Numera 19:19 - Intas Etipup

¹⁹ Etmu ohaig natimi inig et has aien a natimi adicinadicin an nadiat dirt, im lep an nadiat sevend: ja etmu yiri yin aien an nadiat sevend, um ohpoi napelumai o un um ereuc, ja etpu adicinadicin aien an jupura.

Numera 19:19 Iomraidhean Croise

Jenesis 2:2

Is ago ehni nauritai o un a Atua, ja par lahlah an nadiat sevend; is atumop aien an nadiat sevend va niji auritai asega is ago aien.

Eksotus 19:10

Is ika a Ihova ehele Moses, Namu apan ehele atimi aiek, um ago itap ra inpig im imraig, erumu lep yiri apelumai ura ara,

Esikiel 36:25

Ekpu ohaig inwai weilah iramia ainyak, akupu adicinadicin aijaua: ekpu yiri caua ainyak va nemig asega unyimia, im lep va niji atmasimai asega unyimia.

Levitikus 14:7

etmu eceseven ohaig irai natimi inig aien et cehcehe aien va naleprose iran, um asaig mika et cedag aien, ja uhmu atcijaig inman umoh an lelitai.

Levitikus 14:9

Ja etmu ucsei numri nidjinin asega aien im ingeijin im nahpumtan an nadiat sevend, etmu ucsei asega aien: etmu yiri napelumai o un aien, etmu lep yiri nohun asega aien, ja etpu cedag aien.

Numera 19:12

Etmu yiri yin iran aien an nadiat dirt, im lep an nadiat sevend, ja etpu upene aien: ja el et eti yiri yin aien an nadiat dirt, im lep an nadiat sevend, inyi eti upene aien.

Numera 19:13

El et atcei pan nohui natimi mas tah natimi, jam eti yiri yin, et auahas neom itap u Ihova aien; uhmu atipagki natimi naico ehele nup Isreel: eris eti ohai yin an wai er upene vaig, va nitai inigki etpu has aien; et amen nemig iran.

Numera 19:18

etmu lep leh hisop tah natimi adicinadicin um ahtaijuli an wai, um ohaig neom atga iran, im niji itai asega, im natimi asega eris amen iran ara, im lep yin is atcei pan tah neduon aien, ka tah natimi eris atgei yin, ka tah natimi mas, ka tah netheso:

Numera 31:19

Akumu amen itac aijaua va nuarin amen u atimi: el is atgei tah natimi tah, el is lep atcei pan tah natmas tah, akumu yiri caua aijaua im lep ilpu aheca unyimia an nadiat dirt im nadiat sevend.

Numera 31:24

Akumu lep yiri apelumai unyimia aijaua an nadiat sevend, akupu lep upene aijaua, ja akumu apitac aijaua um apan an nuarin amen u atimi.

Taitus 2:14

aien is ahtai yin aien vai caija, mika yi auarimtaija aien va nedo has uja, um ago adicinadicin ilpu atimi esjilid imi yin, um emda u nedo upene.

Ilpu Hibru 10:22

va nitai ineigki intumu apan ubutpotet anliinmopja inivaijec akaija, um imyiisjis ninivaijec emda, um ago adicinadicin inliinmopja va naktaktai has uja, um yiri nohuja an wai weilah.

1 Joanes 1:7

ja ele ta atga an lah akaija, et idivaig et amen an lah aien, inta asipiai itai ehelen akaija, et lep ago adicinadicin caija va nedo has asega uja inja irai Iesu Kristo Inhal o un.

Juta 1:23

jam imyiatamaig nahaiji ra an nimyicoho, um atoraliak ra an cop; akumu lep amcel vai napelumai ura aijaua et emeig va nohura.