Numera 20:21 - Intas Etipup

²¹ Is acaiji nup Isreel a natimarid an pece Itom va eri jim atga ara an pece o un: va nitai inigki eris udei yin a nup Isreel um atga ura.

Numera 20:21 Iomraidhean Croise

2 Niji Tas Eled 20:10

Ja namu almoi nup Amon aiek, im nup u Moab, im nup an nedoon Sier, nup urai elcau iji ig as acaiji nup Isreel aiek va eri jim ati nedoa vai ra ara eris wat ahes an pece Ijipt ara, ja eris udei ra ara, um eti auahas ra;

Numera 21:23

Ja is acaiji nup Isreel a Saihon va eri jim atga ara an pece o un: is asjapicnaig ilpu dualep o un asega a Saihon, um apan par atapnes nup Isreel an namasacen: is yetpan Jehas aien, um ati nedoa vai nup Isreel.

Numera 21:4

Eris ahes an nedoon Hor ara um atga an nefalaig u Injap cap, par ahparahed inpece Itom: is auatialidi alupas inliinmopoi atimi va nefalaig.

Tyuteronome 2:27

Ecrumu atga an pece unyum aijama: ecrupu atga an nefalaig alupas aijama, um eti ahidaig pan cama an matama ka an mauuma.

Tyuteronome 2:29

(is idivaig nedo o ilpu mapoi Isa era amen Sier ara, im nup u Moab era amen Ar ara;) um imihum pan an nopan iyehki ecrupu algaunyi Jortan aijama, um yetpan an pece is alupai cama a Ihova Atua unyima.

Tyuteronome 23:7

Namu jim amcel vai nup Itom aiek; era ilpu etwamia ara: um jim amcel vai nup Ijipt; as atimi an taka pece aiek an pece ura.

Ilpu Atimi Tas Alep 11:17

eris abra atimi a nup Isreel mika eri apan ara ehele natimarid u nup Itom, um ika, Namu aiheuc vai cama aiek, um ika ecri ahced inpece unyum aijama: ja is esjum a natimarid u nup Itom par atahaijeg intas ura. Is idim uco, eris abra atimi ara mika eri apan ara ehele natimarid u nup u Moab: ja is lep esjum aien: eris lep amen an nuarin pece Ketes a nup Isreel.

Ilpu Atimi Tas Alep 11:18

Ja eris par alaig apan ara an namasacen, um ahparehed an pece Itom, im inpece Moab, um apam an nahaijin pece Moab an ridjai o un, um atumop an nahaijin Amon igcapan, jam eti apan anliin pece Moab: is idim ehni inpece Moab nofowai Amon.

Ilpu Atimi Tas Alep 11:24

Et upene mika an ohuun inpece inigki aiek et alupai euc a Kimos Atua unyum par ohuun. Et idim uco, ecrupu ohuun inpece u ra sji igki asega, et ahlo pan ra an nuhup unyima a Ihova Atua unyima.