlau ohua inwai alupas, eris umnyi atimi, im niji itai eklim edo irai pece ura.

Numera 20:7

Is tas a Ihova ehele Moses, um ika,

Numera 21:15

im lep u nofowai ui wai et asuol pan Ar, um asgeig pan an nahaijin pece Moab.

Numera 21:18

eris ucji nehpanwai a ilpu atimarid, eris ucji a ilpu atimi alupas u atimi vai intas u natimi tas alep irai iseuc ura. Eris ahes an namasacen ara um yetpan Matana:

Madius 21:21

Is tas a Iesu, um ika ehele ra, Et inivaijec ineig ek asaig ehelemia ainyak mika, El eka imyiisjis ninivaijec aijaua, um eti imyiisjis nahcil, akupu ago nedo ineig aijaua ek mun ago ainyak an nateg ineigki; akupu lep ika aijaua va nedoon ineig yi apan an taka uarin, va uhpu ethaigse an jop; etpu ucco.

Lukas 11:13

El eka ato aijaua, ak ilpu atimi auatatimi, par alupai ilpu hal unyimia niji itai tup ahtai upene, et esjilid a Etmamia an nohatag par alupai ilpu atimi ugni yin Nesgan Upene.

Joanes 16:24

Akis eti ugni tah nitai an nidak aijaua: akumu ugni aijaua, akupu leh aijaua, va etpu esjilid nimyiacitak unyimia.

Niji auritai o ilpu Apostolo 1:14

Eris emda ara asega, is tup i ethi ache inliinmopura ara, um alaigaheni, um ugni itai, im lep ilpu takata, im Mere risi Iesu, im ilpu etoan.

Josua 6:20

Eris wat ahlai toho a ilpu atimi ahlap eris auorehrara natimi: eris wat atahaijeg nohran toho natimi, eris wat lep auorehrara emda natimi, is achadaliekse nathatahau, eris lep aridjai atoh an maliyum natimi asega, eris atoraliak inmaliyum ara.

Josua 6:5

Eru wit ahlai opra niji toho ara, aku wit lep atahaijeg nohran toho aijaua, erumu auorehrara emda natimi asega; etpu achadaliekse nathatahau an maliyum, erumu lep atga um aridjipan atoh natimi asega.

Nitai ehvaig 22:1

IS ehvaig ehelek nofowai ahida aien is wai umoh iran, is wela upene um idivaig nitai naunau, is ahes a dorona u Atua im lep u Lam.

Nitai ehvaig 22:17

Et ika a Nesgan Upene, im lep natahaig ineig et leh natumyu un aien, Namu ham aiek. Etmu lep ika aien et atahaijeg aien, Namu ham aiek. Etmu ham aien et ahvig wai aien. Etmu lep tup umnyi inwai umoh vaig aien et merit vaig aien.