Numera 20:1 - Intas Etipup

¹ ERIS apan a nup Isreel asega an namasacen Sin an mohoc uhup: eris amen Ketes natimi; is mas a Miriam eahki, eris lep atelmoi yin eahki.

Numera 20:1 Iomraidhean Croise

Jenesis 14:7

Eris adumoij ara, um yetpan Enmispat, tak idan Ketes, um auahus inpece asega u nup Amalek, im lep nup Emor eris amen ara Hasison-temar.

Saam 29:8

Etpu eucjeucjaig namasacen a Ihova an nohran; et ika a Ihova yi amaamai namasacen Ketes.

Eksotus 15:20

Is apos timbril an nikman a Miriam naprofeta takata, natahig irai Eron; eris lep apitac yin a ilpu takata asega um apos timbril um adikjai.

Eksotus 2:4

Is aiji itac acen a natahig iran, mika yi ato kit eri uhauo yin.

Eksotus 2:7

Is um ika a natahig iran ehele inhalav atahig u Fero, Ekpu apan ainyak um ahlaig vaig tah intakata alidai inhalav irai nup u Hibru, mika yi alidai inhalav inigki aien vai euc, ka oʼo?

Esikiel 47:19

Im lep nilpun pece an nahaijin inig et ahes nuritoga iran, et ehnaig Timan nigki, etmu ahes Temar um yetpan niji wai eris ehtauo o un, Ketes marom, im lep u nofowai inig et yah pok an Jap Alupas. Nahaijin pece an nuarin inig et ahes nuritoga iran, et ehnaig Timan nigki.

Maika 6:4

Kis idim imiaridji pam caua ainyak ahes an pece Ijipt, um imiatamaig caua vai inmim u ilpu atimi auaraheca; kis lep abrai Moses, im Eron, im Miriam ainyak, mika ehtiji uhup iramia ahtaij.

Numera 12:1

ERUS tas ijinies a Miriam im Eron vai Moses va nedo o un, nikavaig, is leh intakata nup u Kus ehgan aien: is idim leh intakata u nup u Kus ehgan aien.

Numera 12:10

Is lep tiih napat an neom itap; ja is lepros a Miriam, um idivaig sno: is alum Miriam a Eron, is lepros aien.

Numera 12:15

Eris atipagki Miriam an nuarin amen u atimi ira adiat is seven: eris lep eti atga natimi um imihum pan an nopan iyehki eris lep leh Miriam.

Numera 13:21

Eris aridjai ara, um aijidjid inpece nahes vaig an namasacen Sin um yetpan Rihob, an nefalaig yetpan Hemad.

Numera 13:26

Eris lep apan ehele Moses im Eron im nup Isreel asega ara Ketes, an namasacen Peran, um asuptecnaig intas ehele rau, im lep ehele atimi asega, um ehvaig ehele ra nohwai itai an pece.

Numera 20:16

ecris wat ahlaig vai Ihova aijama, is atahaijeg nohrama aien, um abrai naheca o un, um iknipagki cama an pece Ijipt: ecra amen Ketes aijama inmaliyum an nehni vai inpece unyum:

Numera 20:22

Eris ahes Ketes a nup Isreel asega, um atga um apan an nedoon Hor.

Numera 20:28

Is atipagki napelumai irai Eron a Moses, um aso Eliesar inhal o un iran; is mas a Eron eahki ijinies an lolan nedoon: erus lep ahes an nedoon a Moses im Eliesar um adip pam.

Numera 26:59

Nidai ehgai Amram, nan, Jokebet, inhalav atahig u Livai, is apos yin imi Livai a risin an pece Ijipt: is apos Eron im Moses imi Amram aien, im lep Miriam natahig ira rau.

Numera 27:14

Arus idim imipalea intas alep unyak aijaurau an namasacen Sin, va nimiisjisitai u atimi, um eti ehvaig natimi alupas unyak u inwai an nuhup ura: inwai Meriba marom, inmaliyum Ketes an namasacen Sin.

Numera 33:36

Eris ahes Ision-ceber ara, um apan, um atumop au namasacen Sin, Ketes iyehki.

Tyuteronome 1:46

Akis lep amen Ketes aijaua ira adiat is ahinag, is idivaig nadiat iji ehki akis amen eahki aijaua.

Tyuteronome 2:14

Intis ahes Ketes-barnea akaija um atga irai mesese is dirte eet, ja par algaunyi inwai yah Siret; um imihum pan an nopan iyehki eris emesmas a ilpu eucsupo asega ira atimi, is idivaig is asaig ehele ra a Ihova.

Tyuteronome 32:51

va nedo unyum, nikavaig, as ago nedo has vai nyak aiek ehele nup Isreel ui wai Meriba-Ketes, an namasacen Sin; um eti ecen vai nyak an nuhup u nup Isreel.

Ilpu Atimi Tas Alep 11:16

ja eris wat ahes an pece Ijipt, a nup Isreel, um atga an namasacen um yetpan an Jap cap, um lep yetpan an maliyum Ketes;