Numera 20:6 - Intas Etipup

⁶ Erus ahes an nuhup u atimi a Moses im Eron um apan an neucse neom itap, um eropropse an nesganimtarau: is lep ehcohos pan ehele rau naijorai Ihova.

Numera 20:6 Iomraidhean Croise

1 Iji Tas Eled 21:16

Is yiasji pan a Tevit, um ecet nagelo o Ihova naiji vaig an niblan nobohtan im nohatag, is atgeig pan nauitoga ahyausei an nikman ijinies irai Jerusalem. Eris eropse irai esgaiimtara a Tevit im ilpu atimi alupas u nup Isreel, eris mun aso ra ara ira apelumai uucai.

Eksotus 16:10

Is wat tas a Eron ehele nup Isreel asega, eris aespan an namasacen ara, is ehcohos natimi alupas u Ihova an napat.

Eksotus 17:4

Is ahlaig vai Ihova a Moses, um ika, Ekpu ago inhe ainyak ira atimi iji igki? era ika ara eri asji nyak irai hat.

Numera 12:5

Is asuol a Ihova an nalucupahas an napat um aiji an neucse neom itap, um ahlaig vai Eron im Miriam: erus apan arau.

Numera 14:10

Ja eris ika natimi asega eri asji rau irai hat. Is lep ehcohos naijorai Ihova anliin neom er asjapicnaig o un an nuhup u nup Isreel asega.

Numera 14:5

Erus atpuse a Moses im Eron an nuhup u nup Isreel asega eris asjapicnaig ara.

Numera 16:19

Is asjapicnaig atimi asega vai rau a Kora an neucse neom er asjapicnaig o un: is lep ehcohos pan naijorai Ihova ehele atimi asega.

Numera 16:22

Erus atpuse arau, um ika, Ak Atua, Atua u nesga atimi asega, napu atavaitap aiek va atimi asega, va nedo has u natimi et ethi ache, ka oʼo?

Numera 16:4

Is atahaijeg a Moses, um eropse an nesganimtan:

Numera 16:42

Eris wat asjapicnaig natimi asega vai Moses im Eron, eris aes pan neom er asjapicnaig o un ara: is ataluopni pam napat iran, eris lep ecetai naijorai Ihova.

Numera 16:45

Arumu udei atimi iji igki aijaurau, mika ki auroauro ainyak um auahas ra. Erus eropse an nesganimtarau arau.

Numera 20:7

Is tas a Ihova ehele Moses, um ika,

Madius 26:39

Is eti elvatga aien, um atpuse, um alaigaheni, um ika, Ak Etmak, el et wat eti ehka, el eh mun atipagki nipjinitai ineigki ehelek: jai jim imyiaiji intas unyak, jam imyiaiji intas unyum.

Josua 7:6

Is ahpati napelumai o un a Josua, um atpuse an nobohtan an nuhup u nelcau u Ihova um yetpan an jupura, aien im ilpu atimi alupas u nup Isreel, um atijai inmah irai idjinira.