Numera 20:10 - Intas Etipup

¹⁰ Erus asjapicnaig atimi a Moses im Eron u inhehteuc, is ika ehele ra aien, Akumu atahaijeg aijaua, ak ilpu atimi imipalea; eris idim ika ecrupu athunwai lumamia aijumrau an hehteuc inigki, ka oʼo?

Numera 20:10 Iomraidhean Croise

Jenesis 40:8

Erus ika arau ehelen, Ecrus umjeg ahnag aijumrau, ja et eti eteuc tah par asuptecnaig nesgantas iran. Is ika ehele rau a Josef, Et ato a Atua ache par asuptecnaig nesgantas an numjeg ahnag u atimi: asuptecnaig ehelek aijaurau.

Jenesis 41:16

Is tas ehele Fero a Josef, um ika, Ak Fero, ek eti ato ainyak: etpu eklim asuptecnaig upene ehelum a Atua,

Saam 78:16

Is ika aien yi ahes inwai alupas an hehteuc, um lep ika yi yah inwai et idivaig nofowai.

Eksotus 17:6

Ekpu idim aiji ijinies an nij Horeb ainyak an nuhup unyum; namu auud nij aiek, etpu ahes inwai iran luma atimi. Is ago a Moses is uce an nuhup u ilpu atimi alupas u nup Isreel.

Numera 20:24

Uhpu ati Eron ehele ilpu retpon: inyi eti apan aien an pece inig ek mun alupai nup Isreel ainyak, va nedo unyimirau, nikavaig, arus imipalea intas unyak aijaurau u inwai Meriba.

Madius 5:22

ja ek asaig ehelemia ainyak mika, Aien et tup edemda vai etoan aien, etpu leh neruvaig aien: aien et ika aien ehele etoan, Et takitai, uhpu tas alep vai yin: aien et ika aien ehele etoan, Ak natimi ahnag, uhpu ati yin an cop an pece has.

1 Nupu Korindus 3:7

Et auatialidi aien et ahoaig upsi itai aien, im lep yin et leh inwai uarin; ja et emda a Atua ineig et ededel upsi itai vai yin.

Nupu Efesus 4:26

“Aku wit edemda aijaua, jam jim ago nedo has:” etmu jim ete nagesega an nedemda unyimia:

Tyuteronome 9:24

Akis atimi imipalea Ihova aijaua an nopan iyehki kis upyi ato caua ainyak um imihum pam an nopan inig.

Jakobus 3:2

Inta ahnag akaija asega an niji itai et ahinag. El et eti ahnag tah natimi an tas o un, et upene asega natimi ineigki, um lep emda par acaiji nohun asega.